Génesis 46:5 - DIOSPA QHELQACHISQ

⁵ Chaymanta Jacobqa Bersebamanta purirerqa. Paypa churinkuna tatankuta, wawankukunata, warminkukunata ima faraonpa apachimusqan carretakunaman wicharicherqanku, paykunata Egiptoman pusakapunankupaj.

Qheshwa Biblia DC

⁵ Chaymanta Jacobqa Beersebamanta rillarqapuni. Israelpa wawasnenqa tatankuta, wawasninkuta, warmisninkuta ima faraompa carrosta ripunankupaj apachimusqampi churaykuspa pusakaporqanku.

DIOSPA QHELQACHISQAN DEUTEROCANONICAL

⁵ Chaymanta Jacobqa Bersebamanta purirerqa. Paypa churinkuna tatankuta, wawankukunata, warminkukunata ima faraonpa apachimusqan carretakunaman wicharicherqanku, paykunata Egiptoman pusakapunankupaj.

Génesis 46:5 ပူးပေါင်းရင်းမြစ်များ

Génesis 21:14

Q'ayantin tutamanta Abraham qoqawita, uj qara botapi yakutawan Agarman qorqa. Chantá Agarman q'epiriykuchispa, wawan Ismaeltawan qopuspa, kacharpayaporqa. Chaymanta Agar riporqa, Berseba sutiyoj ch'innejtataj kaynejta, jaqaynejta purerqa, mana mayman chayakuyta atispa.

Génesis 45:19

Chantá wawqeykikunata kamachillaytaj Egiptomanta carretakunata apanankuta, chaykunapi wawankukunata, warminkukunata, tatankuta ima apakampunankupaj.

Génesis 45:21

Chaypacha Israelpa churinkuna ajinata ruwarqanku. Joseqa faraonpa kamachisqanman jina carretakunata paykunaman qorqa. Jinallataj ñanpi mikhunankupajpis qollarqataj.

Génesis 45:27

Chaywanpis paykuna Josejpa tukuy nisqanta allinta willajtinku, chantá apachisqan carretakunata rikuspa, Jacob manchayta kusikorqa.

Éxodo 10:24

Chantá faraonqa usqhayta Moisesta wajyachispa, nerqa: Riychej, wawaykichejtawan pusariykukuspa, Tata Diosta yupaychamuychej. Chaywanpis ovejaykichejta, wakaykichejtawan ama qhatiychejchu, nispa.

Éxodo 10:26

Jinallataj tukuy uywaykukunaqa noqaykuwan rinanku tiyan. Mana ujpis qhepakonqachu, imaraykuchus Tata Diosniykuta yupaychanaykupaj chaykunamanta wakinta ajllanayku tiyan. Jaqayman chayanaykukama, manaraj yachaykuchu mayqen uywatachus Tata Diosman jaywanaykuta, nispa.

Hechos 7:15

Ajinamanta Jacobqa Egiptoman tiyakoj riporqa, aswan qhepamantaj chaypi wañuporqa. Paypa qhepantataj ñawpa tatanchejkunapis wañupullarqankutaj.

1 Samuel 12:8

Maypachachus Jacob aylluntin Egiptoman rerqanku chaypacha, Egipto llajtayojkuna paykunata ñak'aricherqanku, ñawpa tataykichejkunataj llakiyninkupi Tata Diosman qhaparikorqanku. Chantá Tata Dios Moisesta, Aarontawan kacharqa, paykunataj ñawpa tataykichejkunata Egipto suyumanta orqhomuspa, kay jallp'aman pusamorqanku.