Génesis 41:8 - DIOSPA QHELQACHISQ

⁸ Q'ayantin paqarin faraón manchay phutisqa kasharqa. Chayrayku Egiptomanta tukuy watojkunata chantá tukuy yachayniyojkunata ima wajyacherqa. Chaywanpis faraón mosqokusqanta willajtin, ni pipis sut'inchayta aterqankuchu.

Qheshwa Biblia DC

⁸ Q'ayantin paqarenqa may llakisqa karqa; chayrayku wajyacherqa tukuy adivinosta, yachayniyojkunatawan tukuy Egiptomanta. Faraón chay mosqokusqanta willajtintaj ni mayqenninku sut'inchayta aterqankuchu imastachus niyta munasqanta chay mosqokusqan.

DIOSPA QHELQACHISQAN DEUTEROCANONICAL

⁸ Q'ayantin paqarin faraón manchay phutisqa kasharqa. Chayrayku Egiptomanta tukuy watojkunata chantá tukuy yachayniyojkunata ima wajyacherqa. Chaywanpis faraón mosqokusqanta willajtin, ni pipis sut'inchayta aterqankuchu.

Génesis 41:8 ပူးပေါင်းရင်းမြစ်များ

Génesis 40:6

Chantá José presokunata tutamanta watukuspa, rikorqa llakisqa kashasqankuta.

Génesis 40:8

Paykunataj kuticherqanku: Sapa ujniyku mosqokuyku, manataj pipis kanchu mosqokusqayku imatachus niyta munasqanta sut'inchanawaykupaj, nispa. Jinapi José nerqa: Dioslla mosqokusqaykichejta sut'inchayta atin. Imatachus mosqokusqaykichejta willariwaychej ari, nispa.

Génesis 41:15

Faraontaj Joseta nerqa: Noqa mosqokorqani, nitaj pipis sut'inchayta atiwanchu. Chaywanpis uyarini pipis mosqokusqankuta willasojtinku, qanpis sut'inchasqaykita, nispa.

Génesis 41:24

Chantá qanchis ch'usu trigo umaqa sumachaj trigo umata mikhuykusqanku. Mosqokuspa imatachus rikusqayta yachajkunaman willarqani, nitaj pipis imatachus niyta munasqanta sut'inchayta atiwankuchu, nispa.

Génesis 41:7

Chay ch'usu trigo umakunataj qanchis sumachaj trigo umakunata mikhuykusqanku. Chantá faraón rijch'arispa, mosqokusqallanta reparakorqa.

Salmos 25:14

Tata Dios kawsakun, pikunachus payta may jatun respetowan qhawanku, chaykunawan, tratontapis paykunaman rejsichenqa.

Éxodo 7:11

Chaywanpis faraonqa yachayniyojkunata, yatirikunatawan ima wajyacherqa. Egiptomanta yatirikunataj yachasqankuwan kikillantataj ruwarqanku.

Éxodo 7:22

Egiptomanta yatirikunarí yachasqankuwan kikillantataj ruwarqanku. Chayta rikuspataj, faraonqa sonqonta astawan rumiyacherqa, manataj Moisesta, Aaronta ima kasorqachu, Tata Diospa nisqanman jina.

Éxodo 8:7

7 (3) Chaywanpis yatirikunapis yachasqankuwan kikillantataj ruwaspa, Egipto suyuman k'aylankulakunata astawan rikhuricherqanku.

Éxodo 9:11

Layqakunapis Moisespa ñawpaqenman mana riyta aterqankuchu, imaraykuchus paykunapis, jinallataj tukuy Egipto llajtayojkunapis llejtiwan onqosqa karqanku.

Isaías 19:3

Egiptomanta runakunaj yuyayninkuta q'ewisaj. Imatachus ruwanankuta wakichikusqankutapis manakajman tukuchisaj. Chantá paykuna tapukonqanku lantinkukunata, layqakunata, aysirikunata ima.

Isaías 29:14

Chayrayku noqaqa jatuchaj t'ukuna imakunata ruwaspa, kay runakunata t'ukushajta saqesaj. Yachayniyoj runankoj yachayninkoqa chinkaponqa, jinallataj yuyaysapaj yuyayninpis manaña kanqachu, nispa.

Isaías 8:19

Sichus runakuna nisonqachej: Tapuriychej aysirikunata, chhichinakuspa parlaj layqakunata ima, nispa chayqa, niychej: Manachu runaqa Diosnillanta tapurikunmanri? Wañusqakunatachu kawsajkunamanta tapurikunkumanri? nispa.

Daniel (hebreo) 1:20

Kuraj kamachej tukuy imaymana yachaymanta paykunata tapojtin, chay tawantin waynakuna astawan yachayniyoj karqanku kuraj kamachejpa chay waj yachaysapa runankunamanta, chantá yatirinkunamanta nisqaqa.

Daniel (hebreo) 4:18

18 (15) Ajinata noqa kuraj kamachej Nabucodonosor mosqokusqaypi rikorqani. Kunantaj, Beltsasar, niway mosqokusqay imatachus niyta munasqanta, imaraykuchus tukuy suyuypi kaj yachayniyojkunamanta ni ujpis sut'inchawayta aterqachu. Qanrí atiwaj sut'inchawayta, imaraykuchus Tata Diospa Espíritun qanpi kashan, nispa.

Daniel (hebreo) 4:19

19 (16) Chantá Beltsasar sutiwan sutichasqa Daniel t'ukushaj qhepakorqa, tukuy imaymana yuyaykuna umanman jamojtintaj, mayta mancharikorqa. Noqa Nabucodonosortajrí, payta nerqani: Beltsasar, mosqokusqay imatachus niyta munasqanmanta ama manchariychu, nispa. Chantá Beltsasar kutichispa, niwarqa: Ay wiraqochíy, mosqokusqayki imatachus niyta munasqanqa qanta chejnisojkunapaj kachun.

Daniel (hebreo) 4:5

5 (2) Chaywanpis uj ch'isi puñushajtiy, mosqokusqay mancharichiwarqa, jinallataj imaymana yuyaykuna, rikuykunataj musphachiwarqa.

Daniel (hebreo) 4:6

6 (3) Chantá kamacherqani Babiloniapi kaj tukuynin yachayniyoj runakuna jamuspa, sut'inchanawankuta mosqokusqay imatachus niyta munasqanta.

Daniel (hebreo) 4:7

7 (4) Jinapi tukuy Babilonia suyumanta tukuy yatirikuna, yachayniyoj kajkuna, jinallataj ch'askakunata qhawaspa watojkunapis jamorqanku, noqataj mosqokusqayta paykunaman willarqani. Chaywanpis paykuna mosqokusqay imatachus niyta munasqanta mana sut'inchayta aterqankuchu.

Daniel (hebreo) 5:11

Suyuykipi uj runa tiyan, paypitaj may llimphu dioskunaj espiritunku paypi tiyakun. Tatayki kamachishajtin, chay runa manchay uyarisqa karqa dioskuna jina sumaj yuyayniyoj, yachayniyoj ima kasqanrayku. Chayrayku tatayki Nabucodonosor chay runata churarqa tukuy suyupi tukuy yachaysapakunata, yatirikunata, sumaj yachajkunata, ch'askakunata qhawaspa watojkunata ima kamachinanpaj.

Daniel (hebreo) 7:28

Kaypi willawasqan tukukun. Noqa Danielrí chay imakunapi yuyarispa, may phutisqa kasharqani, uyaypis waj jinaman tukorqa. Chaywanpis imatachus tukuy rikusqayta sonqollaypi jallch'arqani.

Daniel (hebreo) 8:27

Chay qhepata noqa Daniel mana kallpayoj rikhurerqani, chantá unaysituta onqosqa karqani. Chaymanta jatarikuspa, imatachus Babiloniaj kuraj kamachejpaj ruwanay karqa, chayta ruwallarqanipuni. Chaywanpis imatachus rikusqaymanta anchata t'ukusharqani, nitaj imatachus niyta munasqanta sut'inchayta aterqanichu.

Levítico 19:31

Ama aysirikunata, nitaj layqakunatapis tapukunkichejchu. Sichus tapukoj rinkichej chayqa, ch'ichichakunkichej. Noqa Tata Diosmin Diosniykichej kani.

Levítico 20:6

Sichus pipis aysirikunata, chayrí layqakunata tapukoj rinman, paykunaj nisqankutataj ruwaspa ch'ichichakunman chayqa, noqa paypa contranta sayaykuspa, llajtanmanta chinkachisaj.

Habacuc 3:16

Kay tukuy imata uyarispa, manchachikorqani. Simiypis kharkatiterqa. Chakiy mana sayayta aterqachu, tukuy ukhuypis llawch'iyaporqa. Chaywanpis pacienciawan suyasaj, maypachachus Dios ñak'arichiwajninchej soldadokunata ñak'arichillanqataj, chay p'unchayta.

San Mateo 2:1

Jesusqa Belén llajtapi paqarerqa, chaytaj Judea jap'iypi karqa, kuraj kamachej Herodes kamachisharqa, chaypacha. Jinapi inti llojsimuynejmanta yachaysapa runakuna Jerusalenman chayamorqanku.

Hechos 17:18

Chantá Epicuro sutiyoj runata qhatejkuna, estóicos nisqa yachaysapa runakunawan ima Pablowan tapunaykukorqanku. Ujkunataj nerqanku: Imatataj niyta munan kay ch'ajwakuri? nispa. Wakintaj nerqanku: Kayqa waj mosoj dioskunamantasina parlashan, nispa. Chayta nerqanku, imaraykuchus Pabloqa willasharqa Jesuspa sumaj willayninmanta, wañusqamanta kawsarimuymantawan.

Hechos 7:22

Ajinamanta Moisesqa Egipto llajtayojkunaj yachasqankupi yachachisqa karqa. Chayraykutaj Moisesqa may yachaywan parlasqanpi, ruwasqanpi ima respetasqa karqa.

1 Corintios 1:19

Diospa Qhelqachisqanpi nin: Noqaqa yachayniyojkunaj yachayninkuta chinkachisaj, qhesachasajtaj yuyayniyojkunaj yuyayninkuta, nispa.

1 Samuel 6:2

Chantá filisteokunaqa sacerdotenkukunata, chantá yatirinkukunatawan tapunankupaj wajyacherqanku: Imatataj ruwasunman Tata Diospa arcanwanri? Niwayku imaynatachus llajtanman kutichipunata, nispa.