Génesis 41:15 - DIOSPA QHELQACHISQ

¹⁵ Faraontaj Joseta nerqa: Noqa mosqokorqani, nitaj pipis sut'inchayta atiwanchu. Chaywanpis uyarini pipis mosqokusqankuta willasojtinku, qanpis sut'inchasqaykita, nispa.

Qheshwa Biblia DC

¹⁵ Paytaj nerqa Joseman: Noqa mosqokuni, nitaj pipis kanchu sut'inchapuwaj; uyarinitaj qan mosqoykunata uyarispa sut'inchasqaykita.

DIOSPA QHELQACHISQAN DEUTEROCANONICAL

¹⁵ Faraontaj Joseta nerqa: Noqa mosqokorqani, nitaj pipis sut'inchayta atiwanchu. Chaywanpis uyarini pipis mosqokusqankuta willasojtinku, qanpis sut'inchasqaykita, nispa.

Génesis 41:15 ပူးပေါင်းရင်းမြစ်များ

Génesis 40:8

Paykunataj kuticherqanku: Sapa ujniyku mosqokuyku, manataj pipis kanchu mosqokusqayku imatachus niyta munasqanta sut'inchanawaykupaj, nispa. Jinapi José nerqa: Dioslla mosqokusqaykichejta sut'inchayta atin. Imatachus mosqokusqaykichejta willariwaychej ari, nispa.

Génesis 41:8

Q'ayantin paqarin faraón manchay phutisqa kasharqa. Chayrayku Egiptomanta tukuy watojkunata chantá tukuy yachayniyojkunata ima wajyacherqa. Chaywanpis faraón mosqokusqanta willajtin, ni pipis sut'inchayta aterqankuchu.

2 Crónicas 26:5

Payqa Zacarías kawsanankama Diosta qhatikorqa, imaraykuchus Zacariasqa Uziasta yachacherqa Tata Diosta may respetowan qhawayta. Uziasqa Tata Diosllatapuni kasukuspa kawsakorqa, Diostaj payta yanaparqa.

Salmos 25:14

Tata Dios kawsakun, pikunachus payta may jatun respetowan qhawanku, chaykunawan, tratontapis paykunaman rejsichenqa.

Daniel (hebreo) 2:3

Chantá kuraj kamachej paykunata nerqa: Ujta mosqokuni, chaymantataj mayta phutikushani, imaraykuchus mayta munani yachayta mosqokusqay imatachus niyta munasqanta, nispa.

Daniel (hebreo) 4:18

18 (15) Ajinata noqa kuraj kamachej Nabucodonosor mosqokusqaypi rikorqani. Kunantaj, Beltsasar, niway mosqokusqay imatachus niyta munasqanta, imaraykuchus tukuy suyuypi kaj yachayniyojkunamanta ni ujpis sut'inchawayta aterqachu. Qanrí atiwaj sut'inchawayta, imaraykuchus Tata Diospa Espíritun qanpi kashan, nispa.

Daniel (hebreo) 4:9

9 (6) Yachayniyojkunaj kurajnin Beltsasar, noqa yachani Tata Diospa Espíritun qanpi tiyakusqanta, tukuy pakasqa kajmantataj yachasqaykita. Kunantaj noqa willasqayki imatachus mosqokusqaypi rikorqani chayta, chantataj qan imatachus niyta munasqanta sut'inchaway.

Daniel (hebreo) 5:12

Chay runaj sutin Daniel karqa, tataykirí payta Beltsasar sutiwan suticharqa. Payqa sumaj yachayniyoj, yuyayniyojtaj kaspa, mosqoykunata, watuykunata ima sut'inchayta atin, mana entiendey atinatapis sut'iman orqhoyta atillantaj. Chayrayku kamachejníy, Danielta wajyachiy, paytaj perqapi qhelqasqa imatachus niyta munasqanta sut'inchanqa, nispa.

Daniel (hebreo) 5:14

Dioskunaj espíritun qanwan kasqanta niwanku, sut'i yuyayniyoj, sumaj yachayniyojtaj kasqaykita.

Daniel (hebreo) 5:16

Chaywanpis niwanku, qan mana yachay atina kajta sut'inchayta atisqaykita, mana allinchay atinatapis allinchaj kasqaykita. Kunanqa, sichus qan chay qhelqasqata ñawirinki, jinataj imatachus niyta munasqanta willawanki chayqa, sumaj puka p'achawan p'achallichisqayki, kunkaykimantaj qori cadenata churachisaj. Chantá suyuypi kinsa kaj kamachej kanki, nispa.