Génesis 42:21 - DIOSPA QHELQACHISQ

²¹ Chantá paykunapura ninakorqanku: Wawqenchejta mana allinta ruwasqanchejmanta noqanchej kay jinata ñak'arishanchej. Khuyayta mañakushawajtinchej, may jinata waqashajta rikushaspapis, mana uyarerqanchejchu. Chayraykumin kay jina llakiy qhatirishawanchej, nispa.

Qheshwa Biblia DC

²¹ Chanta paykuna ukhu ninakusharqanku: Cheqamanta noqanchejqa wauqenchejta mana allintachu ruwarqanchej, juchallikorqanchej. Mayta waqashajtin mana payta khuyakorqanchejchu, may jinata waqashajta rikushaspa. Chayrayku kunanqa noqanchejmanñataj kay llakiy chayamuwanchej.

DIOSPA QHELQACHISQAN DEUTEROCANONICAL

²¹ Chantá paykunapura ninakorqanku: Wawqenchejta mana allinta ruwasqanchejmanta noqanchej kay jinata ñak'arishanchej. Khuyayta mañakushawajtinchej, may jinata waqashajta rikushaspapis, mana uyarerqanchejchu. Chayraykumin kay jina llakiy qhatirishawanchej, nispa.

Génesis 42:21 ပူးပေါင်းရင်းမြစ်များ

Génesis 41:9

Chantá vinota jaywajkunaj kuraj kamachejninku faraonta nerqa: Kunan noqa mana allinta ruwasqayta yuyarikuni.

Génesis 44:16

Chantá Judá kuticherqa: Wiraqochíy, imatataj niykumanri? Mana suwachu kasqaykuta rikuchinaykupaj, imatataj ruwayta atiykumanri? Diosqa unay mana allinta ruwasqaykuta kutichipushawayku. Makiykipi kashayku. Pejpa costalninpichus vasoyki rikhurerqa, chaywan khuska wata runayki kasqayku, nispa.

Génesis 45:3

Chantá Joseqa wawqenkunata nerqa: Noqa José kani. Tatayqa kawsakushanrajchu? nispa. Wawqenkunatajrí mana imatapis kuticherqankuchu, imaraykuchus ñawpaqenpi ancha mancharisqa kasharqanku.

Génesis 50:15

Jacob tatanku wañupusqanmanta qhepata, Josejpa wawqenkuna ninakorqanku: Ichapis José noqanchejpaj phiñasqaraj kashaspa, payta tukuy mana allinta ruwasqanchejmanta kunan pagachikuwasunman, nispa.

2 Samuel 12:13

Chantá Davidqa Natanman kuticherqa: Tata Diospa contranpi juchallikuni, nispa. Natantaj kuticherqa: Tata Diosqa juchaykita pampachan. Chay jucharayku mana wañunkichu.

1 Reyes 17:18

Warmisapataj Eliasta nerqa: Diospa kamachin, imanaykitaj noqa qantari? Juchaymanta sut'inchajchu jamuwarqanki, chaymanta wawaypis wañunanpajri? nispa.

Proverbios 21:13

Sichus pipis wajcha runakunaj mañakusqankuta mana uyarin chayqa, paypa mañakusqanpis manallataj uyarisqachu kanqa.

Proverbios 28:17

Runa masinta wañuchejqa jallp'aj sonqonman yaykunankama ayqeykachanqa. Ama pipis payta jark'akuchunchu chinkachisqa kananmanta.

Jeremías 2:17

Chay tukuy ima qanta qhatirisorqa, noqa Tata Diosniykita saqerparisqaykirayku, qanta cheqan ñanta pusashasojtiy.

Jeremías 2:19

Kikin juchallaykitaj pataykiman urmamonqa, chay wasanchaj kasqallaykitaj juchachasonqa. Allinta qhawarikuy noqata saqerpariwasqayki imayna millaychus, imayna llakiytajchus kasqanta. Jinallataj noqa Tata Diosta mana kasuwasqaykita allinta repararikuy. Ajinata noqa Tukuy Atiyniyoj Tata Dios nini.

Jeremías 34:17

Chayrayku noqa Tata Dios nini: Qankunaqa llajta masiykichej wata runata mana kacharipuspaqa, mana kasuwarqankichejchu. Chayraykumari kunan noqapis maqanakuta, onqoyta, yarqhayta ima qankunaman kachaykamusqaykichej, tukuy kay pachapi kaj suyukuna t'ukunankupaj jina, nispa.

Jeremías 4:18

Millayta purisqaykirayku, ruwasqaykiraykutaj, kay jina llakiyta ñak'arinayki qhatirisunki. Juchallisqaykiraykutaj kay jatun llakiykuna jamun, chaytaj sonqoykita mayta nanachisunki, nispa.

Oseas 5:15

Chantá jinata ruwaytawankama, maypichus kanayman kutipusaj, paykuna juchayoj kasqankuta rejsikapuspa, noqata mask'anawankukama. Ñak'ariypi rikhurispa, noqata mask'awanqankupuni, nispa.

Números 32:23

Sichus nisqaykichejman jina mana ruwankichejchu chayrí, kayta allinta yachaychej: Tata Diospa contranta juchallinkichej, juchallisqaykichejraykutaj paypa jasut'iynin pataykichejpi kanqa.

San Mateo 7:2

Imaynatachus wajkunata juchachankichej, ajinallatataj Diospis qankunata juchachasonqachej. Imayna sonqowanchus wajkunata qhawankichej, chay jinallatataj Dios qankunata qhawasonqachej.

Marcos 9:48

Chaypeqa khurukunapis mana wañunkuchu, nitaj jayk'ajpis chay nina wañunchu.

San Lucas 16:28

Jaqaypi phishqa wawqeykunaman kay tukuymanta willarimpuwachun, ama paykuna kayman ñak'arej jamunankupaj, nispa.

Hechos 19:18

Chaypachallataj Jesuspi ashkha atinikojkunapis jamuspa, tukuypa uyarinanta willakorqanku ñawpajta millay ruwasqankumanta.

Santiago 2:13

Pichus wajkunata mana khuyarikojqa juicio p'unchaypi Dios paymanta mana khuyarikullanqatajchu. Pichus khuyakuyta yachajtajrí, Dios juicio p'unchaypi paymanta khuyarikullanqataj.

1 Juan 1:9

Juchanchejtachus Diosman rimarinchej chayrí, payqa nisqanta junt'aj, cheqantaj kasqanrayku juchanchejta pampachanqa. Jinallataj payqa tukuy millay ruwasqanchejmantapis llimphuchawasunchej.

Jueces 1:7

Chaypacha Adonibesecqa nerqa: Ñawpajtaqa noqa qanchis chunka kuraj kamachejkunaj makinkoj machu ruk'anankuta, jinallataj chaki machu ruk'anankutapis mut'uracherqani. Chantá chay runakunataj mikhuna t'akakusqanmanta mesay urapi mikhunankupaj pallaj kanku. Kunanrí imaynatachus noqa ruwarqani, kikillantataj Tata Dios ruwawan, nispa. Chantá Jerusalenman payta aparqanku, chaypitaj wañuporqa.