Génesis 47:7 - DIOSPA QHELQACHISQ

⁷ Chantá Joseqa tatan Jacobtañataj faraonman rejsichinanpaj pusarqa. Jacobtaj faraonta jatun respetowan napaykorqa.

Qheshwa Biblia DC

⁷ Joseqa tatantañataj pusarqa faraonman rejsichimunampaj. Jacobqa may sumajta yapaykorqa faraonta.

DIOSPA QHELQACHISQAN DEUTEROCANONICAL

⁷ Chantá Joseqa tatan Jacobtañataj faraonman rejsichinanpaj pusarqa. Jacobtaj faraonta jatun respetowan napaykorqa.

Génesis 47:7 ပူးပေါင်းရင်းမြစ်များ

Génesis 14:19

Chantá pay Abramta kay jinata samincharqa: Patapi Kaj Dios saminchasuchun, pichus janajta, kay pachatawan ruwaj, chay.

Génesis 35:27

Chantá Jacob tatan Isaacta watukoj Mamreman rerqa. Chay llajtaj ujnin sutenqa Arba, chayrí Hebrón karqa. Chaypi Abrahamwan, churin Isaacwan ima unay tiyakusqanku.

Génesis 47:10

Chaymanta Jacobqa faraonta saminchaytawan, manchay respetowan ñawpaqenmanta llojsiporqa.

Génesis 47:8

Faraontaj payta taporqa: Mashkha watayojñataj kankiri? nispa.

2 Samuel 14:22

Chantá Joabqa pampakama k'umuykuspa, kuraj kamachejta samincharqa: Kuraj kamachejníy, kunan yachani qan khuyawasqaykita, imaraykuchus nisusqayta ruwashanki, nispa.

2 Samuel 19:39

39 (40) Chantá tukuy runakuna Jordán mayuta chimparqanku, kuraj kamachejtaj mayuta chimpaspaña, Barzilayta samincharqa, much'aykuspataj kachaporqa. Barzilaytaj wasiman kutiporqa.

2 Samuel 8:10

Chayrayku qolqe metalmanta, qorimanta, broncemantawan ruwasqa imakunatawan apachispa, churin Joranta kacharqa kuraj kamachej Davidta napaykuchejta: Allinpuni Hadad Ezerta maqanakupi atipasqaykeqa, nispa. Ajinata ruwarqa, imaraykuchus ñawpajpi Toypis Hadad Ezerwan maqanakullasqataj.

1 Reyes 1:47

Kuraj kamachej Davidpa kamachinkunapis Davidta napaykoj rispa, nishanku: Diosqa sutiykimanta nisqaqa astawanraj Salomonpa sutinta uyarisqata ruwachun. Kamachiynintapis ajinallatataj qanpa kamachiykimanta nisqaqa aswan jatuntaraj ruwachun, nispa. Jinallataj kuraj kamachej Davidpis Diosta kay jinata yupaychan:

1 Reyes 8:66

Q'ayantintaj kuraj kamachejqa tukuy runata kacharpayaporqa. Paykunataj kuraj kamachejta saminchaspa, manchay kusisqa, sonqo junt'asqataj wasinkuman riporqanku, Tata Diosqa kamachin Davidta, Israel aylluntawan saminchasqanmanta.

2 Reyes 4:29

Chaymanta Eliseoqa kamachin Guejazita nerqa: Oqharikuy, varayta apariykukuspataj riy. Piwanpis ñanpi tinkuspaqa, ama napaykunkichu. Pi napaykusojtinkupis, ama uyarinkichu. Chayaspataj, kay varayta wawaj uyanman churaykunki, nispa.

Éxodo 12:32

Jinallataj ovejaykichejta, wakaykichejtapis qhatikapuychej, chantá usqhayllata ripuychej. Chantá noqaraykupis Diosmanta mañapuwaychej, nispa.

San Mateo 26:26

Paykuna mikhushajtinku, Jesús t'antata oqharispa, Diosman pachis nerqa. Chantá chay t'antata partiytawan, yachachisqankunaman jaywaspa, nerqa: Jap'iychej, mikhuychejtaj. Kaymin ukhoyqa, nispa.

San Lucas 22:19

Chaymanta, t'antatañataj oqharispa, Diosman pachis nerqa, paykunaman jaywaspataj, nerqa: Kayqa ukhuymin, mayqenchus qankunarayku qosqa kanqa. Kay jinata ruwaychej noqamanta yuyarikunaykichejpaj, nispa.

Josué 14:13

Chantá Josueqa Yefunej churin Calebta samincharqa. Chantá paypata, jinataj churinkunajtawan kananpaj, Hebrón cheqanejta qoporqa.

Josué 22:6

Chantá Josué paykunata saminchaykuytawan, kacharpayarqa, paykunataj wasinkuman riporqanku.

1 Pedro 2:17

Tukuy runata respetowan qhawaychej. Jesucristota qhatej masiykichejtapis munakuychej. Diostapis may jatun respetowan qhawaychej, jinallataj kuraj kamachejtapis jatun respetowan qhawallaychejtaj.

1 Samuel 2:20

Chaypacha Elí sacerdoteqa Elcanata, jinataj warmintapis kay jinata nispa saminchaj: Tata Dios munachun kay warmipi ashkha wawata rejsinaykita, pay chay wawanta Tata Diosman qopusqanrayku, nispa. Chaymantataj wasinkuman kutipoj kanku.