Génesis 40:19 - DIOSPA QHELQACHISQ

¹⁹ Chay niyta munan kinsa p'unchayninman jina faraonqa umaykita qholuchispa, sach'aman warkhuchisunanta, suwintukunataj aychaykita mikhonqanku, nispa.

DIOSPA QHELQACHISQAN DEUTEROCANONICAL

¹⁹ Chay niyta munan kinsa p'unchayninman jina faraonqa umaykita qholuchispa, sach'aman warkhuchisunanta, suwintukunataj aychaykita mikhonqanku, nispa.

Génesis 40:19 ပူးပေါင်းရင်းမြစ်များ

Génesis 40:13

Chay niyta munan kinsa p'unchaymantawan faraonqa qanta qhespichisunanta, chantá imachus ruwanaykiman kutiykuchisunanta. Jinamanta ujtawan faraonman vinota jaywanki, imaynatachus ñawpajta jaywaj kanki, ajinallatataj.

Génesis 40:17

Patan kajpi imaymana t'anta faraonpaj kasqa. P'isqokunatajrí jamuspa, umay patapi canastamanta t'antata mikhushasqanku, nispa.

Génesis 40:18

Josetaj nerqa: Qanpa mosqokusqaykeqa kayta niyta munan: Kinsa canastaqa kinsa p'unchaywan ninakun.

Génesis 40:20

Jinataj karqa. Kinsa p'unchayman jina faraonpa wata junt'aynin karqa, chayraykutaj pay jatun raymita ruwarqa. Chaymantaj tukuy yanapajninkunata, yuyaychajkunatawan ima wajyarqa. Chantá paykunaj rikunanta, vinota jaywajkunaj kamachejninkuta, jinallataj t'antata ruwajkunaj kamachejninkutawan carcelmanta orqhochimorqa.

Génesis 40:22

T'anta ruwajkunaj kamachejninkutarí faraón sipicherqa. Ajinata Joséj sut'inchasqan junt'akorqa.

Génesis 41:13

Chantá sut'inchawasqaykuman jina kikin karqa. Noqaqa ruwanayman kutiykuchisqa karqani, chay ujtaj sipisqa karqa, nispa.

2 Samuel 21:10

Chantá Ayáj ususin Rispaqa qhashqa luto p'achawan p'achalliykukuspa, uj chhanka pataman mast'aykukorqa. Chaypitaj qhepakorqa cebada oqharikuymantapacha paray tiempo chayamunankama, jark'aspa suwintukuna chay ayakunaman p'unchaypi ama tiyaykunankupaj, jinallatataj ch'isinpis k'ita animalkuna ama qayllanankupaj.

2 Samuel 21:6

Chayrayku chay runaj ayllunmanta munayku qanchis qharikunata qonawaykuta, noqaykutaj chaykunata Tata Diospa ñawpaqenpi warkhusqayku Tata Diospa ajllasqan kuraj kamachej Saulpa llajtan Gabaapi, nispa. Kuraj kamachejtaj nerqa: Qosqaykichej, nispa.

Proverbios 30:17

Pichus tatanta pisipaj qhawan, jinallataj paya mamanmanta alqochakun chayqa, chay runaj ñawinta qharqañakuna sik'ichunku, ankakunapis kawsashajta oqoykuchunku.

Ezequiel 39:4

Israelpa orqonkuna patapi qan wañunki, tukuynin soldadoykikunawan khuska. Waj suyukunamanta pikunachus qanman sayasqa karqanku, chaykunapis wañurallanqankutaj. Chantá aychaykita aycha mikhoj phawajkunaman, jinataj campopi kaj phiña animalkunaman ima qaraykusaj.

Hechos 20:27

imaraykuchus mana imata pakaspa, imatachus Dios ruwayta munasqanta qankunaman willarqaykichej.

Gálatas 3:13

Jinapis kamachisqakunata mana kasusqanchejmanta maldicisqa kananchejmanta Cristo kawsayninwan pagaspa kacharichiwarqanchej. Chayta ruwarqa, imaraykuchus cruzpi chakatasqa kaspa, pay noqanchejrayku maldicisqa karqa. Diospa Qhelqachisqanpi nin: Kurkupi tukuy warkhusqa kajqa maldicisqa kachun, nispa.

Josué 10:26

Chaymanta Josueqa chay kuraj kamachejkunata espadawan wañuracherqa, jinaspataj, sapa ujta uj sach'aman warkhuracherqa. Chaypitaj ayankoqa ch'isiyaykunankama warkhurayarqa.

Josué 8:29

Chaymanta Josueqa Hai llajtamanta kuraj kamachejta uj sach'aman warkhuspa, sipicherqa, ayantaj inti yaykuykama warkhurayarqa. Inti yaykuytataj Josué kamacherqa Hai llajtata kamachejpa ayanta urayk'uchispa, llajtaman yaykuna punkuman wijch'umunankuta. Patanmantaj rumita tawqaykunankuta kamachillarqataj. Chay tawqasqa rumitaj kunankama kashan.

1 Samuel 17:44

Filisteoqa nillarqataj: Jamuy kayman. Noqaqa aychaykita suwintukunaman, jinataj aychata mikhoj animalkunaman qaraykusaj, nispa.

1 Samuel 17:46

Kunanpacha Tata Diosqa qanta atipayta yanapawanqa, noqataj wañuchisqayki, umaykitataj qholurparisqayki. Jinataj tukuy filisteokunaj ayankuta suwintukunaman, aycha mikhoj animalkunamanwan qarasaj. Jinamanta tukuy yachanqanku Israel ukhupi Dios kasqanta.