Génesis 42:13 - DIOSPA QHELQACHISQ

¹³ Paykunataj kuticherqanku: Noqaykoqa chunka iskayniyoj kayku, uj tatayojlla, jamushaykutaj Canaanmanta. Sullk'a kaj wawqeykoqa tataykuwan qhepakun, ujnintaj chinkapun, nispa.

Qheshwa Biblia DC

¹³ Paykunataj kuticherqanku: Kamachisniykeqa kayku chunka iskayniyoj wauqes, uj tatayojlla, jamushaykutaj Canaanmanta. Sullk'a kaj wauqeyku tataykuwan qhepakun, ujnin kajtaj chinkapun, mana rikhurinchu.

DIOSPA QHELQACHISQAN DEUTEROCANONICAL

¹³ Paykunataj kuticherqanku: Noqaykoqa chunka iskayniyoj kayku, uj tatayojlla, jamushaykutaj Canaanmanta. Sullk'a kaj wawqeykoqa tataykuwan qhepakun, ujnintaj chinkapun, nispa.

Génesis 42:13 ပူးပေါင်းရင်းမြစ်များ

Génesis 37:30

Chantá maypichus wawqenkuna kasharqanku, chayman kutispa, paykunata nerqa: Joseqa mana pujyupi kanchu. Kunan imanasajtajri? nispa.

Génesis 42:11

Tukuyniyku uj runaj wawallan kayku. Noqayku mana millayta ruwaspa puriyta yachaykuchu, nitaj wateqaspa puriykuchu, nispa.

Génesis 42:12

Josetaj nerqa: Chayqa mana jinachu, qankunaqa kay suyupi mana allin qhawasqa cheqakunata qhawaj jamunkichej, nispa.

Génesis 42:14

Chaywanpis José nillarqapuni: Niykichejña. Qankunaqa wateqaj jamunkichej.

Génesis 42:32

Willallarqaykutaj uj runaj wawallan chunka iskayniyoj wawqekuna kasqaykuta. Chantá willallarqaykutaj uj wawqeyku manaña noqaykuwanchu kasqanta, sullk'aykutaj qanwan Canaanpi qhepakusqanta.

Génesis 42:36

Chaymanta Jacob paykunata nerqa: Qankunaqa mana wawayojta saqeshawankichej. José manaña noqanchejwanchu, Simeonpis manallataj kaypichu. Kunanqa Benjamintañatajchu pusankichej? Kay tukuy imaqa llakiywan wañunaypaj jina, nispa.

Génesis 42:38

Jacobtajrí nerqa: Benjaminneyqa manapuni qankunawan renqachu. Wawqen José wañupun, kunantaj payllaña qhepakun. Sichus ñanta rishajtiykichej imapis pasanman chayqa, qankuna juchayoj kawajchej machu kayniypi llakiywan wañunaymanta, nispa.

Génesis 43:29

Chantá José muyuyninta qhawarispa, Benjaminta rikorqa, piwanchus uj mamayoj, uj tatayojlla karqanku, chayta. Chantá nerqa: Kaychu sullk'aykichejqa, pimantachus willawarqankichej, chay? Wawáy, Tata Dios yanapasuchun, nispa.

Génesis 43:7

Paykunataj kuticherqanku: Chay runa noqaykumanta chantá ayllunchejmanta anchata tapuwarqayku: Tataykichej kawsashanrajchu? Wawqeykichej ujwanpis kanrajchu? nispa. Noqaykurí tapuwasqaykuman jina kuticherqayku ari. Imaynatataj yachaykuman karqa ninawaykuta: Sullk'aykichejta pusamuychej, nispari?

Génesis 44:20

Noqaykutaj willarqayku tatayku allin machituña kasqanta, jinallataj wawqeykupis waynallaraj kasqanta. Paytaqa tatayku machuyayninpi rejserqa. Chantá nillarqaykutaj tataykoqa sullk'aykuta maytapuni munakusqanta, imaraykuchus warmin Raquelpi rejsisqan wawankuna iskaylla karqanku. Kuraj kaj wañunña, sullk'a kajllaña kawsashan, nispa.

Génesis 44:28

Ujnenqa ripuspa chinkan, chaymantapachataj manaña payta rikunichu. Yuyani uj millay animal mithaspa, wañuchisqanta.

Génesis 45:26

Chantá Jacobman willarqanku: Joseqa kawsashasqaraj, paytaj Egiptopi kamachej kasqa, nispa. Jacobtajrí mancharispa, ch'inlla karqa, imaraykuchus llullakushasqankuta yuyarqa.

Jeremías 31:15

Tata Dios nillantaj: Ramá llajtapi qhaparisqanku uyarikun, sonqo nanayta jik'un jik'un waqasqanku uyarikun. Raquel wawankunamanta waqashan, manataj sonqochasqa kayta munanchu, imaraykuchus wawankunaqa wañusqaña kanku, nispa.

Lamentaciones 5:7

Tatayku mamayku juchallikorqanku, wañuraporqankutaj. Juchallisqankurayku jasut'itajrí noqaykuman chayamuwayku.

San Mateo 2:16

Herodesqa yachaysapa runakuna payta ch'awkiyasqankuta yachaspa, maytapuni phiñakorqa. Chantá, ch'aska rikhurimusqanmanta yachajkuna willasqankuman jina, Herodesqa soldadonkunata kamacherqa Belén llajtapi, muyuyninpi ima tukuy qhari wawakunata wañurachinankuta iskay watayojmanta uraman.

San Mateo 2:18

Ramá llajtapi uj qhapariy uyarikun, jatun waqay, jik'uytaj. Raquelqa wawankunamanta waqashan, manataj sonqochasqa kayta munanchu, imaraykuchus wawankunaqa wañuchisqaña, nispa.