Génesis 50:24 - DIOSPA QHELQACHISQ

²⁴ Uj kuti Joseqa wawqenkunata nerqa: Noqaqa wañupusajña. Diostajrí qankunata yanapaspa, kay jallp'amanta orqhosonqachej. Chaymantataj, ima jallp'atachus Abrahamman, Isaacman, Jacobman ima tiluspa, qonanta nerqa, chay jallp'aman pusasonqachej, nispa.

Qheshwa Biblia DC

²⁴ Uj kuti Joseqa wauqesninman nerqa: Pisillaña kashan wañupunayman, Dios qankunamanta yuyarikusonqachej, kay jallp'amanta orqhosonqachej, pusasunaykichejpaj mayqen jallp'atachus qosqaykichej nerqa Abrahamman, Jacobman ima, chayman.

DIOSPA QHELQACHISQAN DEUTEROCANONICAL

²⁴ Uj kuti Joseqa wawqenkunata nerqa: Noqaqa wañupusajña. Diostajrí qankunata yanapaspa, kay jallp'amanta orqhosonqachej. Chaymantataj, ima jallp'atachus Abrahamman, Isaacman, Jacobman ima tiluspa, qonanta nerqa, chay jallp'aman pusasonqachej, nispa.

Génesis 50:24 ပူးပေါင်းရင်းမြစ်များ

Génesis 12:7

Chantá Tata Diosqa chaypi Abramman rikhurispa, nerqa: Kay jallp'atamin mirayniykiman qosaj, nispa. Abramtaj chaypi Tata Diospaj uj altarta ruwaporqa, chaynejpi Tata Dios payman rikhurisqanrayku.

Génesis 13:15

Noqaqa tukuy rikusqayki jallp'ata qosqayki. Chay jallp'ataj qanpaj, jinataj mirayniykipajpis wiñaypaj kanqa.

Génesis 13:17

Qan purispa, wichaynejta uranejta kay jallp'ata muyumuy, imaraykuchus noqa kay jallp'ata qanman qosqayki, nispa.

Génesis 15:18

Chay p'unchay Tata Diosqa Abramwan kay tratota ruwarqa: Noqa kay jallp'ata mirayniykiman qosaj Egipto mayumantapacha Éufrates jatun mayukama.

Génesis 15:7

Tata Dios nillarqataj: Noqa Tata Dios kani. Noqamin Caldea suyupi Ur llajtamanta orqhomorqayki, kay jallp'ata qanman chayaqeta qosunaypaj, nispa.

Génesis 15:8

Chantá Abram nerqa: Tukuyta Kamachej Tata Diosníy, imaynapitaj sut'ita yachasaj kay jallp'ata chayaqeypaj jap'inaytari? nispa.

Génesis 17:8

Qanman, mirayniykimanwan, maypichus tiyakushanki, chay tukuy Canaán jap'iyta qosqaykichej wiñaypaj chayaqeykichej kananpaj. Noqataj wiñaypaj Diosniyki kasaj, nispa.

Génesis 21:1

Tata Diosqa Saraman imatachus nisqanta junt'arqa.

Génesis 26:3

Kunanraykoqa kay llajtallapiraj tiyakushay. Noqa qanwan kasaj, yanapasqaykitaj. Aswan qhepanejmantaj qanman, chantá mirayniykiman ima kay tukuy jallp'ata qosqaykichej. Ajinata ruwaspa, noqa tatayki Abrahamman imatachus nisqayta junt'asaj.

Génesis 28:13

Jinallataj Jacob rikorqa paypa ñawpaqenpi Tata Dios sayaspa, nishajta: Noqa Tata Dios kani, jatun tatayki Abrahampata chantá tatayki Isaacpatawan Diosnin. Maypichus puñushanki, chay jallp'ata qanman qosqayki, jinallataj mirayniykimanpis.

Génesis 3:19

Mikhunaykipaj jump'i suruyta llank'anayki kanqa, wañupunayki p'unchaykamataj ajina kanqa. Qanqa jallp'amanta ruwasqa kanki, chayrayku jallp'allamantaj kutinki, nispa.

Génesis 35:12

Noqaqa Abrahamman, Isaacmanwan qosqay jallp'ata qanman qollaykitaj. Jinataj mirayniykimanpis chay jallp'ata qosaj, nispa.

Génesis 46:4

Noqamin qanwan Egiptoman risaj, noqallataj mirayniykita orqhospa, paykunata kayman kutichimusaj. Chantá Egiptopi wañupojtiyki, Joseqa qayllaykipi kanqa ñawiykita wisq'ananpaj, nispa.

Génesis 47:29

Ujpacha Israelqa wañupunan qayllallaña kasqanta reparaspa, Joseta wajyachispa, nerqa: Sichus cheqatapuni munakuwanki chayqa, makiykita khapay chayman churaspa, tiluy imatachus nisusqayta ruwanaykita: Wañupojteyqa, ama ari Egiptopi p'ampawankichu.

Génesis 48:21

Chaymantataj Joseta nerqa: Noqaqa wañupusajña, chaywanpis Diosmin qankunawan kanqa. Aswan qhepamantaj payllataj ñawpa tataykichejpa Canaán jallp'aman kutichisonqachej.

Génesis 50:5

Tatayqa wañupunan qayllapi kashaspa, tiluchiwarqa wañupojtin paypa ruwachikusqan aya p'ampanaman ayanta p'ampamunayta. Chayqa Canaán jap'iypi kashan. Noqa munayman faraón saqerinawanta tataypa ayanta p'ampamoj rinayta. P'ampakampuspataj, noqa kutimpusaj, nispa.

Job 30:23

Noqa yachakuni wañuyman apashawasqaykita, tukuy wañojkuna maymanchus rinanku kashan, chayman.

Éxodo 12:41

Chay watakuna junt'akojtin, chay kikin p'unchaypi israelitakuna Tata Diospa soldadonkuna jina, Egiptomanta llojsiporqanku.

Éxodo 12:51

Chay kikin p'unchayllataj Tata Diosqa israelitakunata t'aqa t'aqapi t'aqasqata Egiptomanta orqhorqa.

Éxodo 13:19

Chaypacha Moisesqa Joséj tulluntapis apallarqataj, imaraykuchus José kawsashaspallaraj israelitakunata tiluchispa, nisqa: Maypachachus Dios yanapasonqachej chaypacha, kaymanta ripushaspa, tulluyta apankichej, nispa.

Éxodo 3:8

Chayrayku Egipto llajtayojkunaj makinmanta paykunata kacharichinaypaj urayk'amuni, Egiptomanta orqhospa, paykunata sumaj jallp'aman pusanaypaj, maypichus lechewan, abeja misk'iwan yaku jina purishan, chayman. Chay jallp'api tiyashanku: Cananeokuna, jeteokuna, amorreokuna, ferezeokuna, heveokuna, jebuseokuna ima.

Éxodo 33:1

Tata Dios Moisesta nerqa: Qanwan chantá, Egiptomanta orqhomorqanki, chaykunawan khuska kaymanta puririychej, noqa Abrahamman, Isaacman, Jacobmanwan ima tiluspa nerqani: Mirayniykichejman kay jallp'ata qosaj, nispa, chayman.

Éxodo 4:31

Jinapi israelitakuna paykunaj nisqankuta jap'ikorqanku. Chantá Tata Dios israelitakunamanta yuyarikusqanta, ñak'arisqankutapis rikusqanta ima yachaspa, tukuyninku qonqoriykukorqanku, Diostataj yupaycharqanku.

Eclesiastés 12:5

Diosmanta yuyarikuy wichayman rinapis manaraj mancharikuna kashajtin, ñanta purinapis manaraj manchay manchachikuna kashajtin. Chaypacha chujchayki almendro t'ika jina yurajyanqa. Kallpaykipis pisiyajtin, wañuy patapi kashaj phinki phinki jina ñak'ayllataña purinki. Jinallataj warmi munayniykipis chinkaponqa. Diosmanta yuyarikuy manaraj runaj wiñaypaj tiyananman ripushajtiyki. Chaypacha p'ampakuman rejkuna qanmanta waqanqanku.

Eclesiastés 12:7

Chay p'unchay jallp'aqa jallp'allamantaj kutenqa, ñawpajta karqa, chayllamantaj. Qanman kawsay qosqa karqa, chaytaj Diosman kutiponqa.

Números 32:11

Egiptomanta llojsimojkunamanta, iskay chunka watayojmanta pataman chay jallp'ata mana rikonqankuchu, imajtinchus mana tukuy sonqochu qhatiwarqanku. Chay jallp'ata Abrahamman, Isaacman, Jacobman ima tiluspa qonayta nerqani, chayman mana yaykonqankuchu.

Romanos 5:12

Maypachachus Adán juchallerqa, chaypacha jucha kay pachaman yaykumorqa. Adanpa juchallisqantaj wañuyta rikhuricherqa. Ajinamanta tukuy wañunanchej tiyan, tukuy juchallisqanchejrayku.

Deuteronomio 1:8

Noqa chay suyukunata qankunaman qoykichej. Chayrayku chayman rispa, chay jallp'ata jap'ej yaykuychej. Chay jallp'ata noqa Tata Dios ñawpa tataykichej Abrahamman, Isaacman, Jacobman, jinallataj mirayninkuman ima tiluspa qonayta nerqani, nispa.

Deuteronomio 6:10

Tata Diosniykichejqa ñawpa tataykichej Abrahamman, Isaacman, Jacobman ima tiluspa qonanta nerqa, chayman pusasonqachej. Chay jallp'aqa jatuchaj sumaj llajtakunayoj. Chaykunataqa mana qankunachu sayaricherqankichej.

Hebreos 11:22

Ajinallataj Diospi atinikusqanrayku Josepis wañuy patapi kashaspa, israelitakuna Egiptomanta llojsipunankumanta parlarqa. Jinapi José kamacherqa israelitakuna Egiptomanta ripuspa, tullunkunata Canaanman apanankuta.

Hebreos 9:27

Nisqa kashan runaqa uj kutillata wañunan, chaymantataj Diospa ñawpaqenpi juzgasqa kanqa.

Josué 24:32

Israelitakunaqa Joséj tullunta Egiptomantapacha apamusqankuta Sichem llajtapi p'amparqanku. Chay jallp'ataqa tatan Jacob, Sichem sutiyojpa tatan Jamormanta pachaj qolqewan rantikusqa. Qhepanejmantaj chay jallp'ataqa Joséj churinkuna jap'isqanku.