Génesis 50:19 - DIOSPA QHELQACHISQ

¹⁹ Josetajrí paykunata nerqa: Ama manchachikuychejchu. Noqaqa mana Dioschu kani.

Qheshwa Biblia DC

¹⁹ Josetaj paykunaman nerqa: Ama chaymantaqa llakikuychejchu, mana noqaqa Diospa sutimpi oqharikuymanchu.

DIOSPA QHELQACHISQAN DEUTEROCANONICAL

¹⁹ Josetajrí paykunata nerqa: Ama manchachikuychejchu. Noqaqa mana Dioschu kani.

Génesis 50:19 ပူးပေါင်းရင်းမြစ်များ

Génesis 30:2

Jacobtajrí phiñakuspa, payta nerqa: Noqaqa mana Dioschu kani. Pay wawayoj kanaykita mana munanchu, nispa.

Génesis 45:5

Chaywanpis ama chaymanta anchata llakikuychejchu, nitaj vendewasqaykichejmanta juchachanakuychejchu. Diosmin qankunamanta ñawpajta kayman kachamuwarqa, qankunata kawsachinaypaj.

Génesis 50:18

Chantá wawqenkunañataj Joseman rispa, paypa ñawpaqenpi qonqoriykukorqanku, pampakama k'umuykuspataj, nerqanku: Kunanmantapacha wata runayki kasqayku, nispa.

Génesis 50:20

Qankuna mana allinta ruwawayta munarqankichej, Diostajrí mana allin kajta allinman tukucherqa, kunan imatachus rikushasqaykichejta ruwananpaj, ashkha runata kawsachinanpaj ima.

2 Reyes 5:7

Chantá Israel suyuta kuraj kamachej cartata ñawiriytawankama, p'achanta llik'irakuspa, nerqa: Noqa Dioschu kasqani, runata wañuchinaypaj, kawsachinaypajpis, noqa chay runata qhaliyachinaypaj kachamunawanpajri? Qankuna allinta reparaychej: Kay runaqa maqanakuta mask'ashan, nispa.

San Mateo 14:27

Jesustajrí usqhayllata paykunata nimorqa: Sonqochakuychej, noqa kani. Ama manchachikuychejchu, nispa.

Romanos 12:19

Munasqa wawqe panakuna, ama qankuna kikiykichej vengakuychejchu, manachayqa saqeychej Dios millayta ruwajkunata jasut'inanta. Diospa Qhelqachisqanpi nin: Tukuyta Kamachej Dios nin: Vengakunaqa noqajta. Ruwasqankuman jina jasut'ispa, noqa pagachikusaj, nispa.

Deuteronomio 32:35

Vengakunayqa noqajta, noqataj pagapusaj. Maychus wakichisqay p'unchaypi misk'anqanku, sonqo nanayman tukuchisqa kananku p'unchay qayllallapiña. Juzgasqa kanankupis kayllapiña kashan, nispa.

Hebreos 10:30

Noqanchej Tukuyta Kamachej Diospa nisqanta yachanchej: Vengakunaqa noqajtamin, jinataj ruwasqankuman jina noqa pagachikusaj, nispa nisqanta. Nillarqataj: Tukuyta Kamachej Diosqa ayllunta juzganqa, nispa.