Génesis 38:24 - DIOSPA QHELQACHISQ

²⁴ Kinsa killaman jina Judaman willaj jamorqanku: Tamar ñojch'aykeqa purisqanpi piwanchá puñuykorqa. Chayrayku kunanqa wijsayoj kashan, nispa. Judataj nerqa: Jawaman orqhospa, ruphaykuchiychej, nispa.

Qheshwa Biblia DC

²⁴ Kinsa killamanta jinataj Judaman willaj jamorqanku, nispa: Qampa ñojch'aykeqa pi qhariwanchá karqa, chayrayku kunanqa wijsayoj kashan. Judataj may phiñasqa nerqa: Jawaman orqhoychej, ruphachiychejtaj!, nispa.

DIOSPA QHELQACHISQAN DEUTEROCANONICAL

²⁴ Kinsa killaman jina Judaman willaj jamorqanku: Tamar ñojch'aykeqa purisqanpi piwanchá puñuykorqa. Chayrayku kunanqa wijsayoj kashan, nispa. Judataj nerqa: Jawaman orqhospa, ruphaykuchiychej, nispa.

Génesis 38:24 ပူးပေါင်းရင်းမြစ်များ

Génesis 20:3

Chaywanpis Dios chay ch'isipacha Abimelecman mosqoypi rikhurispa, nerqa: Kunan qan wañunki, imajtinchus pi warmitachus pusachimunki, chayqa qosayojmin, nispa.

Génesis 20:7

Kunanqa chay warmita qosanman kutichipuy, imaraykuchus payqa noqamanta sut'inchajmin. Paytaj kawsanaykipaj qanrayku noqamanta mañapusonqa. Warmintachus mana kutichipunki chayrí, qan, chantá tukuy qanpata kajkuna ima wañunkichejpuni, nispa.

Génesis 20:9

Chaymanta Abimelecqa Abrahamtañataj wajyachispa, nerqa: Imajtintaj kayta ruwawaykuri? Imata ruwaspataj sonqoykita nanacherqayki, noqata, jinataj runaykunata millayta juchallichinawaykupajri? Qanqa mana ruwanata noqawan ruwanki.

Génesis 34:31

Paykunatajrí kuticherqanku: Chantá panaykuta sajra purikoj warmita jina imatapis ruwallananchu karqa? nispa.

Génesis 38:23

Chantá Judá nerqa: Jina jap'ikuchun prenda qosqayta, ama pipis noqanchejmanta alqochakunawanchejpaj. Noqaqa nisqayman jina uj chivota apacherqayki, qantaj mana chay warmita tarimunkichu, nispa.

2 Samuel 12:5

Chayta uyariytawankama, Davidqa qhapaj runapaj manchayta phiñakorqa. Natantataj nerqa: Tata Diospa sutinrayku tiluni: Chay runaqa wañunanpuni tiyan.

2 Samuel 12:7

Chantá Natanqa Davidta nerqa: Qanmin chay runaqa kanki. Chayrayku Tata Dios nisunki: Israelpaj kuraj kamachejnin kanaykipaj noqa ajllakorqayki, Saulpa atiyninmantapis waqaycharqayki.

Eclesiastés 7:26

Noqa wañuymantapis imachus astawan mana allin kasqanta tarini: Chayqa sajra purikoj warmimin. Sonqonqa uj tojlla jina, makinkunataj cadena jina mana qharita kacharinchu. Diosta kasoj runaqa chay jina warmimanta ayqekonqa. Juchasapa runarí chay warmej tojllanpi urmanqa.

Jeremías 2:20

Tata Dios Israelta nillantaj: Unaymantaña qanqa contraypi oqharikorqanki, manataj kasuwarqankichu. Chantá nillarqankitaj: Mana payta yupaychayta munanichu, nispa. Jinaqa tukuy orqo patapi, thansa sach'aj uranpi ima phisu warmi jina juchallerqanki.

Jeremías 3:1

Tata Dios nillantaj: Sichus uj qhari warminmanta t'aqakunman, chay warmitaj waj qhariwanñataj casaranman chayqa, ñawpa qosanwan manaña ujtawan casarayta atinchu. Sichus kutikapunman chayrí, tukuy runapaj p'enqay kanman. Qanrí Israel, ashkha qhariykikunawan khuchichakorqanki. Chaywanpis kunan noqaman kutirimpuyta munashankiraj. Noqa Tata Diosmin chayta nini.

Jeremías 3:6

Kuraj kamachej Josías kamachishajtin, Tata Dios nillawarqataj: Mana kasukoj Israel ayllu imatachus ruwasqanta rikunkichu? Payqa tukuy orqo patapi khuchichakunaman qokorqa, jinallataj tukuy thansarara sach'a urapipis khuchichakullarqataj.

Jeremías 3:8

Jinallataj pay rikorqa imaynatachus contraypi oqharikoj Israelta wijch'usqayta, chantá khuchichakusqanrayku paymanta t'aqakusqayta ima. Jinapis Israelpa ñañan wasanchaj Judá mana manchachikorqachu, manachayqa paypis khuchichakunaman qokullarqataj.

Ezequiel 16:15

Qantajrí chay jina k'achita kasqaykimanta jap'ikuspa, phisu warmiman tukorqanki. Ukhuykita chayninta purej qharikunaman jaywarqanki, paykunawantaj puñuykorqanki.

Ezequiel 16:25

Llajtaman yaykuna sapa ñanllapi lantikunapaj uj cheqata ruwakorqanki. Ajinamanta k'acha kayniykita millayman tukucherqanki. Tukuy chaynejta pasajkunaman ukhuykita jaywarqanki, sapa kutitaj khuchichakorqanki.

Ezequiel 16:26

Qayllaykipi kajkunawan mayta khuchichakorqanki, Egipto llajtayoj qachilo qharikunawan. Astawan, astawan khuchichakuspataj, mayta phiñachiwarqanki.

Ezequiel 16:28

Chaywan mana sajsakuspataj, qanqa asiriokunawanñataj khuchichakorqanki. Chaywanpis nillataj paykunawan sajsakorqankichu.

Ezequiel 16:41

Wasiykitapis ninawan ruphaykuchenqanku. Ashkha warmej rikunankutataj jasut'isonqanku. Ajinata khuchichakuypi purinaykita tukuchisaj, manañataj ujtawanpis tiyapususqanta qanwan khuchichakojkunaman jaywankichu.

Ezequiel 23:19

Chaywanpis pay astawan, astawan khuchichakullarqapuni, Egipto suyupi sipasllaraj kashaspa, phisu kawsaypi purisqanta yuyarikuspa.

Ezequiel 23:44

Jinapis imaynatachus phisu warmiman qharikuna jamunku, ajinata paykunaqa khuchi warmi Aholaman, Aholibamanpis jamorqanku.

Ezequiel 23:5

Aholaqa noqawan kashaspa, wasanchawarqa, maytapunitaj qayllanpi tiyakoj asiriokunaman wayllukorqa.

Oseas 2:5

5 (7) Mamanku khuchichakorqa. Paykunata paqarichikojqa uyanpi mana yawarniyoj jina nerqa: Rispa, mask'amusaj ñawpa qhariykunata. Paykuna mikhunata qowanqanku, linomanta, millmamanta ruwasqa p'achata ima. Sumaj q'apashaj jawinawantaj jawiykuwanqanku, chantá mayta kusichiwanqanku, nispa.

Oseas 3:3

Paytataj nerqani: Unaypaj noqaypata kanki. Chantá chaykama ama khuchichakuyñachu, nitaj pi qhariwanpis puñuykuyñachu. Noqapis qanwan manallataj puñusajchu, nispa.

Oseas 4:15

Israel, sichus qan phisu warmi jina wajkunaman jaywakunki chayqa, Judallapis ama kikillantataj juchallichunchu. Judá, ama Gilgalman riychejchu, nitaj Bet Avenmanpis wichariychejchu lantikunata yupaychaj. Amallataj Tata Diospa sutinpi tiluychejchu.

Levítico 20:10

Sichus pipis runa masinpa warminwan puñuykunman chayqa, khuchichakun. Iskayninku wañuchisqa kanqanku.

Levítico 21:9

Sichus uj sacerdotej ususin sajra purikuyman qokunman chayqa, tatanta p'enqaypi rikhurichin. Chayrayku chay warmi kawsashaj ruphachisqa kanqa.

Romanos 14:22

Qan ichapis yuyanki imatachus ruwasqayki walejlla kasqanta. Jinapi chaytaqa Diospa ñawpaqenpi sonqollaykipi jap'iy. Kusisqamin kanku pikunachus imata ruwasqankurayku sonqonku mana juchachanchu, chaykunaqa.

Deuteronomio 24:16

Mana pipis wawanpa juchanrayku wañuchisqa kanqachu, nillataj pipis tatanpa juchanrayku wañuchisqa kallanqatajchu. Manachayqa sapa uj juchanmanta wañuchisqa kanqa.

Jueces 19:2

Chantá chay warmi phiñakuspa riporqa Judapi Belén llajtaman tatanpa wasinman, tawa killatataj chaypi qhepakorqa.