Génesis 46:3 - DIOSPA QHELQACHISQ

³ Chantá Dios payta nerqa: Noqa Dios kani, tataykej Diosnin. Egiptoman riyta ama manchachikuychu. Chaypi mirayniykita mirachispa, noqa ashkha runayoj jatun suyuman tukuchisqayki.

Qheshwa Biblia DC

³ Chaypi Dios payman nerqa: Noqa Dios kani, tataykej Diosnin. Ama Egiptoman riyta manchachikuychu; chaypi mirachisaj mirayniykita uj jatun nación kanampaj.

DIOSPA QHELQACHISQAN DEUTEROCANONICAL

³ Chantá Dios payta nerqa: Noqa Dios kani, tataykej Diosnin. Egiptoman riyta ama manchachikuychu. Chaypi mirayniykita mirachispa, noqa ashkha runayoj jatun suyuman tukuchisqayki.

Génesis 46:3 ပူးပေါင်းရင်းမြစ်များ

Génesis 12:2

Noqataj mirayniykimanta ashkha runayoj jatun suyuta ruwasaj. Saminchasqayki, manchay uyarisqatataj ruwasqayki, qannejtataj wajkunapis saminchasqallataj kanqanku.

Génesis 15:1

Chaymanta Tata Diosqa Abramman mosqoypi jina parlarqa: Ama manchachikuychu, Abram, imaraykuchus noqa waqaychasojniyki kani. Qanpa t'inkaykeqa may chhikapuni kanqa, nispa.

Génesis 15:13

Chantá Tata Dios payta nerqa: Kunan ujta nisqayki: Mirayniykeqa runaj llajtanpi tiyakonqanku, chaypitaj wata runa jina tawa pachaj watata sinch'ita ñak'arenqanku.

Génesis 17:1

Abram jisq'on chunka jisq'onniyoj watayoj kashajtin, Tata Dios payman rikhurispa, nerqa: Noqa Tukuy Atiyniyoj Dios kani. Chayrayku qan munasqayman jina cheqanta puriy.

Génesis 18:18

imaraykuchus pay ashkha runayoj jatun suyoj tatan kanqa. Payman niniña kay pachapi tukuy suyuta paynejta saminchanayta.

Génesis 22:17

Noqaqa may jinata saminchasqayki. Mirayniykitaqa janajpi ch'askakunata jina may chhikata mirachisaj. Paykuna mama qocha kantupi t'iyu jina, yupay mana atina kanqanku, jinataj mirayniykeqa tukuy awqankukunata atipanqanku.

Génesis 35:11

Chantá Dios Jacobta nillarqataj: Noqaqa Tukuy Atiyniyoj Dios kani. Mirayniyki ashkha kachunku. Qanmanta ashkha runayoj suyukuna rikhurenqanku, jinallataj mirayniykimanta kuraj kamachejkuna sayarenqanku.

Génesis 47:27

Israelitakunaqa Egiptopi, Gosén nisqa cheqanejpi tiyakorqanku. Chaypi jallp'ata rantikorqanku, jinataj may chhika wawayoj karqanku.

Génesis 48:16

Paymin tukuy sajra kajmanta waqaychawaj Angelqa. Kunantaj pay kay wawakunata saminchachun. Paykunanejta sutiy yuyarisqa kachun, jinallataj ñawpa tataykuna Abrahampata, Isaacpatawan sutinkupis. Kaykuna wiñaspa, ashkha wawayoj kachunku, kay pachapitaj may chhikata mirachunku, nispa.

Génesis 48:19

Tatantajrí mana munarqachu, nerqataj: Yachani wawáy, yachani. Manasespis ashkha runayoj jatun suyuman tukonqa. Chaywanpis paymanta nisqaqa sullk'a kaj aswan kanqa, mirayninmantataj may chhika suyukuna rikhurenqanku, nispa.

Éxodo 1:12

Chaywanpis jilaqatakuna astawan sinch'i ruwanawan ñak'arichishajtinkupis, israelitakunaqa astawan ashkhayarqanku. Chayrayku Egipto llajtayojkuna israelitakunata astawan manchachikorqanku.

Éxodo 14:13

Moisestajrí israelitakunata nerqa: Ama manchariychejchu, pachanpi sayaychej, rikunkichejtaj Tata Dios qankunata kacharichisunaykichejpaj imatachus ruwananta. Kunallantawanña Egipto llajtayojkunaj uyankuta rikunkichej. Kaymanta qhepamanrí niña jayk'ajpis paykunata rikunkichejñachu.

Isaías 41:10

Chayrayku ama manchachikuychu, imaraykuchus noqa qanwanpuni kashani. Ama q'enaqakuychu, imaraykuchus noqa Diosniyki kani. Noqa kallpachasqayki, yanapasqaykitaj. Jinallataj justiciata ruwaj paña makiywan sayachillasqaykipuni.

Jeremías 40:9

Chantá Ajicanpa churin Gedalías tiluspa, paykunata nerqa: Caldeokunaj kamachiyninpi kayta ama manchachikuychejchu. Qhepakuychej kay llajtaykichejpi. Sichus Babiloniamanta kuraj kamachejta kasunkichej chayqa, allin risonqachej.

Hechos 27:24

Chay angeltaj niwarqa: Pablo, ama manchachikuychu. Imapis kachun kuraj kamachej Cesarpa ñawpaqenman chayanaykipuni tiyan. Diostajrí qanrayku barcopi tukuy rejkunamanta ni pitapis wañojta saqenqachu, nispa.

Hechos 7:17

Dios imatachus Abrahamman nisqa mirayninpaj ruwananta, chay p'unchay junt'akunanpaj qayllamushajtin, israelitakuna Egiptopi manchay ashkhamanña mirasqanku.

Deuteronomio 1:10

Tata Diosniykichejqa kay chhikata mirachisunkichej, chayrayku kunan qankunaqa janajpi ch'aska jina ashkha kankichej.

Deuteronomio 10:22

Maypachachus ñawpa tataykichejkuna Egiptoman chayarqanku chaypacha, qanchis chunkalla karqanku. Kunanrí qankunata Tata Diosniykichejqa janajpi ch'askakunata jina, ashkhata mirachisunkichej.

Deuteronomio 26:5

Chaypacha Tata Diosniykej ñawpaqenpi kay jinata nillankitaj: Ñawpa tatayqa Arammanta karqa. Ayllun pisillaraj kashajtin, Egiptoman ripuspa, chaypi tiyakorqa. Chantá chaypi ashkhata miraspa, sinch'i atiyniyoj aylluman tukorqa.