Génesis 41:57 - DIOSPA QHELQACHISQ

⁵⁷ Tukuy waj suyukunamantapis Egiptoman Josemanta trigota rantikoj jamullarqankutaj, imaraykuchus ni mayqen suyupi mikhuna karqañachu.

Qheshwa Biblia DC

⁵⁷ Tukuynin llajtasmanta Egiptoman jamoj kanku Josemanta trigota rantikoj, imaraykuchus manañapuni ni may llajtaspi imapis karqachu mikhunankupaj.

DIOSPA QHELQACHISQAN DEUTEROCANONICAL

⁵⁷ Tukuy waj suyukunamantapis Egiptoman Josemanta trigota rantikoj jamullarqankutaj, imaraykuchus ni mayqen suyupi mikhuna karqañachu.

Génesis 41:57 ပူးပေါင်းရင်းမြစ်များ

Génesis 12:10

Chaypacha Canaanpi yarqhay wata karqa. Chayrayku Abramqa Egiptoman tiyakoj yaykorqa, imaraykuchus tiyakusharqanku chaynejpi manapuni imapis mikhunankupaj karqachu.

Génesis 41:54

Josejpa nisqanman jinataj, qanchis yarqhay wata qallarerqa. Tukuy waj suyukunapipis yarqhay kallarqataj. Chaywanpis Egiptollapi mana yarqhay karqachu, imajtinchus mikhuna kallarqa.

Génesis 41:56

Tukuy suyupi manaña mikhuna kajtin, Joseqa trigo pirwakunata kicharerqa, Egipto llajtayojkunaman trigota vendenanpaj, imaraykuchus mikhunamanta pisichikuy astawan astawan kasharqa.

Génesis 42:1

Canaanpi tiyakushaspa, Jacob yacharqa Egiptopi trigo rantinapaj kasqanta. Chantá churinkunata nerqa: Imata kaypi ruwashankichej uyaykichejta qhawanakuspallari?

Génesis 42:5

Jinapi Israelpa churinkuna Egiptoman waj rejkunawan khuska rerqanku, imaraykuchus tukuynin Canaán jap'iypipis manallataj mikhuna karqachu.

Génesis 42:6

Chaypacha José Egiptopi kamachishaspa, tukuynejmanta jamojkunaman trigota venderqa. Wawqenkunataj chayaytawan, Josejpa ñawpaqenpi pampakama k'umuykorqanku.

Génesis 43:1

Chaywanpis Canaanpi yarqhayqa mana awantay atina jinaña karqa.

Génesis 47:14

Jinapi Egipto llajtayojkuna, jinataj Canaán llajtayojkuna mikhuyta rantispa, qolqe pagasqankuta José tantarqa. Chantá faraonpa kamachinan wasipi waqaycharqa.

Génesis 50:20

Qankuna mana allinta ruwawayta munarqankichej, Diostajrí mana allin kajta allinman tukucherqa, kunan imatachus rikushasqaykichejta ruwananpaj, ashkha runata kawsachinanpaj ima.

Deuteronomio 9:28

Jina kanman chayqa, may llajtamantachus orqhomuwarqayku, chay llajtayojkuna nenqanku: Tata Diosqa, mayqen jallp'atachus qonan karqa, chayman pusaykuyta mana atisqachu. Chejnikuspa, ch'innejpi wañuchinanpaj paykunata kaymanta orqhorqa, nispa.