Génesis 49:27 - DIOSPA QHELQACHISQ

²⁷ Benjaminqa phiña atoj jina, imatachus jap'isqanta tutamanta mikhun, ch'isiyaykuytataj puchusqanta rak'iran, nispa.

Qheshwa Biblia DC

²⁷ Benjamenqa uj suwa atoj jina, tutamanta mikhun imatachus wañuchisqanta, ch'isiyaykuytataj puchuchisqasninta rak'iran.

DIOSPA QHELQACHISQAN DEUTEROCANONICAL

²⁷ Benjaminqa phiña atoj jina, imatachus jap'isqanta tutamanta mikhun, ch'isiyaykuytataj puchusqanta rak'iran, nispa.

Génesis 49:27 ပူးပေါင်းရင်းမြစ်များ

Génesis 35:18

Raqueltajrí wañupushaspaña, ñak'ayllataña wawata suticharqa: “Benoní”, nispa. Wawaj tatantajrí “Benjamín”, nispa suticharqa.

Génesis 46:21

Benjaminpa churinkunarí karqanku: Bela, Bequer, Asbel, Gera, Namán, Ehí, Ros, Mupín, Jupín, Ard ima.

Génesis 49:26

Tataykej saminchasusqanqa aswanmin jatun tataypa saminchawasqanmanta nisqaqa. Mana tukukoj orqokunakama saminchaynin kanqa, chay saminchaytaj Joséj umanpi sayachun, pichus wawqenkuna chawpimanta ajllasqa karqa, chaypata.

Génesis 49:28

Chaykuna Israelpa chunka iskayniyoj ayllunkuna kanku, tatankutaj ajinata sapa ujta samincharqa.

Jeremías 5:6

Chayraykumin montemanta leonkuna llojsimuspa, paykunata wañurachenqanku. Ch'innejmanta onzakuna, k'ita alqokunapis paykunata t'isaranqanku, tigrekunapis llajtakuna qayllapi suyaykonqanku. Llajtankumanta runakuna llojsejtinkutaj, paykunata t'isarallanqankutaj, imaraykuchus ashkha kutita Diospa contranta oqharikorqanku, ashkha kutitataj payta wasancharqanku.

Ezequiel 22:25

Kay suyupi kamachejkunaqa Diosmanta sut'inchajkuna leonkuna jina kanku. Qhaparispa, mithaspataj runakunata wañurachinku. Chay runakunaj qolqe waqaychanankuta, kapuyninkutawan suwanku. Jinallataj ashkha warmej qosankutapis wañurachinku.

Ezequiel 22:27

Kay llajtapi kurajkunaqa atojkuna jina jap'isqankuta mithanku, runakunatataj wañuchinku kapuyninkuta suwaspa qhapajyanankupaj.

Sofonías 3:3

Kamachejninkukunaqa león jina qhaparirinku. Juezninkukunapis phiña k'ita alqo jina kanku, mayqenchus q'ayantinpaj ni uj tullullatapis puchuchinkuchu, ajina.

Números 1:36

Benjamín jatun ayllumanta yupasqa kajkunaqa 35.400 qharikuna karqanku.

Números 23:24

Kay runakunaqa león jina sayaykonqanku, phiña león jinataj sayarenqanku. Jap'isqanta mikhunankama mana samarenqachu, jap'isqanpa yawarninwan sajsakunankama, nispa.

Números 34:21

Benjamín jatun ayllumantataj Quislonpata churin Elidadta ajllankichej.

San Mateo 10:16

Kunanqa, noqa kachashaykichej ovejatapis atojkunaj chawpinkuman kachashayman jina. Qankunarí katarikuna jina sumaj yuyayniyoj kaychej, urpikuna jinataj llamp'u sonqoyoj.

San Mateo 7:15

Qankunaqa allinta qhawakuychej pikunachus llullakuspa: Diosmanta sut'inchaj kani, nispa nejkunamanta. Paykunaqa oveja jina jamusunkichej, sonqonkupitajrí suwa atoj jina kanku.

Hechos 20:29

Noqa yachani ripojtiykama, chawpiykichejman wajkuna phiña k'ita animal jina yaykuykamunankuta, tropata chinkachiyta munaspa.

Hechos 8:3

Saulorí Jesuspa iglesianta manchayta qhatiykacharqa tukuchiyta munaspa. Wasikunaman yaykuspataj, Jesusta qhatikoj qharikunata, warmikunata ima jap'irarqa, qhatataspataj, carcelman wisq'aracherqa.

Hechos 9:1

Chaykama Sauloqa Tukuyta Kamachej Jesusta qhatikojkunata wañurachillaytapuni munaspa, kuraj kaj sacerdotewan parlaj rerqa.

Deuteronomio 33:12

Benjamín jatun ayllumanta parlaspataj, Moisés nerqa: Tata Diospaj may munasqa kajqa, ni imamanta llakiyniyoj kawsakonqa, imaraykuchus Patapi Kajqa payta wiñaypaj jark'akonqa. Tata Diospa waqaychayninpi tiyakonqa, nispa.

Filipenses 3:5

Noqaqa paqarisqaymanta pusaj p'unchayninman circuncidasqa karqani. Jinallataj israelita kani Benjamín jatun ayllumanta. Ñawpa tataykunapuni hebreokuna karqanku. Diospa kamachisqanta junt'anamanta parlaspataj, fariseo karqani.

Jueces 20:21

Jinallapi Benjaminmanta kajkunaqa llajtamanta llojsispa, chay p'unchaypi 22.000 israelitakunata wañucherqanku.

Jueces 20:25

Benjaminmanta kajkunarí ujtawan Gabaa llajtamanta llojsimorqanku israelitakunawan maqanakunankupaj. Kay kutipitaj 18.000 israelita soldadokunata wañucherqanku.