Génesis 43:23 - DIOSPA QHELQACHISQ

²³ Mayordomotajrí kuticherqa: Ama manchachikuychejchu. Diosniykichej, tataykichejpa Diosninchari chay qolqeta costalniykichejman churaykorqa. Noqarí pagasqaykichej qolqetaqa jap'erqani, nispa. Chayta niytawantaj, mayordomoqa Simeonta carcelmanta orqhomuspa, paykunaman pusamorqa.

Qheshwa Biblia DC

²³ Paytaj kuticherqa chaymantaqa ama llakikuychejchu, amataj manchachikuychejchu. Diosniykichejchá á, tataykichejpa Diosnin chay qolqetaqa churaykorqa; noqa chay qosqaykichej qolqetaqa jap'erqani. Chaymantataj mayordomoqa Simeonta carcelmanta orqhomuspa paykunaman pusamorqa.

DIOSPA QHELQACHISQAN DEUTEROCANONICAL

²³ Mayordomotajrí kuticherqa: Ama manchachikuychejchu. Diosniykichej, tataykichejpa Diosninchari chay qolqeta costalniykichejman churaykorqa. Noqarí pagasqaykichej qolqetaqa jap'erqani, nispa. Chayta niytawantaj, mayordomoqa Simeonta carcelmanta orqhomuspa, paykunaman pusamorqa.

Génesis 43:23 ပူးပေါင်းရင်းမြစ်များ

Génesis 42:24

Chantá José qayllankumanta ithiriytawan, maytapuni waqarikorqa. Kutirimuspataj, paykuna rikushajtinku, Simeonta jap'ichispa, wataykucherqa.

Génesis 42:28

Chaymantataj wawqenkunata nerqa: Qhawariychej, qolqeyta kutichipuwasqanku, costalniypi kashasqa, nispa. Tukuyninkutaj chayta rikuspa, mayta mancharikorqanku, paykunapurataj ninakorqanku: Imatataj Dios kayta ruwashawanchejri? nispa.

Génesis 42:36

Chaymanta Jacob paykunata nerqa: Qankunaqa mana wawayojta saqeshawankichej. José manaña noqanchejwanchu, Simeonpis manallataj kaypichu. Kunanqa Benjamintañatajchu pusankichej? Kay tukuy imaqa llakiywan wañunaypaj jina, nispa.

Génesis 43:14

Tukuy Atiyniyoj Diostaj chay runaj sonqonta llamp'uyachichun, qankunamanta khuyarikunanpaj. Ajinamanta qhepakoj wawqeykichejta, chantá Benjaminta ima kacharimponqa. Noqarí, sichus mana wawayoj qhepakunay kashan chayqa, jina mana wawayoj qhepakusaj, nispa.

Génesis 43:22

Kunan trigota rantikunaykupajqa waj qolqetapis apamullaykutaj. Noqayku mana yachaykuchu pichus chay qolqeta costalniykuman churaykusqanta, nispa.

1 Crónicas 12:18

Chaypacha 300 wapu soldadokunaj kamachejninku Amasayman Diospa Espíritun jamuspa, payta jatunmanta parlacherqa: Yeséj churin David, qanpata kayku, qanwanpunitaj kashayku. Allin kawsay qanpaj kachun, qanta yanapasojkunapajpis, imaraykuchus Diosniyki yanapashasunki, nispa. Davidtaj paykunata jap'ispa, soldadokunata kamachinankupaj churarqa.

1 Crónicas 12:19

Manasés jatun ayllumanta wakinkunapis Davidman k'askaporqanku, maypachachus David filisteokunawan khuska Saulpa contranta maqanakunankupaj risharqa, chaypacha. Chaywanpis Davidqa filisteokunata mana yanaparqachu, imajtinchus filisteokunaj kamachejninkuna parlanakuytawan, kachapusqanku: Davidqa noqanchejta wañuchispa, wiraqochin Saulman tijrakaponqa, nispa.

Esdras 4:17

Chantá kuraj kamachej Artajerjesqa kutichispa, kay jinata qhelqacherqa: Kamachej Rejún, qhelqeri Simeyta, chantá, Samariapi tiyakunku chay wakin kamachej masiykichej, jinallataj Éufrates mayoj inti yaykuynej ladopi tiyakojkunapis, napaykamuykichej.

San Lucas 10:5

Mayqen wasiman chayakuspa, ñawpajta wasiyojkunata napaykuychej: Diosmanta sonqo tiyaykuy kay wasipi kachun, nispa.

San Lucas 24:36

Paykuna chay imakunamanta parlashanankukama, Jesusqa chawpinkupi rikhurispa, paykunata napaykorqa: Diospa sonqo tiyaykuynin qankunawan kachun, nispa.

San Juan 14:27

Noqaqa sonqo tiyasqa kayta qoykichej. Noqaj qosqay sonqo tiyasqa kaytaj mana runakunaj qosqan jinachu. Chayrayku ama imamantapis phutikuychejchu, nitaj manchachikuychejchu.

San Juan 20:19

Chay kikin semana qallariy p'unchay ch'isiyaykuytaña, Jesuspa yachachisqankuna uj wasipi tantasqa kasharqanku. Judiokunaj kurajninkukunata manchachikusqankurayku wasej punkun sumaj wisq'asqa kasharqa. Jinapi Jesús rikhuriytawan, chawpinkupi sayarqa, paykunatataj napaykorqa: Diospa sonqo tiyaykuynin qankunawan kachun, nispa.

San Juan 20:21

Chantá Jesús ujtawan paykunata nerqa: Diospa sonqo tiyaykuynin qankunawan kachun. Imaynatachus Tata Diosniy noqata kay pachaman kachamuwarqa, ajinallatataj qankunatapis kay pachapi tukuy runaman kachaykichej, nispa.

San Juan 20:26

Pusaj p'unchayninman Jesuspa yachachisqankuna ujtawan wasipi tantakorqanku. Tomaspis paykunawan kasharqa. Wasej punkun sumaj wisq'asqa kashajtin, Jesús ujtawan chawpinkupi rikhurispa, paykunata napaykorqa: Diospa sonqo tiyaykuynin qankunawan kachun, nispa.

Jueces 19:20

Chay machu runaqa nerqa: Walejta jamorqankichej. Imaykichejchus mana kajtaqa noqa qollasqaykichej. Jinapis amapuni kunan ch'isi kay plazapi puñuychejchu, nispa.

Jueces 6:23

Tata Diostajrí kuticherqa: Ama manchachikuychu, mana wañunkichu. Sonqo tiyaykusqa kay, nispa.

1 Samuel 25:6

Kay jinatataj nicherqa: Kawsaqéy, allillan risuchun. Jinallataj qan, aylluyki, wasiykipi tukuy kaj chhikapis allillanta kawsakuychej.