Génesis 37:8 - DIOSPA QHELQACHISQ

⁸ Chantá wawqenkuna, nerqanku: Ajá, kaywanqa niytachu munashawayku qan kamachejniyku kanaykita? Qanchu noqaykuta kamachiwasqayku? nispa. Chayrayku mosqokusqanmanta chantá imaynatachus willasqanmanta astawan payta chejnikorqanku.

Qheshwa Biblia DC

⁸ Chaymanta wauqesnenqa kuticherqanku: Já, kaywanqa niytachu munashawayku qan reyniyku kanaykita, qanchu noqaykuta kamachiwasqayku?, nispa. Chaymanta astawanqa chejnerqanku imaynatachus willasqanmantawan.

DIOSPA QHELQACHISQAN DEUTEROCANONICAL

⁸ Chantá wawqenkuna, nerqanku: Ajá, kaywanqa niytachu munashawayku qan kamachejniyku kanaykita? Qanchu noqaykuta kamachiwasqayku? nispa. Chayrayku mosqokusqanmanta chantá imaynatachus willasqanmanta astawan payta chejnikorqanku.

Génesis 37:8 ပူးပေါင်းရင်းမြစ်များ

Génesis 27:41

Chaymantapacha Esauqa Jacobta manchayta chejnikorqa, tatan payta saminchasqanmanta, nerqataj: Tatayqa ñapis wañuponqaña. Chaymanta qhepaman sullk'ay Jacobta wañurpachisaj, nispa.

Génesis 37:4

Josejpa wawqenkunarí tatanku Joseta paykunamanta nisqa astawan munakusqanta rikuspa, Joseta chejnikuyta qallarerqanku, nitaj allinta parlapayajchu kanku.

Génesis 37:9

Chaymanta qhepanejman José ujtawan mosqokullarqataj, chaytataj wawqenkunaman willallarqataj: Ujtawan kay jinata mosqokullanitaj: Intiwan, killawan, chunka ujniyoj ch'askakunapiwan noqaman k'umuykamushawasqanku, nispa.

Génesis 42:10

Paykunataj nerqanku: Mana, wiraqochíy, noqaykoqa trigota rantikojlla jamuyku.

Génesis 44:18

Jinapi Judá Joseman qayllaykuspa, nillarqataj: Wiraqochíy, ama jina kaspa, mana pejpa uyarinanta nisusqayta uyaririway. Ama ari noqapaj phiñakuychu. Qanqa kikin faraonpis kawaj jina kanki.

Génesis 49:26

Tataykej saminchasusqanqa aswanmin jatun tataypa saminchawasqanmanta nisqaqa. Mana tukukoj orqokunakama saminchaynin kanqa, chay saminchaytaj Joséj umanpi sayachun, pichus wawqenkuna chawpimanta ajllasqa karqa, chaypata.

Génesis 50:18

Chantá wawqenkunañataj Joseman rispa, paypa ñawpaqenpi qonqoriykukorqanku, pampakama k'umuykuspataj, nerqanku: Kunanmantapacha wata runayki kasqayku, nispa.

Salmos 118:22

Wasi ruwajkunaj pisipaj qhawasqanku rumeqa cimiento esquinapaj sumaj rumiman tukupun.

Éxodo 2:14

Chay runarí Moisesta kuticherqa: Pitaj churasunki noqaykuta kamachinawaykupaj, juezniykutaj kanaykipajri? Imaynatachus Egipto llajtayojta wañucherqanki, jinatachu noqatapis wañuchiyta munashawanki? nispa. Moisés chayta uyarispa, mancharikorqa, nerqataj: Egipto llajtayojta wañurparichisqayqa yachakunña, nispa.

San Lucas 19:14

Llajta masinkunatajrí payta chejnej kasqanku. Chayrayku, kachakunata qhepanta kachasqanku, ninankupaj: Mana munaykuchu chay runa kuraj kamachejniyku kananpaj, nispa.

San Lucas 20:17

Jesustajrí paykunata qhawarispa, nerqa: Chantá Diospa kay qhelqachisqan ima niytataj munan: Wasi ruwajkunaj qhesachasqanku rumeqa cimiento esquinapaj sumaj rumiman tukupun, nispa?

Hechos 7:35

Kaymin chay Moisesqa, pitachus israelitakuna qhesachaspa, nisqanku: Pitaj qanta churasorqa kamachejniyku, juezniykutaj kanaykipajri? nispa. Jinapis paytamin Dios kacharqa paykunaj kamachejninku, kacharichejninkutaj kananpaj, lawrashaj t'ankar sach'api rikhurej angelnejta.

Deuteronomio 33:16

Jallp'aqa sumaj poqoykunawan junt'a kachun. Lawrashaj t'ankara ukhumanta parlaj Dios payta yanapachun. Chay tukuy ima Joséj jatun ayllunkunapaj kachun. Payqa wawqenkunata kamachinanpaj ajllasqa karqa.

Hebreos 10:29

Ñawpajta ajinachus karqa chayqa, kunan astawanraj juchachanapaj jina kanqanku pikunachus Diospa Churinta qhesachajkuna, jinataj wañusqan qhasi manakaj kasqanta nejkuna. Paykuna mosoj tratoman yaykunapaj yawar jich'asqanta pisipaj qhawanku, mayqenchus Diospaj t'aqawanchej, chayta. Jinallataj Diospa Espiritunta turiyanku, pichus Diospa qhasilla k'acha yanapayninta chayachimuwanchej, chayta.

1 Samuel 10:27

Wakin sajra sonqoyoj runakunarí alqorakuspa jina nerqanku: Kaychu noqanchejta yanapawayta atiwasunman? nispa. Paykunaqa Saulta manakajpaj qhawasqankurayku, mana imallatapis waqerinankupaj aparqankuchu. Chaywanpis Saulqa paykunata mana rikoj tukorqachu.

1 Samuel 17:28

Davidpa kuraj kaj wawqen Eliabtajrí soldadokunawan parlasqanta uyarispa, Davidpaj phiñarikorqa, nerqataj: Imamantaj kayman jamorqankiri? Pimantaj pisi ovejakunata ch'in pampapi saqerqankiri? Noqa rejsiyki machu machu kasqaykita, sajra sonqo kasqaykitapis. Qanqa maqanakuta qhawanaykiraykulla jamunki, nispa.

1 Samuel 18:8

Saulrí ajinata takejta uyarispa, sinch'ita phiñakuspa, nerqa: Davidta ninku chunka waranqa runakunata wañuchisqanta. Noqatarí niwanku waranqallata wañuchisqayta. Kuraj kamachejninkuta jina churaykukunallankuña kashan, nispa.