Génesis 46:1 - DIOSPA QHELQACHISQ

¹ Jinamanta Jacobqa tukuy imanta apariykukuspa, purirerqa. Bersebaman chayaspataj, uywa ñak'asqata q'olacherqa tatan Isaacpa Diosninman jaywananpaj.

Qheshwa Biblia DC

¹ Jinamanta Jacobqa purirerqa tukuy iman kajwan. Chayarqataj Beersebaman, chaypitaj rikuchikusta jaywarqa Isaac tatampa Diosninman.

DIOSPA QHELQACHISQAN DEUTEROCANONICAL

¹ Jinamanta Jacobqa tukuy imanta apariykukuspa, purirerqa. Bersebaman chayaspataj, uywa ñak'asqata q'olacherqa tatan Isaacpa Diosninman jaywananpaj.

Génesis 46:1 ပူးပေါင်းရင်းမြစ်များ

Génesis 12:8

Chaymanta Betel llajtaj inti llojsimuynejpi kashan, chay orqonejman riporqa, chaypitaj toldonta sayacherqa. Betel llajtaqa jarakusqanmanta inti yaykuynejpi kasharqa, Hai llajtataj inti llojsimuynejpi kasharqa. Chay cheqapipis Abramqa Tata Diospaj uj altartawan ruwallarqataj, chantá Tata Diospa sutinta oqharispa, yupaycharqa.

Génesis 21:14

Q'ayantin tutamanta Abraham qoqawita, uj qara botapi yakutawan Agarman qorqa. Chantá Agarman q'epiriykuchispa, wawan Ismaeltawan qopuspa, kacharpayaporqa. Chaymanta Agar riporqa, Berseba sutiyoj ch'innejtataj kaynejta, jaqaynejta purerqa, mana mayman chayakuyta atispa.

Génesis 21:31

Chayrayku chay cheqata “Berseba” sutiwan suticharqanku, imaraykuchus chaypi tiluspa, iskayninku tratota ruwarqanku.

Génesis 21:33

Abrahamtaj uj tamarindo sach'ata chaypi churarqa. Chantá Bersebapi Abrahamqa Wiñay Kawsayniyoj Tata Diosta yupaycharqa.

Génesis 22:13

Chantá Abraham qhawarispa, sach'a ukhupi uj carnerota rikorqa wajranmanta ch'ipaykusqata. Chantá pay carnerota aysamuytawan ñak'aspa, churinpa cuentamanta altarpi q'olachispa Diosman jaywarqa.

Génesis 28:10

Jacobqa Bersebamanta puririspa, Jaranman rej ñanta rerqa.

Génesis 28:13

Jinallataj Jacob rikorqa paypa ñawpaqenpi Tata Dios sayaspa, nishajta: Noqa Tata Dios kani, jatun tatayki Abrahampata chantá tatayki Isaacpatawan Diosnin. Maypichus puñushanki, chay jallp'ata qanman qosqayki, jinallataj mirayniykimanpis.

Génesis 31:42

Jinaqa, sichus Abrahampata Diosnin, tatay Isaacpa yupaychasqan Diosnin mana noqawanchu kanman karqa chayqa, mana imayojta kachapuwankiman karqa. Chaywanpis Diosmin ñak'arisqayta, qanrayku tukuy ruwasqayta ima rikorqa. Chayraykumin ch'isi k'amerqasunki, nispa.

Génesis 31:53

Jatun tatayki Abrahampata Diosnin, jatun tatayki Najorpatawan Diosnin justiciata ruwawasunchej, nispa. Chaymanta Jacobqa, tatan Isaac pi Diostachus yupaycharqa, chay Diospa sutinpi tilorqa.

Génesis 33:20

Jinataj, uj altartapis chaypi ruwallarqataj, suticharqataj: “Diosqa Israelpa Diosnin”, nispa.

Génesis 35:3

Chantá Betelman risunchej, chaypitaj Diospaj uj altarta ruwasaj, imaraykuchus llakisqa purishajtiy, pay yanapawarqa, jinallataj maymanpis risqaypi payqa noqawanpuni karqa, nispa.

Génesis 35:7

Chaypitaj Jacob altarta ruwarqa, chantá chay cheqata “El Betel”, nispa suticharqa. Ajinata chay cheqata suticharqa imaraykuchus wawqen Esaumanta ayqekushajtin, chay cheqanejpi Dios payman rikhurisqa.

Génesis 4:4

Abelpis Tata Diosman jaywananpaj apallarqataj, ovejanmanta phiwi uñakunamanta aswan sumajnin kajta. Jinapi Tata Diosqa Abelta, chantá jaywasqantapis sonqo junt'asqa jap'ikorqa.

Génesis 45:28

Chantá Israel nerqa: Niwasqaykichejqa jinapunichá, chayllata yachayta munarqani. Waway Joseqa kawsakushanraj. Chayrayku manaraj wañupushaspa, paypa uyanta rikumusaj, nispa.

Génesis 8:20

Chantá Noeqa Tata Diosta yupaychananpaj uj altarta ruwarqa. Chaypitaj ñak'aspa, chantá q'olachispa ima Diosman jaywarqa, llimphupaj qhawasqa tukuy animalmanta, tukuy phawajmanta ima.

Job 1:5

Sapa raymi tukukuytataj Jobqa wawankunata wajyaj karqa. Chantá tutamanta jatarispa, sapa uj wawanrayku uywa ñak'asqata q'olachispa Tata Diosman jaywaj karqa. Ajinata Job ruwaj, imaraykuchus sonqonpi nej: Ichapis wawaykuna raymita ruwaspa, sonqonkupi Diospa contranta juchallinkuman karqa, nispa. Job ajinata sapa kuti ruwaj.

Job 42:8

Kunanqa qanchis torillota, qanchis carnerotawan qhatiriykukuspa, kamachiy Jobman riychej. Chantá chay uywakunata q'olachispa, juchaykichej pampachasqa kananpaj noqaman jaywawaychej. Kamachiy Jobtaj qankunarayku noqamanta mañapusonqachej, noqataj uyarisaj. Jinamanta mana allinta noqamanta parlasqaykichejta pampachasaj. Qankunaqa mana kamachiy Job jinachu noqamanta cheqanta parlarqankichej, nispa.

Amós 7:9

Isaacpa yupaychanan wasikuna thuñisqa kanqanku, Israelpa lanti yupaychana templonkunapis urmachisqa kanqa. Jeroboanpa aylluntapis espadawan wañuchichisaj, nispa.

Hechos 7:15

Ajinamanta Jacobqa Egiptoman tiyakoj riporqa, aswan qhepamantaj chaypi wañuporqa. Paypa qhepantataj ñawpa tatanchejkunapis wañupullarqankutaj.

Josué 24:4

Isaacmantaj iskay churikunata qorqani, Jacobta, Esautawan. Esaumanqa Seirpi orqorara cheqata qorqani. Jacobtajrí wawankunawan ima Egiptoman riporqanku.

1 Samuel 3:20

Tukuynin israelitakunataj Dan jatun aylloj jap'iyninmantapacha Berseba llajtakama Samuelqa cheqapuni Tata Diospa willajnin kasqanmanta rejserqanku.

1 Samuel 8:2

Kuraj kajpata sutin karqa Joel, sullk'ajtataj Abías. Paykunataj Bersebapi juezkuna jina kamacherqanku.