Génesis 43:11 - DIOSPA QHELQACHISQ

¹¹ Chaymanta tatanku Jacob nerqa: Imanasuntaj. Jina kanan kajtenqa, kayta ruwaychej: Kaypi sumajnin kajmanta costalman churaspa, chay runaman jaywarinaykichejpaj apaychej: Uj chhika balsamota, uj chhika abeja misk'ita, sumaj q'apashaj jawinata, mirrata, nuezta, chantá almendrata ima.

Qheshwa Biblia DC

¹¹ Chaymanta tatankoqa nerqa: Mana imapis kanan kajtenqa kayta ruwaychaj: Chay runaman jaywanaykichejpaj apaychej costalesniykichejpi imachus kaypi sumaj poqoj kajta, sumajnin kajkunata: Uj chhika balsamota, uj chhika abeja misk'ita, q'apaj mirrata, nuecesta, almendrastawan.

DIOSPA QHELQACHISQAN DEUTEROCANONICAL

¹¹ Chaymanta tatanku Jacob nerqa: Imanasuntaj. Jina kanan kajtenqa, kayta ruwaychej: Kaypi sumajnin kajmanta costalman churaspa, chay runaman jaywarinaykichejpaj apaychej: Uj chhika balsamota, uj chhika abeja misk'ita, sumaj q'apashaj jawinata, mirrata, nuezta, chantá almendrata ima.

Génesis 43:11 ပူးပေါင်းရင်းမြစ်များ

Génesis 33:10

Jacobtajrí nillarqapuni: Sichus cheqapuni sonqoyki noqapaj allin chayqa, ama jina kaspa, imatachus qosusqayta jap'ikullaway. Qanta rikuspaqa, kikin Diostapis rikushayman jina kani, imaraykuchus ima munayta jap'iwanki.

Génesis 37:25

Chantá Joséj wawqenkuna mikhunankupaj tiyarikorqanku. Mikhushaspataj, qhatuwan purej ismaelitakunata Galaadmanta jamushajta rikorqanku. Paykuna camellonkunapi sumaj q'apashaj jawinata, balsamota, mirrata ima Egiptoman apasharqanku.

Génesis 43:10

Sichus qan mana jinata jark'akuwaj karqa chayqa, rispa jamuspa, iskay kutitaña chayamuykuman karqa, nispa.

Génesis 43:14

Tukuy Atiyniyoj Diostaj chay runaj sonqonta llamp'uyachichun, qankunamanta khuyarikunanpaj. Ajinamanta qhepakoj wawqeykichejta, chantá Benjaminta ima kacharimponqa. Noqarí, sichus mana wawayoj qhepakunay kashan chayqa, jina mana wawayoj qhepakusaj, nispa.

Génesis 43:15

Chantá Jacobpa churinkuna waqeta apariykukuspa, qolqetapis uj jinatawan aparqanku. Benjamintawan pusariykukuspataj, Egiptoman purirerqanku. Chayman chayaspataj, Josejpaman rerqanku.

Génesis 43:25

Josejpa wawqenkunataj waqeta apasqankuta wakicherqanku, chawpi p'unchayta José chayamojtin, jaywanankupaj, imaraykuchus yacharqanku chaypi paykunawan mikhunanta.

Génesis 43:26

José chayamojtin, paykuna pampakama k'umuykuspa, napaykorqanku, chantá waqe apasqankuta jaywarqanku.

1 Reyes 10:15

Wajllaraj karqa ranqherokuna, Arabiamanta tukuynin kuraj kamachejkuna, Israel suyumanta kurajkunapiwan impuestota qoripi pagasqanku.

1 Reyes 10:25

Tukuytaj kay imakunata payman apamoj kanku: Qolqe metalta, qorita, p'achata, armata, sumaj q'apashaj jawinata, caballota, mulata ima.

1 Reyes 15:19

Qanwan, noqawan tratota ruwanachej, imaynatachus qanpa tataykiwan noqaj tataywan tratota ruwarqanku, ajinata. Qolqe metalta, qoritawan uj t'inkata jina apachimushayki Israel suyumanta kuraj kamachej Basawan ruwasqayki tratota p'akinaykipaj. Ajinamanta pay noqamanta karunchakonqa, nispa.

1 Reyes 4:21

21 (5.1)Salomontaj tukuynin waj suyukunatapis kamachillarqataj Éufrates mayumantapacha filisteokunaj suyunkukama. Mojonninkunapis Egipto chaykama karqa. Payman impuestota pagarqanku, kuraj kamachej Salomón kawsanankama kamachinpi karqanku.

2 Reyes 16:8

Jinallataj Ajazqa Tata Diospa Templonmanta, chantá kuraj kamachejpa wasinmanta ima tukuynin qolqe metalta, qoritawan Asiria suyuta kuraj kamachejman t'inkata apacherqa.

2 Reyes 20:12

Chaypachallataj Babilonia suyuta kuraj kamachej Baladanpa churin Merodac Baladán Ezequías onqosqa kashasqanta uyarispa, kamachinkunata kachamorqa. Paykunawantaj waqeta chantá cartatawan apachimorqa.

2 Reyes 8:8

Chantá Ben Adadqa kamachin Jazaelta nerqa: T'inkata apariykukuspa, Diosmanta sut'inchajpaman riy. Chantá Tata Diosta tapuripunawanta ninki, kay onqoyniymanta qhaliyapusajchus chayrí manachus, chayta, nispa.

Ester (hebreo) 4:16

Qantajrí, Susa llajtapi tukuy judiokunata tantaspa, kinsa p'unchayta, kinsa tutatawan ayunaychej. Noqapis kamachiykunawan kikillantataj ruwasqayku. Chaymantaraj kuraj kamachejpa ñawpaqenman, kamachisqata p'akispa risaj. Wañunay kanqa chaypis, jina wañusaj, nispa.

Salmos 68:29

29 (30) Jerusalenpi kaj Temploykirayku tukuy kuraj kamachejkuna t'inkata apamusonqanku.

Salmos 72:10

Tarsismanta kuraj kamachejkuna, mama qocha kantupi kuraj kamachejkuna ima impuestota pagachunku. Sabamanta, Sebamanta kuraj kamachejkunapis sumaj imakunata apamuspa, kuraj kamachejman waqerichunku.

Salmos 76:11

11 (12) Qankuna Tata Diosniykichejman imatachus nisqaykichejta junt'aychej. Qankunapis, muyuyninpi kaj suyukuna, manchachikuna Diosman jaywanaykichejpaj t'inkata apamuychej,

Éxodo 3:8

Chayrayku Egipto llajtayojkunaj makinmanta paykunata kacharichinaypaj urayk'amuni, Egiptomanta orqhospa, paykunata sumaj jallp'aman pusanaypaj, maypichus lechewan, abeja misk'iwan yaku jina purishan, chayman. Chay jallp'api tiyashanku: Cananeokuna, jeteokuna, amorreokuna, ferezeokuna, heveokuna, jebuseokuna ima.

Proverbios 17:18

Mana allin yuyayniyoj runaqa kawsaqenpaj garante jina sayan, jinaspataj, kawsaqenpa manu kasqanta q'epirikun.

Proverbios 18:16

Jatun sonqowan waqerejtaqa, tukuy runakuna uyarinku. Chaynejta maypaj qhawasqa runakunaj ñawpaqenmanpis chayanku.

Proverbios 19:6

Mana mich'akuspa imatapis qoj runataqa kawsaqepaj tukuy mask'anku.

Proverbios 21:14

Pakaypi t'inkata jaywaspa, runaj sinch'i phiñakuyninta tiyaykuchin. Mana pejpa rikusqallanta imatapis jaywarispataj, runaj k'araj phiñakuyninta thasnun.

TAKIYKUNA 4:10

Ima munayta munarikuwanki chunkitúy, munasqetáy. Munarikuwasqaykeqa vinomantapis astawan misk'i. Q'aparishaj jawinawan jawikusqaykeqa astawan sumaj tukuy q'apaj jawinamanta nisqaqa.

TAKIYKUNA 4:14

nardo t'ika, azafrán t'ika, sumajta q'aparishaj caña, canelapiwan, tukuy imaymana incienso sach'a ima. Kallantaj mirra, áloe sach'a, tukuy sumajta q'aparishaj jawinakunapiwan.

TAKIYKUNA 8:14

Usqhayta t'ijuy ari, munasqáy. Taruka jina phinkiriy, chayrí uña taruka jina k'achituta q'aparishaj lomakunata phinkiriy.

Jeremías 8:22

Manachu ima jampipis Galaad llajtapi kanmanri? Manachu jaqaypi pipis jampiykurej kanmanri? Imaraykutaj kay aylluy mana qhaliyayta atinchuri? nispa.

Ezequiel 27:15

Dedán llajtamanta kajkuna qanwan ranqheyallajtaj kanku, jinataj mama qocha churukunapi llajtayojkunamanta ashkha runakuna ima. Qanwan rukanankupaj marfilta, ébano maderatawan apamoj kanku.

Ezequiel 27:17

Chantá Judá ayllu, jinallataj Israel ayllumanta kajkunapis qanwan ranqheyajllataj kanku. Paykunaqa qanwan rukanankupaj Minit chantá Panag llajtamanta ima trigota, pastelkunata, abeja misk'ita, aceiteta, k'achata q'apaj jawinatawan apamoj kanku.

Ezequiel 27:22

Sabamanta kajkuna, Ragamamanta kajkunapiwan, qanwan ranqheyanankupaj k'achitu q'apashaj jawinakunata, qorita, lliphipirishaj tukuy imaymana k'acha rumikunatawan apamoj kanku.

Levítico 20:24

Noqa niykichej, chay llajtayojkunaj jallp'ankuta jap'ikapunaykichejta. Noqataj maypichus lechewan, abeja misk'iwan yaku jina purishan, chay jallp'ata qankunajta kananpaj qosqaykichej. Noqa Tata Diosmin qankunaj Diosniykichej kani, pichus waj suyukuna ukhumanta qankunata t'aqarqaykichej, chay.

Hechos 21:14

Chantá ni imaynapi payta jark'ayta atispa, saqellarqaykuña: Tukuyta Kamachej Jesuspa munasqan ruwasqa kachun, nispa.

Deuteronomio 33:14

Sapa wata chajranta sumajta poqochichun, sapa killa sumaj poqoykunawan ima.

1 Samuel 25:27

Ama jina kaspa, kay apamususqay mikhunata jap'ikunawaykita, runaykikunamantaj rak'iykunaykita nirikuyki.

1 Samuel 9:7

Saultaj kuticherqa: Jaku ari. Chantá imatataj chay Diospa runanman apasunmanri? Manaña t'antapis wayaqanchejpi kanchu, nitaj jaywarinapaj imanchejpis kanñachu, nispa.