Génesis 50:10 - DIOSPA QHELQACHISQ

¹⁰ Jordán mayoj chimpanpi Atadpa eranman chayaspataj, Jacobmanta maytapuni waqarikorqanku. Chaypi Joseqa tatanmanta llakikusqanrayku qanchis p'unchayta qhashqa p'achata churakuspa karqa.

Qheshwa Biblia DC

¹⁰ Jordán mayoj chimpampi Goren-ha-atadman chayaspataj maytapuni Jacobmanta waqarikorqanku, sumaj ruwayta chaypi ruwarqanku. Chaypi Joseqa qanchis diata llakiy p'achasta apaykacharqa.

DIOSPA QHELQACHISQAN DEUTEROCANONICAL

¹⁰ Jordán mayoj chimpanpi Atadpa eranman chayaspataj, Jacobmanta maytapuni waqarikorqanku. Chaypi Joseqa tatanmanta llakikusqanrayku qanchis p'unchayta qhashqa p'achata churakuspa karqa.

Génesis 50:10 ပူးပေါင်းရင်းမြစ်များ

Génesis 27:41

Chaymantapacha Esauqa Jacobta manchayta chejnikorqa, tatan payta saminchasqanmanta, nerqataj: Tatayqa ñapis wañuponqaña. Chaymanta qhepaman sullk'ay Jacobta wañurpachisaj, nispa.

Génesis 50:11

Chaynejpi tiyakojkuna Atad erapi chay jinatapuni waqasqankuta rikuspa, nerqanku: Egipto llajtayojkuna wañojninkumanta manchayta waqaspa p'ampayta yachasqanku, nispa. Chayrayku chay cheqata “Abel Mizrayin”, nispa suticharqanku. Chayqa Jordán mayoj inti llojsimuyninnejpi kashan.

Génesis 50:3

Paykuna tawa chunka p'unchaypi Jacobpa ayanta ch'akicherqanku, imaraykuchus chay jina unaypi jampisqa ayaqa ch'akin. Egipto llajtayojkunaqa Jacob wañupusqanta yachaspa, qanchis chunka p'unchayta llakiy p'achata churakuspa, waqarqanku.

Génesis 50:4

Wañojmanta yuyarikuspa, llakikuna p'unchay junt'akojtintaj, Joseqa faraonpa kamachinan wasipi kaj kamachikunawan parlarqa: Ama jina kaspa, tatay imatachus niwasqanta faraonman parlaripuwaychej.

Génesis 50:9

Josewan ashkha runakuna rerqanku, carretakunapi, caballokunapi ima.

2 Samuel 1:17

Davidqa takerqa kay aya takiyta Saulwan, churin Jonatanwan wañusqankumanta.

2 Samuel 11:26

Chantá Uriaspa warmenqa qosan wañupusqanta yachaytawan, lutokorqa.

1 Crónicas 10:12

Chayrayku tukuy wapu runakuna tantaykukuspa, Saulpa ayanta, jinataj churinkunaj ayantawan orqhospa, Jabés llajtaman aparqanku. Chaypitaj uj sach'a uraman p'ampaykorqanku. Chantá llakikusqankuta rejsichinankupaj qanchis p'unchayta ayunarqanku.

Job 2:13

Chaymantaqa Jobwan khuska pampapi qanchis p'unchayta, qanchis tutatawan tiyarqanku. Paykunaqa Jobta sonqo nanayta ñak'arishasqanta rikuspa, mana parlapayaykuyta aterqankuchu.

Eclesiastés 12:5

Diosmanta yuyarikuy wichayman rinapis manaraj mancharikuna kashajtin, ñanta purinapis manaraj manchay manchachikuna kashajtin. Chaypacha chujchayki almendro t'ika jina yurajyanqa. Kallpaykipis pisiyajtin, wañuy patapi kashaj phinki phinki jina ñak'ayllataña purinki. Jinallataj warmi munayniykipis chinkaponqa. Diosmanta yuyarikuy manaraj runaj wiñaypaj tiyananman ripushajtiyki. Chaypacha p'ampakuman rejkuna qanmanta waqanqanku.

Números 19:11

Pillapis ima ayatapis llankhajqa qanchis p'unchayta mana llimphupaj qhawasqa kanqa.

Números 20:29

Israelitakuna Aarón wañupusqanta yachaspataj, uj killata waqarqanku.

Hechos 8:2

Jinallataj wakin khuyakuyniyoj runakuna Estebanta p'amparqanku, chantá unayta pay wañusqanmanta waqarqanku.

Deuteronomio 1:1

Kay jinata Moisés Jordán mayu inti llojsimuynej ch'innejpi tukuynin israelitakunaman parlarqa. Arabapi, Sufpa chimpanpi, Parán llajtawan, Tofel, Labán, Jaserot, Dizahab llajtawan ima, chawpinpi kashajtinku parlarqa.

Deuteronomio 34:8

Israelitakunaqa Moab suyupi ch'innejpi, kinsa chunka p'unchay junt'ata maytapuni Moisesmanta waqarikorqanku. Ajinata Moisés wañupusqanmanta waqana llakikuspa usunkuta junt'arqanku.

1 Samuel 31:13

Chantá tullunkuta Jabés llajtapi uj tamarindo sach'a uraman p'ampaykorqanku. Chantá qanchis p'unchay junt'ata mana mikhuspa, ayunarqanku, llakikusqankuta yachayta qospa.