Génesis 37:28 - DIOSPA QHELQACHISQ

²⁸ Chayrayku Madián llajtayoj qhatojkuna chaynejta pasashajtinku, Joseta pujyumanta orqhospa, iskay chunka qolqepi ismaelitakunaman venderparerqanku. Ajinamanta ismaelitakunaqa Joseta Egiptoman aparqanku.

Qheshwa Biblia DC

²⁸ Madianitas qhatuspa purejkunataj chaynejta jamusharqanku; Joseta pujyumanta aysarqoytawan chay ismaelitasman vendeykorqanku iskay chunka qolqepi. Ajinamanta Josetaqa Egiptoman pusakaporqanku.

DIOSPA QHELQACHISQAN DEUTEROCANONICAL

²⁸ Chayrayku Madián llajtayoj qhatojkuna chaynejta pasashajtinku, Joseta pujyumanta orqhospa, iskay chunka qolqepi ismaelitakunaman venderparerqanku. Ajinamanta ismaelitakunaqa Joseta Egiptoman aparqanku.

Génesis 37:28 ပူးပေါင်းရင်းမြစ်များ

Génesis 25:2

Abrahampata qhepa warmin Ceturapi churinkuna karqanku: Zimram, Jocsán, Medán, Madián, Isbac, Súaj ima.

Génesis 37:25

Chantá Joséj wawqenkuna mikhunankupaj tiyarikorqanku. Mikhushaspataj, qhatuwan purej ismaelitakunata Galaadmanta jamushajta rikorqanku. Paykuna camellonkunapi sumaj q'apashaj jawinata, balsamota, mirrata ima Egiptoman apasharqanku.

Génesis 37:36

Chaykamatajrí Madián llajtayoj qhatojkuna Egiptoman chayaspa, Joseta Potifar sutiyojman vendeykorqanku. Potifarqa Egipto suyuta kuraj kamachej faraonpa yanapajnin karqa, faraonta qhawaj soldadokunaj capitannin.

Génesis 39:1

Ismaelitakunaqa Joseta Egiptoman aparqanku. Chaypitaj Egipto llajtayoj Potifar payta rantikorqa. Potifarqa Egipto suyuta kuraj kamachejpata yanapajnin karqa, payta qhawaj soldadokunaj capitanninku.

Génesis 40:15

Noqataqa hebreokunaj llajtankumanta mana munashajta apamuwarqanku. Noqarí carcelpi kanaypaj jinaqa mana ima millaytapis ruwarqanichu, nispa.

Génesis 50:15

Jacob tatanku wañupusqanmanta qhepata, Josejpa wawqenkuna ninakorqanku: Ichapis José noqanchejpaj phiñasqaraj kashaspa, payta tukuy mana allinta ruwasqanchejmanta kunan pagachikuwasunman, nispa.

Salmos 105:17

Chantá paykunamanta ñawpajta Egiptoman Joseta kacharqa, pitachus wata runata jina venderqanku, chayta.

Salmos 83:9

9 (10) Diosníy, paykunawan ruway, imaynatachus Madianta ruwarqanki, ajinata, imaynatachus Sisarata ruwarqanki, ajinallatataj. Paykunata ruway, imaynatachus Cisón wayq'opi Jabinta ruwarqanki, ajinallatataj.

Éxodo 2:16

Chaypi tiyashajtin, Madianmanta sacerdote Reuelpa qanchis ususinkuna jamorqanku, yakuta bateaman orqhospa, tatankoj ovejankunata ujyachinankupaj.

Éxodo 21:16

Sichus pipis runa masinta suwaspa vendenman, chayrí sichus suwasqa runa makillanpiraj kashanman chayqa, chay runa suwa wañuchisqa kanqa.

Isaías 60:6

Madianmanta, Efamantawan ashkha camellokuna cargawan chajnasqa junt'aykamusonqanku. Sabá suyumanta runakunaqa qorita, inciensotawan apamonqanku, Tata Diospa sutintataj maytapuni jatunchanqanku.

Jeremías 38:13

Chantá chay runakuna Jeremiasta pujyumanta orqhorqanku. Chaymantataj Jeremías kuraj kamachejpa wasinta qhawajkunaj pationllapiña presochasqa qhepakorqa.

Levítico 27:5

Phishqa watayojmanta, iskay chunka watayojkama qharikunamantaqa iskay chunka qolqeta paganqanku. Warmikunamantataj chunka qolqeta paganqanku.

Números 25:15

Madianmanta warmej sutintaj Cozbi karqa. Payqa madianitakunaj kurajninku Surpata ususin karqa.

Números 25:17

Madianitakunaj contrankuta maqanakoj rispa, wañuchimuychej.

San Mateo 26:15

Nerqataj: Jesustachus jap'ichiykichejman chayqa, mashkhatataj pagawankichejmanri? nispa. Paykunataj nerqanku: Kinsa chunka qolqeta qosqayku, nispa.

San Mateo 27:9

Ajina junt'akorqa Diosmanta sut'inchaj Jeremiaspa nisqan: Kinsa chunka qolqeta jap'erqanku, imaraykuchus Israelpa churinkunaqa chay chhikalla pay valesqanta nerqanku.

Hechos 7:9

Jacobpa churinkuna, pikunachus ñawpa tatanchej kajkunaqa wawqenku Joseta chejnispa, wata runata jina venderqanku, Egipto suyuman apasqa kananpaj. Diostajrí Josewan karqa, payta waqaychaspa.

Jueces 8:22

Chaypacha israelitakunaqa Gedeonta nerqanku: Qanqa madianitakunamanta kacharichiwaykuña. Kunanqa munayku qan, chantá aylluykikuna ima kamachinawaykuta, nispa.

Jueces 8:24

Chaywanpis noqa munayman madianita wañusqa soldadokunamanta qhechusqaykichej walqakunamanta wakinta qonawaykichejta, nispa. Chay qori walqata madianitakunaqa churakuyta yachaj kanku, Ismaelpa ayllunmanta kasqankurayku.