Génesis 43:34 - DIOSPA QHELQACHISQ

³⁴ Josetaj mikhunata jaywasqankumanta tukuyninkuman jaywacherqa. Benjaminmanrí uj phishqa jinatawan astawan yapasqata jaywarqa. Jinata José wawqenkunawan khuska manchay kusisqa mikhorqa, ujyarqa ima.

Qheshwa Biblia DC

³⁴ Josetaj mesamanta mikhunata jaywarqa tukuyninkuman, Benjaminmanrí aswan yapasqata mikhunataqa jaywarqa uj phishqa jinatawan tukuyninkumanta nisqaqa. Jinata Joseqa wauqesninwan mikhorqanku ujyarqankutaj asirikunankukama.

DIOSPA QHELQACHISQAN DEUTEROCANONICAL

³⁴ Josetaj mikhunata jaywasqankumanta tukuyninkuman jaywacherqa. Benjaminmanrí uj phishqa jinatawan astawan yapasqata jaywarqa. Jinata José wawqenkunawan khuska manchay kusisqa mikhorqa, ujyarqa ima.

Génesis 43:34 ပူးပေါင်းရင်းမြစ်များ

Génesis 35:24

Raquelwan rejsisqan churinkunataj karqanku Josewan, Benjaminwan ima.

Génesis 45:22

Chantá sapa ujninkuman mosoj p'achata qollarqataj. Benjaminmantajrí 300 qolqeta qorqa, phishqa mosoj p'achatawan.

2 Samuel 11:8

Chaymantataj Uriasta kamacherqa: Wasiykiman rispa, samarikamuy, nispa. Davidpa kamachinan wasimanta Urías llojsejtinkamataj, kuraj kamachejqa uj sumaj mikhuyta t'inkata jina payman apacherqa.

Proverbios 31:6

Aqhata wañuy patapi kajkunaman jayway, vinotataj sonqonku jayayasqakunaman.

Eclesiastés 10:19

Mikhuykunaqa kusikunapaj, vinotaj sonqota kusichinapaj. Qolqetajrí tukuy imata ruwanapaj allinmin.

Eclesiastés 9:7

Chayrayku qanqa kusisqa mikhuy, vinoykitapis tukuy sonqo ujyarikuy, imaraykuchus Diosqa ruwasqanchejta allin kasqanta nin.

TAKIYKUNA 5:1

Noqa huertayman yaykuniña, chunkitúy, munasqetáy. Noqaqa mirraytawan, sumaj k'acha q'apayniyoj jawinatapis pallaniña. Chantá abeja misk'itapis mikhuniña. Vinoytawan, lecheytawanpis ujyaniña. Munasqa kawsaqeykuna, mikhurikuychej, ujyarikuychej munanakuspa sajsanaykichejkama.

Habacuc 1:6

Noqaqa caldeokunata maqanakuman yaykunapaj jina wakichisaj. Paykuna may sajra rumi sonqo kanku, mana khuyakuyniyojtaj. Jinataj kay pachata uj ladomanta uj ladoman purispa, wajkunaj jallp'ankuta qhechunankupaj jinalla kashanku.

San Mateo 11:19

Runaj Churin jamojtintajrí, mikhusqanrayku, ujyasqanraykutaj ninkichej: Kay runaqa anchata mikhun, machasqallataj purin. Chantá juchasapakunawan, impuestota cobrajkunawan ima kawsakun, nispa. Jinapis Dios yachayniyoj kasqanta reparanchej, chay yachachisqanta qhatejkuna imaynatachus kawsasqankuta rikuspa, nispa.

San Juan 2:10

Pillapis ñawpajtaqa sumaj vinotaraj jaywan. Casarakuman wajyarisqa macharisqaña kashajtinkutaj, mana walej vinollataña jaywan. Qanrí kunankama aswan sumaj vinota jallch'asqanki, nispa.

1 Samuel 1:5

Chaywanpis Elcanaqa warmin Anaman aswan sumaj kajta qoj, Tata Dios mana wawata rejsinanta munashajtinpis payta astawan munakusqanrayku.