Génesis 37:34 - DIOSPA QHELQACHISQ

³⁴ Jinapi Jacob p'achanta llik'irakuspa, qhashqa p'achata churaykukorqa. Jinaspataj, unayta churinmanta llakikuspa, waqarqa.

Qheshwa Biblia DC

³⁴ Chaymanta Jacobqa p'achasninta llik'ikorqa, jinaspataj lutota churakorqa unayta, wawan chinkapusqanmanta.

DIOSPA QHELQACHISQAN DEUTEROCANONICAL

³⁴ Jinapi Jacob p'achanta llik'irakuspa, qhashqa p'achata churaykukorqa. Jinaspataj, unayta churinmanta llakikuspa, waqarqa.

Génesis 37:34 ပူးပေါင်းရင်းမြစ်များ

Génesis 37:29

Chaymanta mana unayninmanchu Rubenqa pujyuman kutispa, Joseta manaña rikorqachu. Chayrayku llakikuspa, p'achanta llik'ikorqa.

Génesis 42:38

Jacobtajrí nerqa: Benjaminneyqa manapuni qankunawan renqachu. Wawqen José wañupun, kunantaj payllaña qhepakun. Sichus ñanta rishajtiykichej imapis pasanman chayqa, qankuna juchayoj kawajchej machu kayniypi llakiywan wañunaymanta, nispa.

Génesis 44:13

Tarisqanta rikuspa, Benjaminpa wawqekuna llakikuspa, p'achankuta llik'irakorqanku. Chantá sapa ujninku burronkuman costalninkuta chajnaykuytawan, llajtaman kutirerqanku.

2 Samuel 1:11

Chayta uyarispa, Davidwan, soldadonkunawan ima p'achankuta llik'irakorqanku, llakikusqankuta rikuchispa.

2 Samuel 3:31

Chaymantaqa David kamacherqa Joabta, paywan kaj runankunata ima: P'achaykichejta llik'irakuspa, qhashqa p'achata churakuychej, Abner wañusqanmantataj waqaychej, nispa. Kuraj kamachej Davidtaj Abnerpaj ayan qhepanta rerqa.

1 Reyes 20:31

Chantá Ben Adadpa yanapajninkuna payta nerqanku: Noqaykoqa uyariyku Israelmanta kuraj kamachejkuna khuyakuyniyoj kasqankuta. Chayrayku kunanqa qhashqa p'achawan p'achallikunachej, kunkanchejmantaj waskhawan wataykukunachej. Jinaspataj, rinachej Israelpa kuraj kamachejninman. Ichapis mana wañuchiwasunmanchu, nispa.

1 Reyes 21:27

Kuraj kamachej Ajabrí Diosmanta sut'inchajpa nisqanta jap'ikorqa. Chayrayku sinch'i llakisqa kasqanmanta yachayta qospa, p'achanta llik'ikorqa, qhashqa p'achata churakuspataj, mana imatapis mikhorqachu. Ajina qhashqa p'achayoj puñorqa, phutisqataj purerqa.

2 Reyes 19:1

Kuraj kamachej Ezequías chayta uyarispa, p'achanta llik'irakorqa, qhashqa p'achata churaykukuspataj, Tata Diospa Templonman rerqa.

2 Reyes 2:12

Eliseotaj Eliasta ripojta rikuspa, qhaparerqa: Tatáy, tatáy, qanqa israelitakunapaj carretakunamantapis, chantá caballopi purej soldadokunamantapis aswan atiyniyoj karqanki, nispa. Eliseotaj manaña jayk'ajpis ujtawan Eliasta rikorqañachu. Chantá Eliseoqa p'achanta jap'iytawan, iskayman llik'erqa, llakisqa kashasqanta yachayta qonanpaj.

2 Reyes 22:11

Kuraj kamachej Josiasqa chay tarisqanku qhelqasqa imatachus nisqanta uyarispa, p'achanta llik'irakorqa.

1 Crónicas 21:16

David qhawaspa, Tata Diospa angelninta rikorqa janajwan kay pachawan tinkuypi sayashajta, espadanta jap'ispa Jerusalén llajtanejta qhawarisqa. Chantá Davidwan tukuy kurajkunawan ima qhashqa p'achata churakuspa, pampakama k'umuykorqanku.

1 Crónicas 7:22

Chayrayku tatanku Efrainqa unayta paykunamanta waqarqa, wawqenkunataj payta sonqochaj jamorqanku.

Nehemías 9:1

Chantá israelitakunaqa chay kikin killallapitaj iskay chunka tawayoj kaj p'unchayninpi watej tantakorqanku. Chaypi qhashqa p'achata churakorqanku, ayunarqanku, jallp'atataj umankuman qhallaykukorqanku juchankumanta llakisqa kasqankumanta yachayta qonankupaj.

Job 1:20

Chayta uyariytawan, Jobqa manchay llakisqa sayarispa, p'achanta llik'irakorqa, chujchantapis raphakorqa. Chantá pampakama k'umuykukuspa, Diosta yupaycharqa.

Job 16:15

Llakisqa kasqayta rejsichinaypaj qhashqa p'achata churakorqani, jallp'atataj umayman qhallikorqani.

Job 2:12

Job tiyakorqa, chaynejman chayaspataj, karullamantaraj ñak'ayllata Jobta rejserqanku. Chayrayku qhaparispa, waqarqanku, p'achankutapis llik'irakorqanku, jallp'atataj umankuman qhallirakorqanku.

Salmos 69:11

11 (12) Llakisqa kaspa qhashqa p'achata churakojtiypis, tukuypa asipayanan kani.

Isaías 32:11

Qankuna, ni imamanta llakikoj warmikuna kharkatitiychej, mana imamanta llakiyniyoj warmikuna, pawichikuychej. K'achitu p'achaykichejta lluch'ukuspa, qhashqa p'achata churakuychej, llakisqa kasqaykichejta rikuchinaykichejpaj.

Isaías 36:22

Chantá kamachina wasipi mayordomo Hilciaspa churin Eliaquín, qhelqeri Sebna, Asafpa churin yuyaychaj Yoaj ima mayta llakikuspa, p'achankuta llik'irakorqanku. Chaymantataj Ezequiaspaman kachaykukorqanku, Asiriamanta soldadokunata kamachej imatachus parlasqanta willanankupaj.

Jeremías 36:24

P'anqamanta ñawirisqata uyarishaspapis, mana kuraj kamachej nitaj yanapajninkunapis mancharikorqankuchu, nitaj uj chhikanta sonqonkuta nanachikojmanpis rijch'akorqankuchu.

Jeremías 48:37

Tukuyninku umankuta ruthukunku, tukuypa sunkhankupis ruthusqallataj. Tukuyninku makinkuta khuchurakunku, qhashqa p'achawantaj p'achallikunku.

Joel 2:13

Sinch'i llakisqa kasqaykichejmanta p'achaykichejta llik'inaykichejtaqa sonqoykichejta p'akikuychej, nispa. Tata Diosniykichejman kutirimpuychej, imaraykuchus Tata Diosqa may khuyakuyniyoj, jatun sonqoyojtaj. Jinallataj pay may pacienciayoj, tukuy munakuyniyojtaj. Jasut'inan kashajtinpis, payqa runaj juchanta pampachan.

San Mateo 11:21

Nerqataj: Ay, Corazín llajtayojkuna, qankunamanta imallachus kanqa. Ay imallachus kanqa qankunamantapis, Betsaida llajtayojkuna. Sichus Tiro llajtapi, jinataj Sidón llajtapi pipis qankuna ukhupi kay ruwasqay t'ukunata ruwanman karqa chayqa, maypachaña Diosman kutirikunkuman karqa. Paykunaqa qhashqa p'achata churakuspa, ushpha patapi tiyaspataj, Diosman kutirikusqankumanta yachayta qonkuman karqa.

San Mateo 26:65

Chayta uyariytawankama, kuraj kaj sacerdote patanchana p'achanta llik'irakuspa, nerqa: Kay runaqa Diospa contranpi millayta riman. Imapajñataj testigokunata munanchejri? Qankuna uyarinkichejña Diospa contranpi imaynatachus millayta rimasqanta.

Hechos 14:14

Pablowan, Bernabewanqa chay runakuna imatachus ruwayta munasqankuta reparaytawan, p'achankuta llik'irakorqanku may llakisqa kasqankumanta yachayta qospa. Jinaspataj, runa chawpiman yaykorqanku, qhaparerqankutaj:

Josué 7:6

Chayta yachaytawan, Josuewan, israelitakunaj kurajninkukunawan ima sinch'i llakisqa kasqankuta rikuchispa, p'achankuta llik'ikorqanku, umankumantaj jallp'awan qhalliykukorqanku. Chantá Tata Diospa arcanpa qayllanpi pampakama k'umuykuspa, chaypi ch'isiyanankama karqanku.

Apocalipsis 11:3

Noqatajrí iskay testigokunata kachamusaj, qhashqa p'achawan p'achallisqata. Paykunataj 1.260 p'unchayta sut'inchanqanku.

Jueces 11:35

Ajinaqa ususinta rikuytawankama, Jefteqa p'achanta llik'ikuspa, manchay llakisqa nerqa: Ay, wawáy, qannejta jatun llakiypi rikhurini. Chaywanpis kunanqa tiluspa Tata Diosman, qosaj nisqayta junt'anay tiyan, nispa.