Génesis 35:4 - DIOSPA QHELQACHISQ

⁴ Jinata Jacob nejtin, ayllonqa tukuy imaymana lantikunata payman jaywarqanku, jinallataj jaluchukunatapis jaywallarqankutaj. Jacobtaj chaykunata Sichem nisqa qayllapi kaj encina sach'a uraman p'ampaykorqa.

Qheshwa Biblia DC

⁴ Jinata Jacob nejtintaj tukuy imaymana lantisninkuta Jacobman jaywarqanku, ningrisninkupi apaykachaj kanku chay zarcillosninkutawan. Jacobtaj chaykunata jallp'aman p'ampaykorqa encina sach'a uraman Siquem qayllaman.

DIOSPA QHELQACHISQAN DEUTEROCANONICAL

⁴ Jinata Jacob nejtin, ayllonqa tukuy imaymana lantikunata payman jaywarqanku, jinallataj jaluchukunatapis jaywallarqankutaj. Jacobtaj chaykunata Sichem nisqa qayllapi kaj encina sach'a uraman p'ampaykorqa.

Génesis 35:4 ပူးပေါင်းရင်းမြစ်များ

Génesis 12:6

Abramqa tukuy chay cheqanejta pasaspa, Sichem nisqa cheqanejman chayarqa, Morepi encina sach'a karqa, chayman. Chaypacha chay cheqanejpi cananeokuna tiyakusharqanku.

Génesis 35:3

Chantá Betelman risunchej, chaypitaj Diospaj uj altarta ruwasaj, imaraykuchus llakisqa purishajtiy, pay yanapawarqa, jinallataj maymanpis risqaypi payqa noqawanpuni karqa, nispa.

Génesis 35:5

Chantá paykuna chaynejmanta llojsishajtinku, Diosqa muyuyninkupi llajtayojkunaj sonqonkuman manchachikuyta churarqa. Chayrayku Jacobpa churinkunata mana qhatiykorqankuchu.

Éxodo 32:20

Waka uña lanti ruwasqankutataj jap'iytawan, ninaman wijch'uspa unuyacherqa. Chaymantataj lantita ñut'uta kutaspa, yakuman jich'aykorqa. Jinaspataj, chay yakuta israelitakunaman ujyacherqa.

Isaías 2:20

Chay p'unchaykunapi runakuna qorimanta, qolqe metalmanta yupaychanankupaj ruwakusqanku lantikunata saqenqanku. Chay dioskunankutaqa juk'uchakunaman, chiñikunaman ima wijch'uykonqanku.

Isaías 30:22

Chantá qhesachankichej qolqe metalmanta ruwasqa lantiykichejta, jinallataj qoriwan lluch'isqa lantiykichejtapis. Qankunaqa chaykunata millay ch'ichi thantata jina qhawankichej, ninkichejtaj: Llojsiychej kaymanta, nispa.

Oseas 2:13

13 (15) Payqa lantikunata yupaychaspa, inciensota q'oshñicherqa. Chantá jaluchukunawan, walqakunawan ima t'ikanchaykukuspa, waynankunaj qhepanta rerqa. Noqarí, mashkha kutitachus pay noqamanta qonqaspa, chayta ruwasqanman jina payta jasut'isaj. Noqa Tata Diosmin chayta nini.

Deuteronomio 7:25

Lantinkuta ninaman wijch'uykuspa, ruphachinkichej. Chay lantinkoj qorinta, qolqentapis munapayaspa, ama jap'ikapunkichejchu. Chaykunatachus jap'ikapuwajchej chayqa, juchallinaykichejpaj tojlla jina kasunkichejman. Tata Diosqa chaykunata millachikuspa, rikuyta mana atinchu.

Deuteronomio 7:5

Chayrayku qankunaqa kayta ruwanaykichej tiyan: Chay runakunaj altarninkuta thuñinkichej, yupaychana ruminkuta, yupaychana k'ullunkutawan ima p'akirankichej. Jinallataj lantinkutapis ninawan ruphaykuchinkichej.

Jueces 9:6

Chay qhepantataj Sichem llajtamanta kajkuna, chantá Milomanta kajkunapis encina sach'a chaynejpi tantaykukorqanku, maypichus diosninku yupaychana rumi karqa, chaypi. Jinaspataj, Abimelecta kuraj kamachejninkupaj churarqanku.