Génesis 6:11 - DIOSPA QHELQACHISQ

¹¹ Kay pachapi millayta ruwaspa purina anchañapuni kasqanta Dios rikorqa. Jinallataj mana cheqan kajta ruwana junt'a kasqanta rikullarqataj,

Qheshwa Biblia DC

¹¹ Diospa ñaupaqempi mundoqa imaymana juchawan junt'a karqa, chejninakuywan ima.

DIOSPA QHELQACHISQAN DEUTEROCANONICAL

¹¹ Kay pachapi millayta ruwaspa purina anchañapuni kasqanta Dios rikorqa. Jinallataj mana cheqan kajta ruwana junt'a kasqanta rikullarqataj,

Génesis 6:11 ပူးပေါင်းရင်းမြစ်များ

Génesis 10:9

Nimrodqa Tata Dios munasqanrayku k'ita animalkunata jap'inapaj manchay wapu karqa. Chayrayku runakuna ajinata niyta yachaj kanku: Kay runaqa Nimrod jina wapu, pichus Tata Dios munasqanrayku k'ita animalkunata jap'inapaj wapu karqa, chay jina nispa.

Génesis 13:13

Sodoma llajtayojkunarí millay runakuna kasqankurayku, Tata Diospa contranpi millayta ruwaspa, anchata juchallerqanku.

Génesis 6:10

Noejta churinkunataj kinsa karqanku: Sem, Cam, Jafet ima.

Génesis 7:1

Chaymanta Tata Diosqa Noeta nerqa: Qan, chantá aylluyki ima jatun barcoman yaykuy, imajtinchus noqa rikuni mita masiykikunamanta qanlla munasqayman jina purisqaykita.

2 Crónicas 34:27

sonqoykita wawayachispa, noqaman k'umuykamuwarqanki, kay cheqaj contranpi, kaypi tiyakojkunaj contrankupiwan, imakunatachus nisqayta uyarispa. Ñawpaqeyman k'umuykamuwarqanki, p'achaykita llik'ikuspataj, ñawpaqeypi waqarikorqanki. Chayrayku noqapis mañakuwasqaykita uyarillaykitaj, nispa. Noqa Tata Diosniyki nishayki:

Salmos 11:5

Tata Diosqa cheqanta ruwajkunata, millayta ruwajkunatapis qhawan. Kallpankuman atinikuspa imatapis ruwayta munakojkunatarí, tukuy sonqonwan chejnikun.

Salmos 140:11

11 (12) Nina qallu runaqa ama kay pachapi sayachunchu. Kallpanman atinikuspa runa maqataqa mana allin kaj qhatirichun, chinkachichuntaj.

Salmos 55:9

9 (10) Tukuyta Kamachej Dios, awqaykunata chinkachiy, parlayninkutataj pejtuy, imaraykuchus maqanakuta, ch'ajwata ima llajtapi rikuni.

Éxodo 32:7

Chantá Sinaí orqopi Tata Dios Moisesta nerqa: Kunanpacha kay orqomanta urayk'uy, imaraykuchus Egiptomanta orqhomusqayki runakunaqa millayta ruwashanku.

Isaías 60:18

Manaña jayk'ajpis maqanakuy chantá wañuchinakuy suyuykipi uyarikonqachu, nillataj pipis suyuykita thuñej jamonqachu. Manachayqa perqaykikunata “Qhespichiwajniy”, nispa sutichanki, punkuykikunatataj “Tata Diosta Yupaychana”, nispa.

Jeremías 6:7

Jerusalenmanta millayta ruwana llojsimullanpuni, imaynatachus uj pujyumanta yaku llojsimullanpuni, ajinata. Chay llajtapi suwanamanta chantá mana allinta ruwanamanta parlasqalla uyarikun. Chaypi onqoykunawan k'irisqa runakunallata rikuni.

Ezequiel 28:16

Chaywanpis qhatuykipi allin risusqanrayku, kallpaman atinikuspa, millayta ruwaspataj juchallerqanki. Chayrayku qhawaj querubín, noqaqa qanta ajllakusqay orqomanta wijch'orqayki, qoyllurkuna chawpimantataj qharqorqayki.

Ezequiel 8:17

Chantá Tata Dios niwarqa: Runaj churin, imatachus ruwasqankuta rikunkichu? Judá aylloqa chay jina millayta ruwasqanwan mana sajsakunchu. Kay suyuman kallpaman atinikusqa millayta ruwanawan junt'achinku. Astawan astawan phiñachishawanku, millayta ruwasqankumanta asnasqantaj senqayman chayamuwan.

Habacuc 1:2

Tata Dios, mayk'ajkamataj qhaparikamusqayki, qantaj mana uyariwankichuri? Jayk'ajkamataj qhaparikamusqayki kallpaman atinikuspa ñak'arichiwasqankurayku, manataj kacharichiwankichuri?

Habacuc 2:17

Qan imatachus Líbano orqota millayta ruwasqaykeqa pataykiman urmamonqa, mancharikunkitaj k'ita animalkunata wañuchisqaykimanta. Chay jasut'i chayamusonqa runakunata wañurachisqaykirayku, chay suyoj contranta, runakunaj contranta ima millayta ruwasqaykiraykutaj.

Habacuc 2:8

Contraykipi waj suyukuna tantaykukuspa, tukuy kapuyniykita qhechusonqanku, imaynatachus qanpis paykunamanta qhechorqanki, jinata. Chaypacha may chhika runakunata wañurachisqaykimanta pagachisonqanku, kallpaykiman atinikuspa kay suyupi, chantá llajtakunapi tiyakojkunawan imatachus ruwasqaykimanta.

San Lucas 1:6

Qhari warmi Diospa ñawpaqenpi cheqan kawsayniyoj karqanku, Diospa nisqanman jina kawsakuspa, ni pejpa k'aminan.

Romanos 2:13

Chayqa jina, imaraykuchus mana kamachisqata uyarejkunallachu Diospa ñawpaqenpi cheqan runapaj qhawasqa kanqanku. Aswanpis kamachisqaj nisqanta kasojkunamin cheqan runapaj qhawasqa kanqanku.

Romanos 3:19

Yachanchej Moisespa kamachisqanpi nisqanqa chay kamachisqaj makinpi kajkunapaj churasqa kasqanta. Chayqa ajina kay pachapi kaj chhika runakuna ch'inyachisqa kanankupaj, tukuytaj Diospa ñawpaqenpi juchachasqa rikhurinankupaj.

Deuteronomio 31:29

Noqa yachani wañupusqaymanta qhepaman qankunaqa manaña Diosta kasunaykichejta, yachachisqaytapis mana kasuta ruwanaykichejta. Yachallanitaj qhepamanqa sinch'i llakiykuna qhatirisunaykichejta, Tata Diospa ñawpaqenpi mana allin kajta ruwasqaykichejrayku, millayta ruwaspataj, payta phiñachisqaykichejrayku, nispa.

Jueces 2:19

Juezninku wañupojtintajrí, watejmanta israelitakuna juchallillajtaj kanku, ñawpa tatankumanta astawanraj waj dioskunata qhatispa, chantá yupaychaspa ima. Manapuni t'aqakorqankuchu millayta ruwaspa kawsanamanta nitaj mana uyarikoj kanamanta.