Génesis 49:10 - DIOSPA QHELQACHISQ

¹⁰ Judá ayllumanta kamachina varata ni pi qhechonqachu. Nillataj pipis mirayninpa makinmanta kamachina varata qhechonqachu varaj dueñon chayamunankama, pichus tukuy kay pachata kamachenqa, chay.

Qheshwa Biblia DC

¹⁰ Ni pi qhechonqachu Judaj atiyninta, ni makimpi kashaj chay tojnuntapis, chay tojnuyoj chayamunankama, pitachus tukuy llajtas kasonqanku.

DIOSPA QHELQACHISQAN DEUTEROCANONICAL

¹⁰ Judá ayllumanta kamachina varata ni pi qhechonqachu. Nillataj pipis mirayninpa makinmanta kamachina varata qhechonqachu varaj dueñon chayamunankama, pichus tukuy kay pachata kamachenqa, chay.

Génesis 49:10 ပူးပေါင်းရင်းမြစ်များ

2 Samuel 7:13

Paymin templota ruwapuwanqa, noqataj wiñaypaj kamachinanta sayachisaj.

2 Samuel 7:16

Mirayniykita, kamachinaykitapis noqa wiñaypaj waqaychasaj, ajinallatataj wiñaypaj churasqa kanqa, nispa.

1 Crónicas 12:24

Judá jatun ayllumanta 6.800 qharikuna karqanku, paykunataj escudoyoj, lanzayoj maqanakupaj sumaj wakichisqa karqanku.

1 Crónicas 12:39

Hebronpi Davidwan kinsa p'unchayta mikhuspa, ujyaspa qhepakorqanku, llajta masinku chay tukuyta wakichisqankurayku.

Salmos 108:8

8 (9) Galaadpis, Manasespis noqajtamin kanku. Efrainqa umayta jark'aj monteray, Judataj kamachinay vara.

Salmos 60:7

7 (9) Galaadwan, Manaseswan ima noqajta kanku. Efrainqa umayta jark'aj monteray, Judataj kamachinay vara.

Salmos 60:9

9 (11) Pitaj sumaj perqasqa llajtaman pusawanmanri? Pitaj Edomkama pusawanqari?

Salmos 78:68

Manachayqa Judá jatun aylluta ajllakorqa, munakusqan Jerusalén llajtatawan.

Isaías 11:10

Chaypacha Yesejpa saphinmanta ijimojqa tukuy suyupaj wiphala jina uj señal kanqa. Tukuy runakuna payta mask'anqanku, tiyakunantaj jatun kayninwan lliphipirenqa.

Isaías 2:2

Jamoj p'unchaykunapi kay jina kanqa: Maypichus Tata Diospa Templon kashan, chay orqoqa tukuy orqokunamanta aswan uyarisqa kanqa. Tukuy suyumantataj runakuna chayman jamonqanku.

Isaías 33:22

Tata Diosqa Juezninchej, kamachisqakunatataj churapuwanchej. Tata Diosqa kuraj kamachejninchej. Jinataj pay kikinmin qhespichiwasunchej.

Isaías 42:1

Kaymin noqaj kamachiy, pitachus noqa kallpachani, chay. Paymin ajllakusqayqa paywantaj may kusisqa kani. Chantá payman Espirituyta qoni, tukuy suyukunapaj justiciata ruwananpaj.

Isaías 55:3

Noqaman qayllamuwaychej, ninriykichejta kicharispa. Sumajta uyariwaychej, kawsaytataj tarinkichej. Qankunawan wiñaypaj uj tratota ruwasaj, imatachus munakusqay Davidman nerqani, chayta junt'aspa.

Isaías 60:1

Jerusalén, sayarispa lliphipiriy, imaraykuchus k'anchayniyki chayamunña, Tata Diospa jatun kayninpa lliphipiynintaj pataykipi k'anchashan.

Isaías 62:11

Tata Dios tukuy kay pachapi kajkunaman nin: Sionpa ususinta niychej: Qhawariy, kacharichisojniyki t'inkan aparisqa jamushan, imatachus wakichisqanwan oqharisqa ima, nispa.

Isaías 9:6

6 (5) Uj qhari wawa paqaripuwanchejña, Diostaj uj qhari wawata qowanchej. Kamachinanpaj jatun ateyqa paywan kanqa. Paytataj sutichanqanku: May K'acha Yuyaychaj, Tukuy Atiyniyoj Dios, Wiñay Kawsayniyoj Tata, Allin Kawsayta Apamoj Kamachej ima.

Jeremías 30:21

Chantá paykuna ukhumanta kuraj kamachejninku rikhurenqa, paytaj paykunata kamachenqa. Noqaqa payta qayllachimusaj, paytaj qayllamuwanqa. Pitaj noqaman payllamanta qayllaykamuwanmanri?

Jeremías 33:26

Kikillantataj mana jayk'ajpis Jacobpa mirayninta, nitaj kamachiy Davidpa mirayninmanta kamachinanpaj qhesachasajchu. Paykuna ukhumanta Abrahampa, Isaacpa, Jacobpa mirayninta kamachinanpaj jatarichisaj. Paykunamanta khuyakuspa, watej kay suyuman kutichimpusaj, nispa.

Ezequiel 19:11

Yurantaj wiñaspa, rakhuyasqanku, kuraj kamachejkunaj varan jina kanankama. Maytapuni wiñaspataj, phuyukama chayasqa. Tukuy sach'amanta aswan wiñasqa kasqa, chhika jatunpuni, ashkha thansayojtaj, tukuytaj chayta rikusqanku.

Ezequiel 19:14

Thansanqa jatunta lawraykuspa, poqoyninta ruphaykusqa. Manaña thansanpis kuraj kamachej varanpaj jina kanchu. Kay takeyqa llakiy yarawi, may llakisqa kaspa takinapaj.

Ezequiel 21:27

27 (32) Noqaqa tukuyta thuñisaj, allin thuñisqatapuni saqesaj, ujtawantaj ni pi sayarichenqachu. Babiloniata kuraj kamachej chayamojtin, ajina kanqa. Paymin nisqayta ruwanqa.

Ezequiel 21:32

32 (37) Ruphachisqa, thuñisqataj kanki. Yawarniykitaj llajtantinta mayu jina purirenqa, nitaj pipis ujtawan qanmanta yuyarikonqachu. Noqa Tata Diosmin chaytaqa nini.

Daniel (hebreo) 9:25

Kayta uyariy, jap'eqaytaj: Jerusalén llajtata watej sayarichinapaj kamachisqa llojsisqamantapacha, Diospaj Ajllasqan Kuraj Kamachej chayamunankamaqa qanchis semana kanqa. Chantá Jerusalenpa callenkuna, muyuyninpi perqanpis watej sayachisqa kanankamataj sojta chunka iskayniyoj semana kanqa. Chaywanpis manchay llakiy p'unchaykuna kanqa.

Oseas 11:12

12 (12.1)Efrainqa llullerionwan umayta q'epichayta munawan. Israelpis q'otiyayta munawan. Judamanta kajkunapis noqa mana wasanchaj Diosmanta t'aqakuwanku, lantikunaman qonqorikunankupaj.

Miqueas 5:1

1 (4.14) Jerusalén, wakichikuy maqanakunaykipaj, imaraykuchus awqaykikuna muyuykusunkuña, Israelta kamachejtataj uj varawan uyanpi q'ajchanqanku.

Hageo 2:7

Tukuy suyukunatapis kharkatitichillasajtaj, chay runakunataj tukuy kapuyninkuta apamonqanku. Noqataj Temploytataj jatun kayniypa lliphipiyninwan junt'achisaj, nispa. Ajinata nisunkichej Tukuy Atiyniyoj Tata Dios.

Zacarías 10:11

Paykuna Egiptoj mama qochanta chimpanqanku, noqataj yaku oqharikojtapis sayachisaj. Nilo mayutapis ukhukama ch'akichisaj. Jinallataj Asiriaj may runaykachasqanta pampata ruwasaj, Egiptoj atiynintapis chinkachisaj.

Zacarías 2:11

11 (15) Chaypacha ashkha runakuna Tata Diosman jamonqanku, paytaj nenqa: Kay runakunapis ayllullaytaj kanqanku. Noqataj qankunawan khuska kawsakusaj, nispa. Ajinamanta yachankichej Tukuy Atiyniyoj Tata Diosmin noqata qankunaman kachamuwasqanta.

Números 21:18

Kamachejkuna kamachina varankuwan allarqanku. Sumachaj kurajkunataj varankuwan kicharerqanku, nispa. Chantá israelitakunaqa ch'innejmanta Matanaman rerqanku.

Números 24:17

Imachus qhepanejman kanqa chayta rikuni, chaytaj manaraj junt'akunrajchu. Jacobpa mirayninmanta uj ch'aska rikhurimonqa, Israel ukhumanta uj kamachej jatarenqa. Paymin Moabta atipaykonqa, Setpata miraynintapis tukuyninta chinkachenqa.

Números 24:19

Jacobpa mirayninmanta uj atipaj rikhurenqa, llajtapi qhepakojkunatataj chinkachenqa, nispa.

San Mateo 1:21

Mariaqa qhari wawayoj kanqa, chay wawatataj Jesús sutiwan sutichanki, imaraykuchus payqa ayllunta juchankumanta qhespichenqa, nispa nerqa chay angelqa.

San Mateo 17:5

Ajinata Pedro parlashajtillanraj, ujllata k'ancharishaj uj phuyu paykunata p'ampaykorqa, chay phuyu ukhumantataj Dios nimorqa: Kaymin munasqa Chureyqa, ajllakusqaytaj. Paywan sonqo junt'asqa kani, chayrayku payta uyariychej, nispa.

San Mateo 21:9

Chantá Jesuspa ñawpaqenta rejkuna, qhepanta jamojkuna ima qhaparisharqanku: Davidpa Churin jatunchasqa kachun. Tukuyta Kamachej Diospa sutinpi jamojta jatunchaychej. Qhespichej Dios janaj pachapipis jatunchasqa kachun, nispa.

San Mateo 25:32

Chantá tukuy suyumanta runakuna ñawpaqenman tantakamonqanku. Paytaj ujkunata ujkunamanta t'aqanqa, imaynatachus michejpis ovejakunata cabrakunamanta t'aqan, ajinata.

San Juan 12:32

Chaywanpis maypachachus noqata cruzman chakatawanqanku chaypacha, tukuy runakuna noqapi atinikunankuta ruwasaj, nispa.

San Juan 18:31

Chantá kamachej Pilato paykunata nerqa: Jina kajtenqa, payta pusaspa, kamachisqa qhelqaykichejman jina juzgaychej, nispa. Judiokunaj kurajninkukunatajrí nerqanku: Noqaykoqa mana pitapis wañuchisqa kananpaj juchachayta atiykuchu, nispa.

San Juan 19:12

Chaymantapacha Pilatoqa Jesusta kacharipuyta munasharqa. Judiokunatajrí qhaparerqanku: Chay runatachus kacharinki chayqa, mana Romapi kuraj kamachej Cesarman sayasqachu kanki. Pillapis kuraj kamachej kasqanta nejqa Cesarman contranpi kashan, nispa.

San Juan 19:15

Paykunatajrí qhaparerqanku: Llajtamanta jawaman orqhospa, cruzman chakatachimullayña, nispa. Pilatotaj paykunata nerqa: Kuraj kamachejniykichejtachu cruzman chakatachisaj? nispa. Kuraj sacerdotekunataj kuticherqanku: Mana waj kuraj kamachejniyku kanchu Romapi kuraj kamachej Cesarmanta astawanqa, nispa.

San Juan 9:7

Chantá payta nerqa: Kunanqa rispa, Siloé nisqa estanquepi mayllakamuy, nispa (Siloé “kachasqa” niyta munan). Ñawsa runataj rispa, mayllakamorqa, chantá rikushaj wasinman kutiporqa.

Romanos 15:12

Diosmanta sut'inchaj Isaiaspis nillantaj: Yesejpa mirayninmanta uj kuraj kamachej sayarenqa. Payqa mana judío kajkunata kamachinanpaj sayarenqa, paykunataj paypi atinikuspa allin kajta suyakonqanku, nispa.

2 Corintios 5:10

Chayqa ajina, imaraykuchus tukuyninchej Cristoj ñawpaqenpi juzganawanchejpaj rikhurinanchejpuni tiyan. Ajinamanta sapa uj jap'isunchej, kawsashaspa imachus allin kajta, chayrí mana allin kajtapis ruwasqanchejman jina.

Deuteronomio 28:57

Chayrayku paqarichikusqan wawanta mikhushasqanta, parisninta mikhushasqantapis mana qoriyta munanqachu. Pakayllapi sapallan mikhonqa. Ajina kanqa awqayki muyuykususqanrayku, mikhunaykipaj mana imapis kasqanrayku. Paykunaqa sinch'ita ñak'arichisonqanku.

Hebreos 7:14

Yachanchej jina, Tukuyta Kamachej Jesucristonchej Judá jatun ayllumanta karqa. Moisestajrí Judá jatun ayllumanta parlaspa, sacerdote kanankumanta mana imatapis nerqachu.

Apocalipsis 11:15

Maypachachus qanchis kaj ángel trompetanta waqacherqa chaypacha, janaj pachapi jatunmanta parlasqanku uyarikorqa: Diosninchej, chantá kachamusqan Cristo ima kay pachapi kamachishankuña. Paykunataj wiñay wiñaypaj kamachenqanku, nispa.