Génesis 43:30 - DIOSPA QHELQACHISQ

³⁰ José sullk'anta rikukapuspa, yaqhapuni waqaywan atipachikorqa, imaraykuchus kusiymanta sonqon wawayarqa. Chayrayku usqhayllata puñunan cuartoman yaykuspa, waqarikorqa.

Qheshwa Biblia DC

³⁰ Chayta nispataj Joseqa yaqhapuni waqaywan atipachikorqa, imaraykuchus kusiywan sonqonta wawayacherqa wauqenta rikukapuspa; chayrayku apurata cuartonman yaykuporqa, chaypitaj waqarikorqa.

DIOSPA QHELQACHISQAN DEUTEROCANONICAL

³⁰ José sullk'anta rikukapuspa, yaqhapuni waqaywan atipachikorqa, imaraykuchus kusiymanta sonqon wawayarqa. Chayrayku usqhayllata puñunan cuartoman yaykuspa, waqarikorqa.

Génesis 43:30 ပူးပေါင်းရင်းမြစ်များ

Génesis 42:24

Chantá José qayllankumanta ithiriytawan, maytapuni waqarikorqa. Kutirimuspataj, paykuna rikushajtinku, Simeonta jap'ichispa, wataykucherqa.

Génesis 45:2

Chantá José jatunmanta jik'un jik'unta waqarikorqa. Waqarikusqantaqa Egipto llajtayojkunapis uyarerqanku, jinallataj faraonpa wasinpi kajkunapis yachallarqankutaj.

Génesis 46:29

Joseqa Gosenman tatanta taripaj rinanpaj carretanta wakichipunankuta kamacherqa. Chantá José tatanwan tinkuspa, ojllaykorqa, tatan ojllarisqataj unayta waqarqa.

1 Reyes 3:26

Chantá chay kawsashaj wawaj mamanqa wawanrayku maytapuni llakikuspa, kuraj kamachejta nerqa: Wiraqochi kuraj kamachejníy, ama wañuchiychejchu chay kawsashaj wawata. Kay warmiman qopuychej, nispa. Chay uj warmitajrí nerqa: Wañuchiychej, ni paypaj ni noqapaj kachunchu. Iskayman khuchurpariychej, nispa.

Jeremías 31:20

Noqapaj Efrainqa munasqa waway, aswan munasqa kaj churiy. Payta kutin kutinta k'amini chaypis, manapuni paymantaqa qonqapunichu. Sonqoypis wawayan, maytataj paymanta khuyakuni. Ajinata noqa Tata Dios nini.

Oseas 11:8

Efrainníy, imaynatataj saqerparisqaykiri? Israelníy, imaynatataj wijch'urparisqaykiri? Imaynatataj Adma llajtata jina chinkarparichiykimanri? Imaynatataj Zeboyin llajtawan ruwarqani, ajinallatatajchu qanwanpis ruwaymanri? Sonqoyqa wawayawan qanpaj khuyakuyniy junt'a kasqanrayku.

Hechos 20:19

Noqaqa may llamp'u sonqowan, waqan waqan Diospa kamachiwasqanta ruwarqani, jinallataj ñak'arerqani judiokuna qhatiykachawasqankurayku.

Hechos 20:31

Chayrayku allinta qhawakuychej. Jinataj yuyarikuychej imaynatachus noqa kinsa wata junt'ata, tuta p'unchay waqan waqan sapa ujniykichejta yuyaychasqaymanta.

Hechos 20:37

Chantá tukuyninku waqarikorqanku, Pablota ojllaykuspataj, much'aykorqanku.

Filipenses 1:8

Dioslla yachan imaynatachus qankunata munakusqayta Jesucristoj sinch'i munakuyninwan.

Filipenses 2:1

Ajinaqa Cristoman ujchasqa kasqaykichejrayku pay atiyta qosunkichej ujkunaj sonqonkuta kawsarichinaykichejpaj, pay munakususqaykichejraykutaj sonqochasqa kankichej. Chantá tukuyniykichejpi kikin Santo Espiritullataj kashan, jinallataj khuyakuyniyoj kankichej.

Colosenses 3:12

Qankunaqa Diospa ajllakusqan kankichej, paypaj t'aqasqa, may munasqataj. Chayrayku qankuna khuyakuywan, k'acha kaywan, llamp'u sonqo kaywan, mana phiñakoj kaywan, pacienciawan ima p'achawan jina p'achallikuychej.

2 Timoteo 1:4

Waqasqaykimanta yuyarikuspa, qanta rikusuyta mayta munani, sonqoy kusiywan junt'asqa kananpaj.

1 Juan 3:17

Chaywanpis pipis kapuyniyoj kashaspa, sichus Jesucristota qhatikoj masinta pisichikojta rikunman, manataj khuyarinmanchu chayqa, chay runaqa Diosta mana munakusqanta rejsichishan.