Génesis 41:56 - DIOSPA QHELQACHISQ

⁵⁶ Tukuy suyupi manaña mikhuna kajtin, Joseqa trigo pirwakunata kicharerqa, Egipto llajtayojkunaman trigota vendenanpaj, imaraykuchus mikhunamanta pisichikuy astawan astawan kasharqa.

Qheshwa Biblia DC

⁵⁶ Yarqhay tukuynej llajtaspi kajtintaj Joseqa, kicharerqa maykunapichus trigos jallch'asqas karqanku chaykunata egipciosman vendenampaj; imaraykuchus yarqhayqa astawan astawan yapakusharqa tukuynejpi.

DIOSPA QHELQACHISQAN DEUTEROCANONICAL

⁵⁶ Tukuy suyupi manaña mikhuna kajtin, Joseqa trigo pirwakunata kicharerqa, Egipto llajtayojkunaman trigota vendenanpaj, imaraykuchus mikhunamanta pisichikuy astawan astawan kasharqa.

Génesis 41:56 ပူးပေါင်းရင်းမြစ်များ

Génesis 12:10

Chaypacha Canaanpi yarqhay wata karqa. Chayrayku Abramqa Egiptoman tiyakoj yaykorqa, imaraykuchus tiyakusharqanku chaynejpi manapuni imapis mikhunankupaj karqachu.

Génesis 41:30

Chantá chay qhepata qanchis watatataj mana mikhuna kanqachu. Chaypacha ñawpajta ashkha mikhuna kasqanta ni pipis yuyarikonqachu. Ajinata yarqhayqa tukuy Egipto suyupi tiyakojkunata ñak'arichenqa.

Génesis 41:35

Jamoj sumaj watakunapi trigota tantachunku. Chantá qanpa rikunaykita llajtakunapi pirwachunku, yarqhay watapi tukuy runapaj mikhuna kananpaj.

Génesis 41:55

Egiptopi mikhuymanta pisiyta qallarerqanku chaypacha, llajtayojkuna mikhunata mañakoj faraonman rerqanku. Faraontaj nerqa: Rispa, Josemanta mañakamuychej, ruwaychejtaj paypa nisqanta, nispa.

Génesis 41:57

Tukuy waj suyukunamantapis Egiptoman Josemanta trigota rantikoj jamullarqankutaj, imaraykuchus ni mayqen suyupi mikhuna karqañachu.

Génesis 42:6

Chaypacha José Egiptopi kamachishaspa, tukuynejmanta jamojkunaman trigota venderqa. Wawqenkunataj chayaytawan, Josejpa ñawpaqenpi pampakama k'umuykorqanku.

Génesis 43:1

Chaywanpis Canaanpi yarqhayqa mana awantay atina jinaña karqa.

Isaías 23:17

Chaywanpis qanchis chunka wata junt'akojtin, Tata Dios Tiro llajtamanta yuyarikonqa. Chay llajtarí watej millay kawsayman kutirenqa, kay pachapi kaj tukuy suyukunawantaj khuchichakonqa.

Zacarías 5:3

Chantá ángel niwarqa: Chaypi, tukuy Israel suyupaj maldición kanamanta qhelqasqa kashan. Puraj ladonpi qhelqasqa kashan. Ujnin ladonpi nin pichus suwajqa chinkachisqa kananta, ujnin ladonpitaj nin qhasimanta tilojqa jasut'inamanta mana llusp'inanta.

San Lucas 21:35

Chay p'unchayqa tukuy kay pachapi kawsajkunata tojlla jina mana yuyasqallamanta jap'enqa.

Hechos 17:26

Payqa uj runallamanta tukuy suyuta rikhuricherqa, kay pachaman junt'ananchejpaj. Diosllataj churarqa mayk'ajkamachus, chantá may cheqapichus tiyanankuta.