Génesis 43:8 - DIOSPA QHELQACHISQ

⁸ Chantá Judañataj tatan Israelta nerqa: Noqa Benjaminmanta cuentayoj kasaj, kachallay ari. Kunanpacha mikhunata rantej puririsqayku, ama qan, ni noqayku, nitaj wawaykukunapis yarqhaymanta wañunanchejpaj.

Qheshwa Biblia DC

⁸ Chantaqa Judañataj tatan Israelman nerqa: Sichus mana munanki ama yarqhaywan wañunanchejta chayqa, noqawan saqeway Benjamín rejta, noqa paymanta cuentayoj kasaj, kunampachataj risqayku. Ajinamanta ama wañunanchejpaj ni qan nitaj noqayku, nitaj wawasniykupis.

DIOSPA QHELQACHISQAN DEUTEROCANONICAL

⁸ Chantá Judañataj tatan Israelta nerqa: Noqa Benjaminmanta cuentayoj kasaj, kachallay ari. Kunanpacha mikhunata rantej puririsqayku, ama qan, ni noqayku, nitaj wawaykukunapis yarqhaymanta wañunanchejpaj.

Génesis 43:8 ပူးပေါင်းရင်းမြစ်များ

Génesis 42:2

Willawanku Egiptopi trigo rantikunapaj kasqanta. Chayrayku jaqaymanta trigota rantimuychej, ama yarqhaywan wañunanchejpaj, nispa.

Génesis 42:38

Jacobtajrí nerqa: Benjaminneyqa manapuni qankunawan renqachu. Wawqen José wañupun, kunantaj payllaña qhepakun. Sichus ñanta rishajtiykichej imapis pasanman chayqa, qankuna juchayoj kawajchej machu kayniypi llakiywan wañunaymanta, nispa.

Génesis 44:20

Noqaykutaj willarqayku tatayku allin machituña kasqanta, jinallataj wawqeykupis waynallaraj kasqanta. Paytaqa tatayku machuyayninpi rejserqa. Chantá nillarqaykutaj tataykoqa sullk'aykuta maytapuni munakusqanta, imaraykuchus warmin Raquelpi rejsisqan wawankuna iskaylla karqanku. Kuraj kaj wañunña, sullk'a kajllaña kawsashan, nispa.

Génesis 44:26

Noqaykutajrí nerqayku: Noqayku manapuni risqaykuchu, manachus sullk'aykuta pusasqayku chayqa. Sichus Benjamín mana noqaykuwan renqachu chayqa, Egiptota kamachej mana jap'iwasqaykuchu, nispa.

Génesis 45:19

Chantá wawqeykikunata kamachillaytaj Egiptomanta carretakunata apanankuta, chaykunapi wawankukunata, warminkukunata, tatankuta ima apakampunankupaj.

Génesis 50:21

Chayrayku ama manchachikuychejchu. Noqaqa qankuna, jinataj wawaykichejkuna kawsanankupaj mikhunata qollasqaykichejpuni, nispa. Ajinata Joseqa wawqenkunata sonqocharqa, imaraykuchus manchay k'achata parlapayaykorqa.

Génesis 50:8

Jinallataj Jacobpa tukuy ayllun, Josejpa ayllun, wawqenkuna ima paywan rerqanku. Gosenpeqa wawakunallata, chantá uywakunatawan imalla saqerqanku.

2 Reyes 7:13

Chantá ujnin kaj kamachej nerqa: Kashankuraj, chaykunamanta phishqa caballopi qhawamojkunata kachana, imachus kasqanta yachanankupaj. Wañonqanku, kawsanqanku chaypis, kikillanpuni kanqa. Sichus kayllapi qhepakonqanku chayqa, wañullanqankutaj, imaynatachus israelitakunamanta ashkhaña wañunku, ajinallatataj, nispa.

2 Reyes 7:4

Sichus llajtaman yaykusunman chayqa, yarqhaymanta wañusunchej. Kay kikinpi qhepakusunman chayrí, wañullasuntaj. Siriokunaj jarankuman jaku rinachej. Sichus mana wañuchiwasun chayqa, kawsasunchej. Wañuchiwasun chaypis, wañusunchej, nispa.

Esdras 8:21

Chay qhepata Ahava mayu qayllapi tukuyninku ayunanaykuta kamacherqani, Diosniykoj ñawpaqenpi k'umuykukunaykupaj. Diosmanta yanapata mañakorqayku allillanta pusanawaykupaj, jinallataj aylluykuta, tukuy tiyapuyniykutapis waqaychananpaj.

Salmos 118:17

Manaraj wañuyta munanichu, aswanpis kawsaytaraj, Tata Diospa ruwasqanmanta runa masiyman parlanaypaj.

Éxodo 20:12

Tataykitawan, mamaykitawan ima sumaj respetowan qhawakuy. Ajinata ruwanki chayqa, Tata Diosniyki jallp'ata qosonqa, chaypi unayta kawsakunki.

Números 14:31

Jinallataj pisipaj qhawasqaykichej wawaykichejkuna jallp'aman yaykonqanku. Qankuna nerqankichej paykunata awqaykichej jap'ispa, apakapunankuta. Chaywanpis paykuna chay jallp'api tiyakoj yaykonqanku.

Deuteronomio 33:6

Moisés Rubén jatun ayllumanta parlaspa, nerqa: Rubén ayllu kawsachun, amataj wañuchunchu. Mirayninpis may chhika kachun, nispa.