Génesis 49:26 - DIOSPA QHELQACHISQ

²⁶ Tataykej saminchasusqanqa aswanmin jatun tataypa saminchawasqanmanta nisqaqa. Mana tukukoj orqokunakama saminchaynin kanqa, chay saminchaytaj Joséj umanpi sayachun, pichus wawqenkuna chawpimanta ajllasqa karqa, chaypata.

Qheshwa Biblia DC

²⁶ Qanta astawan tatayki bendicisonqa, tataypa bendiciwasqanmanta. Mana tukukuy atej orqoskama kanqa kay bendicionesqa, Josej uman patapi, pay ajllasqa karqa wauqesnin chaupimanta.

DIOSPA QHELQACHISQAN DEUTEROCANONICAL

²⁶ Tataykej saminchasusqanqa aswanmin jatun tataypa saminchawasqanmanta nisqaqa. Mana tukukoj orqokunakama saminchaynin kanqa, chay saminchaytaj Joséj umanpi sayachun, pichus wawqenkuna chawpimanta ajllasqa karqa, chaypata.

Génesis 49:26 ပူးပေါင်းရင်းမြစ်များ

Génesis 37:28

Chayrayku Madián llajtayoj qhatojkuna chaynejta pasashajtinku, Joseta pujyumanta orqhospa, iskay chunka qolqepi ismaelitakunaman venderparerqanku. Ajinamanta ismaelitakunaqa Joseta Egiptoman aparqanku.

Génesis 37:8

Chantá wawqenkuna, nerqanku: Ajá, kaywanqa niytachu munashawayku qan kamachejniyku kanaykita? Qanchu noqaykuta kamachiwasqayku? nispa. Chayrayku mosqokusqanmanta chantá imaynatachus willasqanmanta astawan payta chejnikorqanku.

Génesis 49:27

Benjaminqa phiña atoj jina, imatachus jap'isqanta tutamanta mikhun, ch'isiyaykuytataj puchusqanta rak'iran, nispa.

Salmos 132:18

Awqankunata p'enqaypi rikhurichisaj, Davidpa umanpi pillunrí lliphipirenqa, nispa. Ajinata Tata Dios nerqa.

Salmos 89:36

36 (37) Paypa mirayninmanta kajqa cuentanmanta kamachillanqapuni, kamachinan tiyanataj inti jina ñawpaqeypi kallanqapuni.

Isaías 54:10

Qanmanta khuyakoj Tata Dios nisunki: Tukuy orqokuna kuyurenqanku, lomakunapis kharkatitenqanku. Khuyakuyniyrí qanmanta manapuni karunchakonqachu. Qanwan allinyakuna trato ruwasqaypis manallataj jayk'ajpis p'akisqachu kanqa, nispa.

Isaías 66:5

Noqa Tata Diospa nisqayta uyariychej, pikunachus simi nisqayta uyarispa kharkatitejkuna. Qankunataqa llajta masiykichej chejnikusunkichej. Noqaj sutiyraykutaj jawaman qankunata qharqospa, nisunkichej: Tata Diosqa jatun kayninpa lliphipiyninta rikhurichichun, chayta rikuspa qankuna kusikuyta atinaykichejpaj, nispa. Chaywanpis paykunaqa p'enqaypi rikhurenqanku.

Jonás 2:6

6 (7) Mama qochaj pampankama chinkaykorqani. Jallp'aj sonqonpi wiñaypaj wisq'asqa kanaypaj jina rikhurerqani. Qantajrí, Tata Diosníy, jallp'aj sonqonmanta orqhowarqanki.

Habacuc 3:6

Pay sayarejtin, kay pacha kharkatitin. Qhawashajtillan, suyukuna chujchurinku. Ñawpa orqokuna urmaranku, unayniyoj lomakunapis pampachakunku. Diospa ñanninkunarí wiñay wiñaypaj.

Números 6:2

Israelitakunata kay jinata niy: Sichus uj qhari, chayrí uj warmi nin Tata Diospaj t'aqasqa nazareo kananta chayqa,

Hechos 7:9

Jacobpa churinkuna, pikunachus ñawpa tatanchej kajkunaqa wawqenku Joseta chejnispa, wata runata jina venderqanku, Egipto suyuman apasqa kananpaj. Diostajrí Josewan karqa, payta waqaychaspa.

Efesios 1:3

Tukuyta Kamachej Jesucristonchejpa Tata Diosninta yupaychana, imaraykuchus Cristoman ujchasqa kasqanchejrayku, Santo Espirituman jina janaj pachapi tukuy imaymanamanta saminchaykuwanchej.