Génesis 41:25 - DIOSPA QHELQACHISQ

²⁵ Chantá José faraonta nerqa: Iskaynin mosqokusqaykeqa ujlla kanku. Ajinamanta Diosmin imatachus ruwayta yuyashasqanta yachayta qoshasunki.

Qheshwa Biblia DC

²⁵ Josetaj nerqa Faraonman: Iskaynin mosqokusqasniyki ujlla kanku. Dios willasunki Pay imatachus ruwanan kasqanta.

DIOSPA QHELQACHISQAN DEUTEROCANONICAL

²⁵ Chantá José faraonta nerqa: Iskaynin mosqokusqaykeqa ujlla kanku. Ajinamanta Diosmin imatachus ruwayta yuyashasqanta yachayta qoshasunki.

Génesis 41:25 ပူးပေါင်းရင်းမြစ်များ

Génesis 40:8

Paykunataj kuticherqanku: Sapa ujniyku mosqokuyku, manataj pipis kanchu mosqokusqayku imatachus niyta munasqanta sut'inchanawaykupaj, nispa. Jinapi José nerqa: Dioslla mosqokusqaykichejta sut'inchayta atin. Imatachus mosqokusqaykichejta willariwaychej ari, nispa.

Génesis 41:16

Josetaj faraonta nerqa: Chayqa mana noqamantachu, Dioslla atin allinniykipaj sut'inchasuyta, nispa.

Génesis 41:26

Qanchis wira wakakunaqa qanchis watawan ninakun, kikillantataj niyta munan qanchis sumaj trigo umakunapis. Chay iskaynin mosqoykuna ujllata niyta munan.

Génesis 41:28

Imachus kajllata qanman willashayki: Dios imatachus ruwananta qanman yachachishasunki.

Génesis 41:32

Qan iskay kutita kikillantapuni mosqokusqaykeqa niyta munan Dios imatachus nisqanta ruwanantapuni. Arí, imatachus nisqanta usqhayllata ruwanqa.

Salmos 98:2

Tata Diosqa atipasqanmanta willarqa, justiciata ruwaj kasqantataj tukuy runaman rikucherqa.

Éxodo 9:14

Manachus kacharinki chayqa, kunan sinch'i ñak'ariyta tukuy Egiptoman kachaykamusaj qanpa contraykita, yanapajniykikunaj, chantá runaykikunaj contrankuta ima. Ajinamanta yachanki tukuy kay pachapi noqa jina mana waj dios kasqanta.

Isaías 43:9

Uj cheqallaman suyukuna, runakunapis tantakuchunku. Mayqen lantinkutaj chay kananta sut'incharqari? Jinallataj mayqenkunataj ñawpajta imachus kasqantapis willallarqatajri? Chayta rikojkunata testigota jina pusakamuchunku, runakuna chayta uyarispa, ninankupaj chayqa ajinapuni kasqanta, nispa.

Daniel (hebreo) 2:45

Chantá qan kamachejníy, mana pejpa tanqarimusqallan rumita orqomanta choqakamojta rikorqanki, mayqenchus fierrota, bronceta, t'uruta, qolqe metalta, qoritapis ñut'u jallp'aman tukuchisqa, chay, icharí? Chaymin tukuyta atipaj chay suyu karqa. Ajinamanta Tukuy Atiyniyoj Tata Diosqa qhepanejman imachus kananmanta qanman rikuchisunki. Mosqokusqaykeqa cheqamin, sut'inchayninpis cheqallataj, nispa.

Daniel (hebreo) 2:47

Chantá Danielta nerqa: Cheqapuni Diosniykichejqa tukuy dioskunaj Tukuyta Kamachej Diosnin, tukuy kamachejkunaj kuraj kamachejninkutaj, tukuy pakaypi kajta sut'inchaj ima, imaraykuchus qan pakasqa kajta sut'inchayta aterqanki, nispa.

Amós 3:7

Tata Dios manamin imatapis ruwanchu, manaraj ñawpajta paymanta sut'inchajkunaman willaspaqa.

San Mateo 24:40

Chaypachaqa iskay runakuna chajrapi kashanqanku. Ujnin oqharisqa kanqa, ujnintaj saqerparisqa.

Marcos 13:23

Qankunarí allinta qhawakuychej, imaraykuchus kay tukuyta ñawpajtaña willashaykichej, nispa. Ajinata Jesús yachachisqankunata nerqa.

Efesios 1:17

Mañapuykichej Tukuyta Kamachejninchej Jesucristoj Diosnin, atiyniyoj Tataqa Santo Espiritunejta yachayta, yuyayta ima qosunaykichejta, ajinamanta Dios imaynachus kasqanta maychus kajta yachanaykichejpaj.

Josué 11:6

Tata Diostaj Josueta nerqa: Ama paykunata manchachikuychu. Noqaqa q'aya kunanta jina tukuyninkuta wañusqata qankunaman jaywaykusqaykichej. Qantaj caballonkunaj chaki ankunkuta khuchuspa p'itiranki, carretankutataj ninawan kanaykunki, nispa.

Apocalipsis 4:1

Chaykuna qhepanta, noqa janaj pachapi uj punku kichasqata rikorqani. Chantá qallariypi trompeta jina jatunmanta parlamojta uyarerqani, paytaj niwarqa: Kayman qayllamuy, noqataj qhepanejman imakunachus kanan kashan, chaykunata rikuchisqayki, nispa.