Génesis 47:6 - DIOSPA QHELQACHISQ

⁶ Egipto suyoqa makiykipi kashan. Tatayki, wawqeykikuna tiyakunankupaj aswan sumajnin kaj jallp'ata qoy. Gosenpi tiyakuchunku. Chantá sichus paykuna ukhupi aswan yuyayniyoj kasqankuta qhawanki chayqa, uywayta michinankupaj churanki, nispa.

Qheshwa Biblia DC

⁶ Egipto jallp'aqa qampa nisqaykipi. Qan qoy paykunaman Egiptopi sumajnin kaj Gosén jallp'ata, paykuna chaypi tiyakunankupaj. Sichus mayqen sumajta uywasta michiyta yachanku chayqa, churay ovejasniyta michipunawampaj.

DIOSPA QHELQACHISQAN DEUTEROCANONICAL

⁶ Egipto suyoqa makiykipi kashan. Tatayki, wawqeykikuna tiyakunankupaj aswan sumajnin kaj jallp'ata qoy. Gosenpi tiyakuchunku. Chantá sichus paykuna ukhupi aswan yuyayniyoj kasqankuta qhawanki chayqa, uywayta michinankupaj churanki, nispa.

Génesis 47:6 ပူးပေါင်းရင်းမြစ်များ

Génesis 13:10

Chantá Lotqa tukuynejta qhawarqa, astawanqa Jordán mayu valleta Soar juch'uy llajtakama. Chay jallp'aqa yakuyoj karqa, Tata Diospa huertan jina sumaj, Egiptopi jallp'aman rijch'akojtaj. Chay karqa, manaraj Tata Dios Sodoma llajtata, Gomorra llajtatawan chinkachishajtin.

Génesis 13:9

Qhaway, jallp'aqa ajllakunaykipaj jina may chhikan kashan. Ama jina kaspa, noqamanta karunchakuy. Sichus qan lloq'eman rinki chayqa, noqa pañanejman ripusaj. Qantajchus pañanejman rinki chayqa, noqa lloq'enejman ripusaj, nispa.

Génesis 20:15

Paytaj Abrahamta nerqa: Qhaway, suyoyqa ñawpaqeykipi kashan. Tiyakunaykipaj maynejtachá munasqaykita ajllakuy, nispa.

Génesis 34:10

Noqaykuwan tiyakuychej, imajtinchus llajtaykupi jallp'aqa ashkha tiyan. Chayrayku maypichá munasqaykichejpi wasichakuychej. Qhatuychej, jallp'atapis rantikuychej, nispa.

Génesis 45:10

Egiptoman chayamuspataj, Gosén cheqanejpi, noqamanta qayllapi tiyakunki wawaykikunawan, allchhiykikunawan, uywaykikunawan, chantá tukuy kapuyniykiwan ima.

Génesis 46:34

qankuna ninkichej: Noqaykoqa ñawpa tataykukuna jina uywata uywaspa kawsayku, nispa. Ajinamanta qankuna Gosenpi tiyakunkichej, imaraykuchus Egipto llajtayojkunaqa ovejata michejkunata chejnikunku.

Génesis 47:11

Chantá José faraonpa nisqanman jina, tatan, chantá wawqenkuna ima tiyakunankupaj Egiptomanta sumajnin kaj jallp'ata qorqa. Ajinamanta tatan Jacob, wawqenkuna ima Ramesés cheqanejpi jallp'ayoj karqanku.

Génesis 47:16

Josetaj paykunata nerqa: Sichus manaña qolqeykichej kanchu chayqa, uywaykichejta apamuychej ari, noqataj mikhunata qosqaykichej, nispa.

Génesis 47:4

Noqayku kayman tiyakoj jamuyku ari, imaraykuchus Canaanpeqa manchay yarqhay kashan, uywaykupaj pastollapis mana kanchu. Chayrayku wiraqochíy, nirikusuyta munayku, ama jina kaspa, Gosenpi tiyarichinawaykuta, nispa.

Génesis 47:5

Chaymanta faraonqa Joseta nerqa: Tatayki, wawqeykikuna ima qanwan tiyakoj jamuchunku.

1 Reyes 11:28

Jeroboán sumaj kallpayoj wapu runa kasqanta chantá sumaj k'uchi kasqanta ima rikuspa, Salomonqa payta churarqa Joséj mirayninmanta jatun ayllumanta mit'api ruwajkunata qhawananpaj.

2 Crónicas 26:10

Jinallataj ch'innejpi torrekunata ruwacherqa. Chantá ashkha yaku qochakunata allacherqa, ura pampanejpi, jinataj orqo cheqanejpi ashkha uywan kasqanrayku. Jinallataj chajra tarpojkuna, uva huertata qhawajkuna ima vallepi, orqo cheqanejpi ashkha tiyaporqa, imaraykuchus payqa chajra poqochiy sonqo karqa.

Éxodo 18:21

Chantapis israelitakuna ukhumanta allin yuyayniyojkunata, Diosta may jatun respetowan qhawayta yachajkunata, mana llullakojkunata, lluk'ichikuyta chejnejkunata ajllay. Chaykunamanta churay wakinta waranqa runata, wakintaj pachajta, wakintaj phishqa chunkata, wakintaj chunka runata kamachinankupaj.

Éxodo 18:25

Israelitakuna ukhumanta sumaj yuyayniyojkunata ajllaspa, paykunata kurajkuna jina kamachinankupaj churarqa. Wakenqa waranqa runakunata, wakenqa pachajta, wakintaj phishqa chunkata, wakintaj chunkata kamachinanku karqa.

Éxodo 9:10

Jinapi Moiseswan, Aaronwan hornomanta ushphata orqhospa, faraonpaman rerqanku. Chaypitaj Moisés ushphata pataman qhallerqa. Chaymantataj runapi, uywapi ima, tukuy ukhunkupi llejti onqoy rikhurerqa.

Éxodo 9:21

Pikunachus Tata Diospa nisqanta mana kasuta ruwajkunarí kamachinkuta, uywankukunatapis jawallapi saqerqanku.

Proverbios 21:1

Kuraj kamachejpa imatachus yuyasqanqa Tata Diospa makinpi mayu jina, Tata Diostaj maynintachus munasqanman jina pusan.

Proverbios 22:29

Pichus ruwananta k'uchitapuni ruwajqa kuraj kamachejkunaj kamachin kanqa, manataj pisipaj qhawasqa runakunajtachu.

Jeremías 40:4

Chaywanpis kunanpacha watasqa kashanki, chay cadenata phaskarasqayki. Chantá sichus noqawan Babiloniaman riyta munanki chayqa, jaku rina. Noqataj qanta yanapasqayki. Mana riyta munanki chayrí, qhepakullay. Maypichá munanki tiyakuyta, chayman rillay.

San Juan 17:2

Churiykiman qan atiyta qorqanki, tukuy runata kamachinanpaj, wiñay kawsaytataj qonanpaj, pikunatachus payman qorqanki, chaykunaman.

1 Samuel 21:7

7 (8) Chaywanpis Saulpa ujnin kaj kamachin, Doeg sutiyoj, Diosta yupaychana toldopi chaypachallataj kashasqa, chaypi qhepakunan kasqanrayku. Payqa Edom llajtayoj karqa, Saulpa michejninkunatataj kamachej karqa.