Génesis 48:16 - DIOSPA QHELQACHISQ

¹⁶ Paymin tukuy sajra kajmanta waqaychawaj Angelqa. Kunantaj pay kay wawakunata saminchachun. Paykunanejta sutiy yuyarisqa kachun, jinallataj ñawpa tataykuna Abrahampata, Isaacpatawan sutinkupis. Kaykuna wiñaspa, ashkha wawayoj kachunku, kay pachapitaj may chhikata mirachunku, nispa.

DIOSPA QHELQACHISQAN DEUTEROCANONICAL

¹⁶ Paymin tukuy sajra kajmanta waqaychawaj Angelqa. Kunantaj pay kay wawakunata saminchachun. Paykunanejta sutiy yuyarisqa kachun, jinallataj ñawpa tataykuna Abrahampata, Isaacpatawan sutinkupis. Kaykuna wiñaspa, ashkha wawayoj kachunku, kay pachapitaj may chhikata mirachunku, nispa.

Génesis 48:16 ပူးပေါင်းရင်းမြစ်များ

Génesis 22:11

Tata Diospa angelnin janaj pachamanta nimorqa: Abraham, Abraham, nispa. Paytaj kuticherqa: Kaypi kashani, imata ninki? nispa.

Génesis 22:15

Ujtawan Tata Diospa angelnin janaj pachamanta Abrahamta wajyaspa, nerqa:

Génesis 32:28

28 (29) Chay runataj nerqa: Kunanmantaqa manaña Jacobchu sutiyki kanqa. Kaymanta qhepaman sutiyki “Israel” kanqa, imaraykuchus Dioswan, chantá runakunawan ima maqanakorqanki, atiparqankitaj, nispa.

Génesis 46:3

Chantá Dios payta nerqa: Noqa Dios kani, tataykej Diosnin. Egiptoman riyta ama manchachikuychu. Chaypi mirayniykita mirachispa, noqa ashkha runayoj jatun suyuman tukuchisqayki.

Génesis 48:5

Manaraj Egiptoman jamushajtiy, kaypi paqarej iskaynin churiykikuna Efrainwan, Manaseswan noqajta kanku, imaynachus Rubenwan, Simeonwan noqajta kanku, ajinata.

Génesis 49:22

Joseqa yaku kantupi kashaj sach'a jina. Sumajta poqon, thansantaj perqa pataman ch'iparikun.

2 Samuel 4:9

Davidtajrí Recabta wawqen Banata, chay Berotmanta Rimonpa churinkunata nerqa: Tata Dios, pichus tukuy ñak'ariymanta librawarqa, paypa sutinrayku tiluspa, niykichej:

1 Reyes 1:29

Kuraj kamachejtaj tiluspa, nerqa: Tata Diospa sutinrayku tiluni, pichus tukuy llakiymanta qhespichiwarqa, payrayku:

2 Crónicas 7:14

sichus ajllakusqay aylluy k'umuykuspa, tukuy sonqo mañakamuwanman, sajra kawsayninta saqespataj mask'awanman chayqa, noqaqa janaj pachamantapacha uyarimusaj, juchantataj pampachasaj, jallp'antapis allinyachisaj.

Salmos 121:7

Tata Diosqa tukuy mana allin kajmanta waqaychasonqa, payllataj kawsayniykita waqaychanqa.

Salmos 34:2

2 (3) Noqaqa Tata Diosta tukuy kayniywan yupaychasaj. Llamp'u sonqoyoj runakuna, chayta uyarispa, kusikuychej.

Salmos 34:22

22 (23) Tata Dios paypa munasqanta ruwajkunata kacharichenqa, pikunachus paypi atinikojkunataj mana jasut'isqachu kanqanku.

Salmos 34:7

7 (8) Tata Diospa angelnenqa Diosta jatun respetowan qhawajkunaj muyuyninkupi jaraykukuspa, jark'an.

Salmos 34:8

8 (9) Qhawaychej, yachaychejtaj Tata Dios k'acha kasqanta. Kusikuyniyojmin paypi atinikoj runaqa.

Éxodo 1:7

Chay qhepata israelitakuna t'ukunata mirarqanku, sinch'i atiyniyojmantaj tukorqanku. Ashkhayasqankuraykutaj, paykuna Egiptoman junt'aykorqanku.

Isaías 47:4

Tukuy Atiyniyoj Tata Diosqa qhespichiwajninchej. Israelpa May Llimphu Kaj Diosnenqa kay jinata nin:

Isaías 63:9

Israelitakuna llakisqa kashajtinku, Tata Diospis llakisqallataj karqa. Mana pi angeltapis kachamorqachu paykunata kacharichinanpaj. Manachayqa paymin munakuyninwan, khuyakuyninwantaj pagota pagaspa, paykunata kacharicherqa. Paykunata marq'arikuspa, apaykacharqa, imaynatachus unaymantapacha ruwarqa, ajinata.

Jeremías 14:9

Imajtintaj uma muyusqa runa jina kankiri? Wapu soldado jina kaspapis, manachu yanapayta atiwayku? Chaywanpis Tata Dios, qan noqaykuwan kashanki, noqaykutaj sutiykita yupaychayku. Amapuni saqerpariwaykuchu ari, nispa.

Jeremías 15:21

Noqamin preciota pagaspa millay runakunaj makinkumanta kacharichisqayki, mana khuyakojkunaj atiyninkumantataj qhespichisqayki, nispa.

Amós 9:12

Edommanta puchojkuna, tukuy suyukunamanta puchojkunawan ima watej Israelpata kanqanku, pikunachus sutiyta yupaychanku, chaykunajta. Tata Dios ajinata nin, chaytaj junt'akonqapuni.

Malaquías 3:1

Tukuy Atiyniyoj Tata Dios nin: Willarajniyta kachamusaj, ñanta wakichipunawanpaj. Chantá pitachus mask'ashankichej, chay Kamachejqa ujllata Templonman chayarparimonqa. Tratomanta willarajqa, pitachus imata jina suyashankichej, chay chayamonqaña, nispa.

Números 1:46

Yupasqa kajkunaqa tukuyninpi 603.550 qharikuna karqanku.

San Mateo 6:13

Chantá juchallinaman tanqasqa kashajtiyku, ama kasojta saqewaykuchu, manachayqa jark'awayku Supayta kasunaykumanta. Kayta mañarikuyku, imaraykuchus qanmin Tukuyta Kamachej kanki, tukuy atiyniyojtaj, tukuypaj jatunchasqataj wiñay wiñaynintinpaj. Ajina kachun, nispa.

San Juan 17:15

Mana noqata qhatiwajkunata kay pachamanta orqhonaykitachu mañakuyki, manachayqa paykunata Supaymanta waqaychanaykita.

Hechos 15:17

Ajinamanta wajkunapis Tukuyta Kamachej Diosta mask'anqanku, tukuy suyumanta mana judío kajkunapis, pikunachus sutiyta oqharispa Diosninkupaj rejsikapuwanku, chaykuna, nispa.

Romanos 8:23

Mana chayllachu, noqanchej Santo Espirituta señata jina jap'ejkunapis sonqonchejpi ayqollashanchejtaj. Jinallataj suyashanchej Dios imapajchus wawankunapaj rejsikapuwarqanchej, chayta jap'iyta. Chaypacha ukhunchejpis kacharichisqallataj kanqa.

1 Corintios 10:4

Jinallataj tukuyninku Diospa qosqan yakuta ujyarqanku. Chaytaj paykunawan khuska purej chhankamanta phullchimusqa, chay chhankataj Cristo karqa.

1 Corintios 10:9

Jinallataj Cristo imata ruwananpaj atiyniyojchus manachus kasqanta yachariyta munaspa ama imatapis ruwanachu, imaynatachus paykunamanta wakin ruwarqanku, jinataqa. Chayta ruwasqankuraykutaj katarikunaj khanisqan wañurarqanku.

Deuteronomio 28:10

Chaypacha kay pachapi tukuy suyupi runa Tata Diospa ayllun kasqaykita yachanqanku, chantá manchachikusonqanku.

Deuteronomio 33:17

Joséj atiynenqa toroj phiwi uñan jina kanku, paytaj búfalo k'ita toro jina, sinch'i kallpayojmin. Payqa kay pachaj k'uchunkama tukuy suyumanta runata wajraspa, k'uchunchanqa. Ajina Efrainpa ashkha miraynenqa, jinallataj ajina Manasespa mirayninpis, nispa.

2 Timoteo 4:18

Paytaj tukuy mana allin kajmantapis waqaychallawanqataj, janaj pacha kamachiyninman pusakapuwaspataj, qhespichiwanqa. Payqa wiñay wiñaypaj jatunchasqa kachun. Ajina kachun.

Tito 2:14

Paymin noqanchejrayku wañunanpaj jaywaykukorqa, tukuy imaymana juchamanta kacharichinawanchejpaj, chantá llimphuchanawanchejpaj ima. Ajinata ruwarqa, paypa ayllun kananchejpaj, chantá allin kajta tukuy sonqo ruwayta munananchejpaj ima.

Hebreos 11:21

Chantá Diospi atinikusqanrayku Jacobpis wañuy patapiña kashaspa, Josejpa churinkunata sapa ujta samincharqa, tojnunman atikuspataj, Diosta yupaycharqa.

Josué 17:17

Josuetaj Joséj mirayninmanta kajkunaman Efraín jatun aylluman, Manasés jatun aylluman ima nerqa: Qankunaqa cheqamanta ashkha kankichej, kallpayojkunataj, chayrayku qankunapajqa mana uj chhika jallp'allachu kanan tiyan.