Génesis 37:26 - DIOSPA QHELQACHISQ

²⁶ Jinapi Judaqa wawqenkunata nerqa: Sullk'anchejta wañuchispa, chantá wañuchisqanchejta pakayta munaspa, imatataj tarisunri?

Qheshwa Biblia DC

^26-27 Chaymantataj Judaqa nerqa wauqesninman: Ima allintataj noqanchej ruwasun wauqenchejta wañuchispari, chaymantataj wañusqata pakaspari? Ama jina kanampajtaj ismaelitasman vendeykuna wañuchinanchejmanta nisqaqa. Imaraykuchus Joseqa wauqenchej, nispa. Wauqesnintaj chay nisqanta, ajina kachun nerqanku.

DIOSPA QHELQACHISQAN DEUTEROCANONICAL

²⁶ Jinapi Judaqa wawqenkunata nerqa: Sullk'anchejta wañuchispa, chantá wañuchisqanchejta pakayta munaspa, imatataj tarisunri?

Génesis 37:26 ပူးပေါင်းရင်းမြစ်များ

Génesis 25:32

Esautaj nerqa: Yarqhaywan wañushaniña. Wañusaj chayqa, kuraj kaj jina jap'inay, ima allintaj kanqa noqapaj? nispa.

Génesis 37:20

Jamuychej, payta wañuchisunchej, chaymantataj uj ch'aki pujyuman ayanta wijch'uykusunchej. Chantá nisunchej: Ima phiña animalchá mikhuykun, nispa. Chantá mosqokusqan imapichus parasqanta qhawasunchej, nispa.

Génesis 4:10

Tata Diostajrí nerqa: Imatataj ruwarqankiri? Wawqeykej yawarnenqa jallp'amantapacha justicia ruwanayta qhaparimushawan.

Génesis 4:9

Chantá Tata Dios Cainta taporqa: Maytaj wawqeyki Abelri? nispa. Caintaj kuticherqa: Mana yachanichu. Noqachu wawqey Abelta qhawanay karqa? nispa.

Génesis 40:15

Noqataqa hebreokunaj llajtankumanta mana munashajta apamuwarqanku. Noqarí carcelpi kanaypaj jinaqa mana ima millaytapis ruwarqanichu, nispa.

Génesis 42:21

Chantá paykunapura ninakorqanku: Wawqenchejta mana allinta ruwasqanchejmanta noqanchej kay jinata ñak'arishanchej. Khuyayta mañakushawajtinchej, may jinata waqashajta rikushaspapis, mana uyarerqanchejchu. Chayraykumin kay jina llakiy qhatirishawanchej, nispa.

Génesis 50:20

Qankuna mana allinta ruwawayta munarqankichej, Diostajrí mana allin kajta allinman tukucherqa, kunan imatachus rikushasqaykichejta ruwananpaj, ashkha runata kawsachinanpaj ima.

2 Samuel 1:16

Davidtaj nerqa: Qan kikiyki juchachakunki wañunaykipaj, simiykiwantaj ch'ataykukunki Tata Diospa ajllasqan kuraj kamachejta wañuchisqaykita rimarispa, nispa.

Job 16:18

Jallp'a, ama yawarniyta pakaychu ari. Ama saqeychu qhaparikusqay ch'inyananta.

Salmos 30:9

9 (10) Wañupojtiy, imatataj tariwajri? P'ampawajtinku, qanpaj ima allintaj kanmanri? Jallp'aqa mana yupaychasuyta atinmanchu, nitaj cheqa kayniykimantapis parlanmanchu.

Jeremías 36:25

Elnatán, Delaía, Gemarías imalla kuraj kamachejta parlapayarqanku ama chay p'anqata ruphachinanpaj. Paytajrí manapuni kasukorqachu.

Jeremías 41:8

Chaywanpis manaraj tukuyninkuta wañuchishajtinku, chaykunamanta chunka runakuna Ismaelta nerqanku: Ama wañuchiwaykuchu. Noqaykojta tiyapuwayku trigoyku, cebadayku, aceiteyku, jinataj abeja misk'iyku ima campopi pakasqa, nispa. Ajinata nisqankurayku Ismael mana paykunata wañucherqachu chay ujkunata jinaqa.

Ezequiel 24:7

Kay llajtaqa yawar jich'asqanwan junt'a kashan. Chhanka patapi jich'asqa kashan, manataj pampapichu jallp'awan qhatasqa kananpajqa.

San Mateo 16:26

Ima allintaj runapaj kanman, sichus kay pachaj tukuy kapuyninta jap'ispapis mana wiñay kawsayman yaykunmanchu chayqa? Manachayqa, imatataj pipis paganman wiñay kawsayniyoj kananpajri?

Romanos 6:21

Ajinata purisqaykichejrayku, imatataj tarerqankichejri? Manachu millay kajta ruwasqaykichejmanta kunan p'enqakushankichej? Chaykunataj pusashasorqachej wiñay wiñaypaj Diosmanta karunchasqa kanaykichejpaj.

Deuteronomio 17:8

Ichapis justiciata ruway mana atina rikhurisunkichejman, nisunman runa wañuchiymanta, chayrí jallp'ata qhechunakunamanta, maqanakuymanta, chayrí llajtaykichejpi ima ch'ajwamanta. Jina kanman chayqa, Tata Diosniykichej ajllakonqa, chay cheqaman rinkichej.