Génesis 40:1 - DIOSPA QHELQACHISQ

¹ Chaymanta qhepata kuraj kamachej faraonman vinota jaywaj runa, jinallataj t'anta ruwaj runa ima Egipto suyuta kuraj kamachejta phiñacherqanku.

Qheshwa Biblia DC

¹ Uj kuti reyman vinota jaywaj runa copero nisqa, jinallataj t'antata jaywaj runapis, Egipto rey patronninkoj contranta ruwarqanku.

DIOSPA QHELQACHISQAN DEUTEROCANONICAL

¹ Chaymanta qhepata kuraj kamachej faraonman vinota jaywaj runa, jinallataj t'anta ruwaj runa ima Egipto suyuta kuraj kamachejta phiñacherqanku.

Génesis 40:1 ပူးပေါင်းရင်းမြစ်များ

Génesis 40:11

Noqa faraonpa copanta jap'ishasqani. Uvata jap'ispataj, copaman ch'irwashasqani. Chaymantataj noqa kikiy copata faraonman jaywasqani, nispa.

Génesis 40:13

Chay niyta munan kinsa p'unchaymantawan faraonqa qanta qhespichisunanta, chantá imachus ruwanaykiman kutiykuchisunanta. Jinamanta ujtawan faraonman vinota jaywanki, imaynatachus ñawpajta jaywaj kanki, ajinallatataj.

Génesis 40:16

Chantá José allinpaj sut'inchasqanta rikuspa, t'antata ruwajkunaj kamachejninñataj mosqokusqanta willarikorqa: Noqapis mosqoyniypi rikorqani kinsa canastapi yuraj t'anta umay patapi kashajta.

Génesis 40:2

Chayrayku kuraj kamachej faraonqa iskayninkupaj phiñakorqa. Ujnenqa vinota jaywajkunaj kamachejnin, ujnintaj t'antata ruwajkunaj kamachejnin karqa.

Génesis 40:5

Chantá uj ch'isi, Egiptopi kuraj kamachejman vinota jaywaj, chantá t'antata ruwaj ima mosqokorqanku, sapa mosqokusqankutaj uj imata niyta munarqa.

Génesis 41:9

Chantá vinota jaywajkunaj kuraj kamachejninku faraonta nerqa: Kunan noqa mana allinta ruwasqayta yuyarikuni.

Nehemías 1:11

Chayrayku mañarikuyki ari, Tukuyta Kamachej Diosníy, mañakususqayta uyariway. Qhaparikamususqaykutapis uyariwayku, pikunachus sutiykita mayta jatunchayta munayku. Mañakullaykitaj tukuy imapi allin rinawanta, jinallataj kay Persia suyoj kuraj kamachejninpa khuyakuyninta tariyta atinaypaj, nispa. Ajinata Diosmanta mañakorqani. Chaypacha noqaqa kuraj kamachej Artajerjespa copa jaywajnin karqani.

Ester (hebreo) 6:1

Chay kikin ch'isipacha kuraj kamachejqa mana puñuyta aterqachu. Chayrayku kamachinkunaman nerqa, imatachus kamachishaspa ruwasqanmanta willaj qhelqata apamuspa ñawiripunankuta.