Génesis 47:29 - DIOSPA QHELQACHISQ

²⁹ Ujpacha Israelqa wañupunan qayllallaña kasqanta reparaspa, Joseta wajyachispa, nerqa: Sichus cheqatapuni munakuwanki chayqa, makiykita khapay chayman churaspa, tiluy imatachus nisusqayta ruwanaykita: Wañupojteyqa, ama ari Egiptopi p'ampawankichu.

Qheshwa Biblia DC

²⁹ Uj día Israelqa wañupoj jina kaspa, José wawanta wajyachimorqa ninampaj: Sichus qan cheqamanta noqata khuyayta munawanki chayqa, makiykita ukhuyman churaspa juray ari, imatachus nisusqayta ruwanaykipaj. Qanqa wawáy, ama ari kay Egiptopi p'ampawankichu.

DIOSPA QHELQACHISQAN DEUTEROCANONICAL

²⁹ Ujpacha Israelqa wañupunan qayllallaña kasqanta reparaspa, Joseta wajyachispa, nerqa: Sichus cheqatapuni munakuwanki chayqa, makiykita khapay chayman churaspa, tiluy imatachus nisusqayta ruwanaykita: Wañupojteyqa, ama ari Egiptopi p'ampawankichu.

Génesis 47:29 ပူးပေါင်းရင်းမြစ်များ

Génesis 24:2

Uj kuti pay kamachinkunamanta aswan machu kaj mayordomonta wajyaspa, nerqa: Makiykita khapayman churay.

Génesis 24:49

Kunantaj sut'inta niwaychej ari, patronniypa mañakusqanta junt'ankichejchus manachus, chayta. Ajinamanta imatachus niwasqaykichejta yachaspa, noqa imatachus ruwanayta nisaj, nispa.

Génesis 27:2

Chantá Isaac nerqa: Wawáy, noqaqa allin machuña kani, jinaqa mayk'ajllapis wañupuyman.

Génesis 3:19

Mikhunaykipaj jump'i suruyta llank'anayki kanqa, wañupunayki p'unchaykamataj ajina kanqa. Qanqa jallp'amanta ruwasqa kanki, chayrayku jallp'allamantaj kutinki, nispa.

Génesis 47:9

Jacobtaj faraonta nerqa: Kayman jaqayman purispa kasqayqa ña 130 wataña kashan. Pisilla chaypis, kawsayneyqa llakiylla karqa. Chaywanpis ñawpa tataykuna mashkha unaytachus kawsasqankumanqa niraj chayanirajchu, nispa.

Génesis 48:21

Chaymantataj Joseta nerqa: Noqaqa wañupusajña, chaywanpis Diosmin qankunawan kanqa. Aswan qhepamantaj payllataj ñawpa tataykichejpa Canaán jallp'aman kutichisonqachej.

Génesis 50:12

Jacobpa churinkuna tatankoj kamachisqanman jina ruwarqanku.

Génesis 50:5

Tatayqa wañupunan qayllapi kashaspa, tiluchiwarqa wañupojtin paypa ruwachikusqan aya p'ampanaman ayanta p'ampamunayta. Chayqa Canaán jap'iypi kashan. Noqa munayman faraón saqerinawanta tataypa ayanta p'ampamoj rinayta. P'ampakampuspataj, noqa kutimpusaj, nispa.

2 Samuel 14:14

Tukuypis wañunanchejpuni kashan. Imaynatachus yaku pampaman jich'akojtin, mana ujtawan oqhariyta atikunñachu ajina noqanchej kanchej. Chaywanpis Tata Diosqa mana pitapis wañuchinchu, aswanpis payqa wijch'usqa kajkuna karu llajtamanta kutimunanpaj wakichin.

2 Samuel 2:32

Chay qhepata Asaelpa ayanta aparqanku Belén llajtaman, tatanpa aya p'ampananpitaj p'ampaykorqanku. Joab, soldadonkuna imaqa tukuy tutantinta rispallapuni, sut'iyarqoshajtin Hebronman chayarqanku.

2 Samuel 7:12

Wañupojtiyki, wawaykikunallamantataj kuraj kamachej kananpaj churaspa, kamachinaykita sinch'ita sayachisaj.

1 Reyes 2:1

Davidpa wañupunan p'unchay qayllapiña kashajtin, Davidqa churin Salomonta kamacherqa:

Job 14:14

Sichus uj runa wañun chayqa, ujtawan kawsarenqachu? Noqaqa ruwanay tukukunankama suyayman, kay tukuy llakiyniymanta kacharichisqa kanaykama.

Job 30:23

Noqa yachakuni wañuyman apashawasqaykita, tukuy wañojkuna maymanchus rinanku kashan, chayman.

Job 7:1

Kay pachapi runaj kawsaynenqa uj soldado imachus ruwananta junt'ajpata jinalla.

Salmos 49:7

7 (8) Chaywanpis mana pipis pagaspa wawqenta kacharichiyta atinmanchu, nitaj kawsayninta qhespichinanpaj Diosman pagayta atinmanchu.

Salmos 49:9

9 (10) wañuyta mana rikuspa, wiñaypaj kawsananpajqa.

Salmos 6:5

5 (6) Wañojkunaqa manaña qanmanta yuyarikunkuñachu. Jallp'aj sonqonpi, pitaj qanta yupaychasonqari?

Salmos 89:48

48 (49) Mana pipis mana wañuspaqa kawsallanqapunichu, wañuypa atiyninmantaqa ni pipis ayqeyta atinmanchu.

Deuteronomio 31:14

Chantá Tata Diosqa Moisesta nillarqataj: Wañupunayki qayllallapiña kashan. Ajinaqa Josueta wajyay, chantá iskayniykichej Dioswan Tinkukuna Toldoj pationpi suyawaychej. Noqataj payman imatachus ruwananta kamachisaj, nispa. Chantá Moiseswan, Josuewan ima Dioswan Tinkukuna Toldoman rerqanku.

Deuteronomio 31:16

Chaymantá Tata Diosqa Moisesta nerqa: Qanqa wañupunkiña. Kay israelitakunarí kunan yaykonqanku, chay jallp'api waj suyukunaj diosninkukunata yupaychaspa juchallenqanku. Jinata ruwaspa, paykunaqa qonqapuwanqanku, paykunawan ruwasqay tratotataj p'akenqanku.

Hebreos 11:22

Ajinallataj Diospi atinikusqanrayku Josepis wañuy patapi kashaspa, israelitakuna Egiptomanta llojsipunankumanta parlarqa. Jinapi José kamacherqa israelitakuna Egiptomanta ripuspa, tullunkunata Canaanman apanankuta.

Hebreos 9:27

Nisqa kashan runaqa uj kutillata wañunan, chaymantataj Diospa ñawpaqenpi juzgasqa kanqa.

Josué 2:14

Chantá chay wateqajkuna kuticherqanku: Sichus kay nisqaykuta mana junt'aykumanchu chayqa, Dios wañuchiwachuyku. Qanrí kaypi kasqaykumanta amapuni pimanpis willankichu. Maypachachus Tata Dios kay jallp'ata qowasqayku chaypacha, noqayku nisqaykuta junt'aspa qanmanta khuyakusqayku, nispa.

Josué 23:14

Noqaqa wañuy patapiña kashani. Manaraj wañupushaspa, tukuy sonqo munani, tukuy kayniykichejwan ima rejsikapunaykichejta Tata Diosqa tukuy sumaj nisqanta junt'asqanta. Tukuy imata nisqanqa junt'akorqapuni.

1 Samuel 26:10

Tata Diospa sutinrayku tiluni: Mayk'ajchus wañunantaqa Tata Diosllamin yachan, wañunan tiempo chayamojtin, chayrí maqanakupi wañunanta.