Génesis 41:16 - DIOSPA QHELQACHISQ

¹⁶ Josetaj faraonta nerqa: Chayqa mana noqamantachu, Dioslla atin allinniykipaj sut'inchasuyta, nispa.

Qheshwa Biblia DC

¹⁶ Josetaj nerqa: Chayqa mana noqamantachu, Dios atin sut'inchapusuyta allinniykipaj.

DIOSPA QHELQACHISQAN DEUTEROCANONICAL

¹⁶ Josetaj faraonta nerqa: Chayqa mana noqamantachu, Dioslla atin allinniykipaj sut'inchasuyta, nispa.

Génesis 41:16 ပူးပေါင်းရင်းမြစ်များ

Génesis 37:14

Israeltaj nerqa: Rispa, wawqeykikuna, jinataj ovejakuna imaynachus kashasqankuta qhawamuy. Chantá kutimuspa, willawanki, nispa. Ajinata Israelqa churin Joseta Hebrón vallemantapacha kacharqa. Chantá José Sichemman rerqa.

Génesis 40:8

Paykunataj kuticherqanku: Sapa ujniyku mosqokuyku, manataj pipis kanchu mosqokusqayku imatachus niyta munasqanta sut'inchanawaykupaj, nispa. Jinapi José nerqa: Dioslla mosqokusqaykichejta sut'inchayta atin. Imatachus mosqokusqaykichejta willariwaychej ari, nispa.

Génesis 41:17

Chantá Joseman faraón nerqa: Mosqoyniypi Nilo mayu patapi sayashasqani.

Génesis 41:25

Chantá José faraonta nerqa: Iskaynin mosqokusqaykeqa ujlla kanku. Ajinamanta Diosmin imatachus ruwayta yuyashasqanta yachayta qoshasunki.

Génesis 41:28

Imachus kajllata qanman willashayki: Dios imatachus ruwananta qanman yachachishasunki.

2 Reyes 6:27

Paytaj kuticherqa: Sichus Tata Dios mana yanapasunkichu chayqa, imaynatataj noqa yanapaykimanri? Ni trigo, nitaj vinopis qosunaypaj tiyapuwanchu, nispa.

Daniel (hebreo) 2:47

Chantá Danielta nerqa: Cheqapuni Diosniykichejqa tukuy dioskunaj Tukuyta Kamachej Diosnin, tukuy kamachejkunaj kuraj kamachejninkutaj, tukuy pakaypi kajta sut'inchaj ima, imaraykuchus qan pakasqa kajta sut'inchayta aterqanki, nispa.

Daniel (hebreo) 4:2

2 (3.32) Munani qankuna yachanaykichejta kay chhika t'ukuna imakunata Patapi Kaj Dios noqawan ruwasqanta.

Zacarías 4:6

Chantá chay ángel willawarqa: Kayqa Tata Diosmanta uj willay Zorobabelpaj: Atipanaykipaj noqa mana soldadokunawanchu, nitaj runaj kallpawanchu yanapasqayki. Manachayqa Espirituywanmin atipachisqayki, nispa nin Tukuy Atiyniyoj Tata Dios.

Números 12:6

Tata Dios nerqa: Kay nisqayta allinta uyariwaychej: Qankuna ukhupi noqamanta sut'inchaj kajtenqa, noqa payman mosqoypi jina rikhurisaj, mosqoynejta ima parlasaj.

San Lucas 19:42

Paytaj nerqa: Mayta munayman kay p'unchayllapis reparanaykita qanpaj allinpi kawsakuy imachus kasqanta. Chaywanpis chayqa ñawiykimanta pakasqa kashan, manataj reparayta atinkichu.

Hechos 3:12

Chantá Pedro chayta rikuspa, paykunata nerqa: Israelitakuna, imaraykutaj kay jinata t'ukushankichejri? Imaraykutaj kay jinatapuni qhawawaykuri? Ichapis qankuna yuyashankichej noqayku atiyniykuwan, chayrí k'acha runa kasqaykurayku kay suchu runata puririchisqaykuta. Mana jinachu.

Hechos 3:7

Chantá Pedroqa suchu runata paña makinmanta jap'ispa sayaricherqa. Chay kikinpachataj runaj chakinwan, moqonkunawan ima thuruyarqanku.

1 Corintios 15:10

Chaywanpis, Diospa qhasilla k'acha yanapayninrayku Jesuspa kachan kani. Chay k'acha yanapaynintaj noqapaj mana qhasipajchu karqa, imajtinchus tukuy kuraj kachakunamanta nisqaqa noqa astawan Diospaj llank'arqani. Chaywanpis mana kallpallaywanchu llank'arqani, aswanpis Dios noqanejta k'acha yanapayninwan yanapawasqanrayku llank'arqa.

2 Corintios 3:5

Manataj niykumanchu noqallaykumanta imatapis ruwayta atinallaykuta, manachayqa niyku imatapis ruwanaykupaj chay ateyqa Diosmanta jamusqanta.

Deuteronomio 29:29

Pakasqa imakunaqa Tata Diosninchejpata kashan. Diosninchej sut'inchawasqanchejrí noqanchejpata, wawanchejkunajtawan ima wiñaypaj kanku, tukuy chay kamachisqakunata junt'ananchejpaj.