Génesis 47:22 - DIOSPA QHELQACHISQ

²² Joseqa sacerdotekunaj jallp'allankuta mana ranterqachu. Paykuna kawsanankupaj faraón qosqanrayku, mikhunanku kallarqa. Chayrayku paykuna jallp'ankuta mana venderqankuchu.

Qheshwa Biblia DC

²² Joseqa sacerdotespa jallp'asnillanta mana ranterqachu, imaraykuchus paykunamanqa faraón qorqa khuskan trigota. Chayrayku paykunaqa jallp'asninkuta mana venderqankuchu, imaraykuchus faraompa qosqan trigo mikhunankupaj kallarqa.

DIOSPA QHELQACHISQAN DEUTEROCANONICAL

²² Joseqa sacerdotekunaj jallp'allankuta mana ranterqachu. Paykuna kawsanankupaj faraón qosqanrayku, mikhunanku kallarqa. Chayrayku paykuna jallp'ankuta mana venderqankuchu.

Génesis 47:22 ပူးပေါင်းရင်းမြစ်များ

Génesis 14:18

Jinapi Salemmanta kuraj kamachej Melquisedec t'antata, vinotawan ima Abramman aparqa. Melquisedecqa Patapi Kaj Diospa sacerdoten karqa.

Génesis 41:45

Chantá faraón Joseta “Safenat Paneaj”, nispa suticharqa. Chaymantataj payta On llajtamanta sacerdote Potiferaj ususin Asenatwan casaracherqa. Chay qhepatataj José tukuy Egipto suyuta muyurimorqa.

Génesis 41:50

Manaraj chay yarqhay wata chayamushajtin, Josejta Asenat warminpi iskayña churinkuna karqanku. Asenatqa On llajtapi sacerdote Potiferaj ususin karqa.

Génesis 47:21

Tukuynin Egiptopi kaj chhika runakunataj wata runanman tukorqanku.

Génesis 47:23

Chaymanta José runakunata nerqa: Kunanqa qankuna, jallp'aykichejwan imaqa faraonpata kankichej. Noqaqa paypaj ranterqaykichej. Kayqa muju, tarpumuychej.

Génesis 47:26

Ajinata Joseqa Egiptopi uj kamachisqata orqhorqa, chajrata oqharisqankumanta phishqamanta ujninta faraonman qonata. Ajina kamachisqa kunankama kashanrajpuni. Sacerdotekunalla mana imatapis faraonman qonankuchu karqa, imaraykuchus paykunaj jallp'anku mana jayk'ajpis faraonpa makinman chayarqachu.

2 Samuel 8:18

Joyadáj churin Benaiastaj quereteokunaj, peleteokunaj kamachejninku karqa. Davidpa churinkunataj sacerdotekuna karqanku.

Esdras 7:24

Yachallaychejtaj impuestota mana orqhona kasqanta sacerdotekunamanta, levitakunamanta, takejkunamanta, punku qhawajkunamanta, yanapajkunamanta, Tata Diospa Templonpi ruwanayojkunamanta ima.

Nehemías 13:10

Yachallarqanitaj imatachus levitakunaman qonanku karqa kawsanankupaj, chayta mana qosqankuta. Chayrayku Diosta yupaychanankupaj churasqa kajkuna levitakunawan, takejkunawan sapa uj jallp'ankuman ripusqanku.

San Mateo 10:10

Ñanpi mikhunaykichejpaj amallataj qoqawi wayaqata apaychejchu, nitaj iskay p'achakunata, nitaj waj juk'utakunatapis, nillataj varatapis. Ama imatapis apakuychejchu, imaraykuchus pichus llank'ajqa ruwasqanmanta mikhunanpuni tiyan.

1 Corintios 9:13

Manachu yachankichej Templopi imachus ruwanapi ruwaysikojkunaqa Diosman jaywasqamanta mikhusqankuta? Jinallataj altarpi jaywajkunapis manachu altarpi kaj ofrendamanta wakinta jap'illankutaj?

Gálatas 6:6

Pichus Diospa simi nisqanmanta yachachisqa kajqa tukuy ima allin kajta jap'isqanmanta yachachejninman jaywarichun.

Deuteronomio 12:19

Chaywanpis chay jallp'api tiyakunaykichej p'unchaykama, ama levitakunamanta qonqakunkichejchu.

2 Tesalonicenses 3:10

Chayrayku qankunawan kashaspa, kayta kamacherqayku: Pichus kawsananpaj mana llank'ayta munajmanqa ama mikhunata qoychejchu, nispa.

1 Timoteo 5:17

Iglesiata pusarejkuna imachus ruwanankuta sumajta ruwajtinku, paykuna kawsanankupaj iglesia uj jinatawan qonanku tiyan, astawanqa pikunachus Diospa simi nisqanta willanku, yachachinkutaj, chaykunaman.