Génesis 45:3 - DIOSPA QHELQACHISQ

³ Chantá Joseqa wawqenkunata nerqa: Noqa José kani. Tatayqa kawsakushanrajchu? nispa. Wawqenkunatajrí mana imatapis kuticherqankuchu, imaraykuchus ñawpaqenpi ancha mancharisqa kasharqanku.

Qheshwa Biblia DC

³ Joseqa wauqesninman nerqa: Noqa José kani. Tatayqa kausakushanrajchu?, nispa. Wauqesnintaj mana imatapis kutichiyta aterqankuchu, imaraykuchus may mancharisqas mana imanakuyta aterqankuchu ñaupaqempi tukuyninku rikhurispa.

DIOSPA QHELQACHISQAN DEUTEROCANONICAL

³ Chantá Joseqa wawqenkunata nerqa: Noqa José kani. Tatayqa kawsakushanrajchu? nispa. Wawqenkunatajrí mana imatapis kuticherqankuchu, imaraykuchus ñawpaqenpi ancha mancharisqa kasharqanku.

Génesis 45:3 ပူးပေါင်းရင်းမြစ်များ

Génesis 37:20

Jamuychej, payta wañuchisunchej, chaymantataj uj ch'aki pujyuman ayanta wijch'uykusunchej. Chantá nisunchej: Ima phiña animalchá mikhuykun, nispa. Chantá mosqokusqan imapichus parasqanta qhawasunchej, nispa.

Génesis 42:21

Chantá paykunapura ninakorqanku: Wawqenchejta mana allinta ruwasqanchejmanta noqanchej kay jinata ñak'arishanchej. Khuyayta mañakushawajtinchej, may jinata waqashajta rikushaspapis, mana uyarerqanchejchu. Chayraykumin kay jina llakiy qhatirishawanchej, nispa.

Génesis 42:22

Chantá Rubén paykunata nerqa: Chayrayku noqa nerqaykichej ama imatapis Joseta ruwanachu, nispa. Qankunatajrí mana kasuwarqankichejchu. Kunanqa wañusqanmanta juchachasqa kashanchej, nispa.

Génesis 43:27

Josetaj paykunata taporqa: Imaynataj kashankichej, walejllachu? nispa. Chaymanta tapullarqataj: Machituña niwarqankichej chay tataykichejrí, imaynataj kashanri? Kawsakushanrajchu? nispa.

Job 23:15

Chayrayku sichus kay tukuy imapi yuyani chayqa, paypa ñawpaqenman riyta manchachikuni.

Job 4:5

Kunan llakiyta ñak'arinayki qanman chayamusojtinrí, q'enaqakushanki. Llakiykunaj ñit'isqan kaspa, sonqo p'akisqa kashanki.

Zacarías 12:10

Chantá Davidpa mirayninman, jinataj Jerusalenpi tiyakojkunaman sumaj sonqota qosaj, noqa Diosmanta mañakuyta munana sonqotawan. Noqata qhawariwanqanku, pitachus t'ojserqanku, chayta. Chaymantataj may jinata waqanqanku, imaynatachus runakuna waqanku k'ata wawanku chayrí kuraj kaj churinku wañojtin, ajinata.

Marcos 6:50

Chayta rikusqankuraykutaj tukuyninku manchachikuywan kharkatiterqanku. Jesustajrí ujllata paykunata nimorqa: Sonqochakuychej, noqa kani. Ama manchachikuychejchu, nispa.

San Lucas 5:8

Chayta rikuytawan, Simón Pedroqa qonqoriykukuspa, Jesusta nerqa: Tukuyta Kamachej, noqamanta ithirikuy, imaraykuchus juchasapa kani, nispa.

Hechos 7:13

Qhepan risqankupitajrí, Joseqa wawqenkunaman rejsichikorqa. Ajinapi faraón Josejpa ayllunta rejserqa.

Hechos 9:5

Chantá Saulo taporqa: Wiraqochi, pitaj kankiri? nispa. Parlamojtaj kuticherqa: Noqa Jesús kani, pitachus qan qhatiykachashanki, chay. Manamin allinchu qanpajqa buey jina ayjonpa puntanta jayt'anaykeqa, icharí? nispa.

Apocalipsis 1:7

Qhawaychej: Cristo phuyupi jamushan. Tukuy runakuna payta rikonqanku, jinallataj payta t'ojsejkunapis. Kay pachapi kaj chhika runakuna payta manchachikuspa, manchayta waqanqanku. Arí, ajina kachun.