Génesis 42:38 - DIOSPA QHELQACHISQ

³⁸ Jacobtajrí nerqa: Benjaminneyqa manapuni qankunawan renqachu. Wawqen José wañupun, kunantaj payllaña qhepakun. Sichus ñanta rishajtiykichej imapis pasanman chayqa, qankuna juchayoj kawajchej machu kayniypi llakiywan wañunaymanta, nispa.

Qheshwa Biblia DC

³⁸ Jacobtaj nerqa: Benjaminneyqa mana qankunawan renqachu. Wauqen José wañupun, kunanqa payllaña qhepakun. Sichus ñanta rishajtiykichej imanakunman chayqa, qankuna juchayoj kankichej kay machu achachi llakiywan wañunampaj.

DIOSPA QHELQACHISQAN DEUTEROCANONICAL

³⁸ Jacobtajrí nerqa: Benjaminneyqa manapuni qankunawan renqachu. Wawqen José wañupun, kunantaj payllaña qhepakun. Sichus ñanta rishajtiykichej imapis pasanman chayqa, qankuna juchayoj kawajchej machu kayniypi llakiywan wañunaymanta, nispa.

Génesis 42:38 ပူးပေါင်းရင်းမြစ်များ

Génesis 37:33

Jacobtaj wawanpa p'achanta rejsikapuspa, nerqa: Arí, wawaypata kayqa. Ima millay animalchari waway Josetaqa mithaspa, mikhuykun, nispa.

Génesis 37:34

Jinapi Jacob p'achanta llik'irakuspa, qhashqa p'achata churaykukorqa. Jinaspataj, unayta churinmanta llakikuspa, waqarqa.

Génesis 37:35

Tukuy churinkuna, ususinkuna ima payta sonqochayta munarqanku. Paytajrí mana munarqachu. Mayta waqaspataj, nerqa: Wawaymantaqa wañupunaykama waqasaj. Wañupuspallaña, paywan tinkukapusaj, nispa.

Génesis 42:13

Paykunataj kuticherqanku: Noqaykoqa chunka iskayniyoj kayku, uj tatayojlla, jamushaykutaj Canaanmanta. Sullk'a kaj wawqeykoqa tataykuwan qhepakun, ujnintaj chinkapun, nispa.

Génesis 42:37

Chantá Rubén tatanta nerqa: Benjaminmantaqa noqa cuentallikusaj, kawsashajta kutichimpusqayki. Manachus payta kutichimpusqayki chayqa, iskaynin wawaykunata wañuchiyta atinki, nispa.

Génesis 42:4

Jacobrí mana munarqachu Josejpa sullk'an Benjamín paykunawan rinanta, imaraykuchus nerqa: Ichá paytapis ima pasashanman, nispa.

Génesis 43:13

Benjamintapis pusallaychejtaj. Chantá usqhayta rispa, chay runawan tinkumuychej.

Génesis 44:20

Noqaykutaj willarqayku tatayku allin machituña kasqanta, jinallataj wawqeykupis waynallaraj kasqanta. Paytaqa tatayku machuyayninpi rejserqa. Chantá nillarqaykutaj tataykoqa sullk'aykuta maytapuni munakusqanta, imaraykuchus warmin Raquelpi rejsisqan wawankuna iskaylla karqanku. Kuraj kaj wañunña, sullk'a kajllaña kawsashan, nispa.

Génesis 44:22

Noqaykutaj qanta nerqayku waynaqa tataykuta mana saqerpayayta atisqanta. Sapantachus saqenman chayqa, tatayku wañupunman, nispa.

1 Reyes 2:6

Chayrayku qhawasqaykiman jina ruwanki, amataj allillanpi machuyaspa wañupojta saqenkichu.

Job 41:32

32 (24) Yaku patata purispaqa, phusoqota yuraj chujchapis kanman jina yurajllata saqen.

Salmos 71:18

Allin machituña yuraj umaña kashajtiypis, Diosníy, amapuni saqerpariwaychu, imajtinchus may jina atiyniyoj kasqaykimanta kunan kashajkunaman, jinataj qhepanejman kajkunaman willanayraj kashan.

Salmos 90:10

Qanchis chunka watallata kawsayku, aswan kallpayojkunataj pusaj chunkata. Chay jina unayta kawsasqaykoqa llakiyllata, ñak'ariyllata apamun. Sapa wata imata jina ripun, noqayku jinallataj.

Eclesiastés 1:14

Kay pachapi tukuy imaymana runaj ruwasqanta qhawaspa, qhasi manakajlla, wayra jap'iyta munay jinalla kasqanta repararqani.

Eclesiastés 2:26

Diosqa pichus payta kusichejman jatun yachayta, yuyayniyoj kayta, jinallataj kusikuytawan qon. Jinataj Diosqa saqellan juchasapa runa tukuy imata tantananta, qhapajyanantapis, pichus Diosta kusichejman qonanpaj. Chaypis qhasi manakajlla, wayra jap'iyta munay jinalla kasqanta repararqani.

Isaías 38:10

Noqaqa yuyarqani: Kallpaypi kashaspallaraj wañupusaj, unay kawsayta manaña rikusajchu, manachayqa ukhu pachaman yaykupusaj, nispa.

Isaías 46:4

Kunantaj machuyajtiykichejpipis, noqaqa kikillanpuni kasaj. Yuraj chujchallaña kashajtiykichejpis, wawata jina apaykachasqaykichej. Noqa ruwarqaykichej, noqallataj q'epiykachasqaykichej. Tukuy imapitaj yanapasqaykichej, qhespichisqaykichejtaj.