Génesis 40:15 - DIOSPA QHELQACHISQ

¹⁵ Noqataqa hebreokunaj llajtankumanta mana munashajta apamuwarqanku. Noqarí carcelpi kanaypaj jinaqa mana ima millaytapis ruwarqanichu, nispa.

Qheshwa Biblia DC

¹⁵ Noqataqa hebreospa jallp'anmanta suwamuwanku, chayrayku noqaqa mana kay carcelpi kanaypaj jinachu kani, imaraykuchus mana ima sajratapis ruwanichu.

DIOSPA QHELQACHISQAN DEUTEROCANONICAL

¹⁵ Noqataqa hebreokunaj llajtankumanta mana munashajta apamuwarqanku. Noqarí carcelpi kanaypaj jinaqa mana ima millaytapis ruwarqanichu, nispa.

Génesis 40:15 ပူးပေါင်းရင်းမြစ်များ

Génesis 14:13

Chantá uj runa maqanakumanta ayqemuspa, imachus pasasqanta hebreo nisqa Abramman willarqa. Chaypacha Abramqa Mamrej encina sach'arara qayllanpi tiyakusharqa. Mamreqa amorreo llajtayoj karqa, jinataj Escolpata, Anerpatawan wawqenku, paykunataj Abramman sayasqa karqanku.

Génesis 39:20

Chantá Joseta jap'ichiytawan, wisq'aykucherqa, maypichus kuraj kamachejpa presochasqankuna kasharqanku, chayman.

Génesis 40:16

Chantá José allinpaj sut'inchasqanta rikuspa, t'antata ruwajkunaj kamachejninñataj mosqokusqanta willarikorqa: Noqapis mosqoyniypi rikorqani kinsa canastapi yuraj t'anta umay patapi kashajta.

Génesis 41:12

Chayllapitaj uj hebreo waynuchu kasharqa. Payqa capitanpa kamachin karqa. Mosqokusqaykuta payman willarikorqayku, paytaj sut'inchawarqayku noqaykuwan imachus kananmanta.

Salmos 105:18

Egiptopitaj chakinta cadenawan wataykorqanku, carcelmantaj wisq'aykorqanku.

Salmos 109:2

Llullakojkuna, millayta ruwajkuna ima noqaj contraypi parlanku, llullakuspataj, noqamanta manakajta willanku.

Éxodo 21:16

Sichus pipis runa masinta suwaspa vendenman, chayrí sichus suwasqa runa makillanpiraj kashanman chayqa, chay runa suwa wañuchisqa kanqa.

Daniel (hebreo) 6:22

22 (23) Arí, Diosniymin angelninta kachamorqa, paytaj leonkunaj siminkuta wisq'aykorqa, ama imananawankupaj. Ajinata Dios ruwarqa, imaraykuchus pay yachan mana juchayoj kasqayta, yachallantaj mana imatapis contraykipi ruwasqayta, nispa.

San Juan 10:32

Chayta rikusparí, Jesús paykunata nerqa: Noqaqa Tataypa qowasqan atiywan sumaj ruwaykunata ruwarqani qankuna rikunaykichejpaj. Chaykunata ruwasqaymanta mayqenmantataj rumiwan ch'anqaykuyta munashawankichejri? nispa.

San Juan 15:25

Chayqa ajina, Diospa Qhelqachisqanpi kay nisqan junt'akunanpaj: Manakajmanta chejnikuwanku, nispa.

Deuteronomio 24:7

Sichus mayqellanpis llajta masinta suwaspa, wata runa kananpaj, chayrí vendenanpaj apanman, jap'ichikunmantaj chayqa, chay runa suwataqa wañuchinkichej. Ajinata ruwaspa, chay jina millay ruwanata qankuna ukhumanta chinkachinkichej.

1 Timoteo 1:10

Jinallataj Diospa kamachisqan churasqa karqa: Khuchichakuspa purejkunapaj, qharipura khuchichakojkunapaj, runata suwajkunapaj, llullakojkunapaj, Diospa sutinta qhasita oqharejkunapaj, jinallataj cheqan yachachiypa contranpi sayaykojkunapaj ima.

1 Samuel 24:11

11 (12) Qhawariy tatáy, ponchoykimanta uj chhikanta k'utusqayta makiypi jap'ishani. Munaspaqa, qanta wañuchiykiman karqa. Kaywan qanqa umachakuy, wiraqochíy, noqaqa mana ima sajratapis ruwasuyta yuyasqayta, nitaj wasanchasusqaytapis, nillataj contraykipi juchallerqanichu. Chaywanpis qanqa wañuchinawaykipaj mask'awanki.