Génesis 35:2 - DIOSPA QHELQACHISQ

² Chantá Jacob ayllunta, jinataj pikunachus paywan risharqanku, chaykunata nerqa: Jap'ishankichej, chay tukuy imaymana dioskunata wijch'uychej. Jinaspataj, mayllakuychej, llimphu p'achatataj churakuychej.

Qheshwa Biblia DC

² Chaymanta Jacobqa nerqa familianman, pikunachus paywan risharqanku chaykunamanwan: Qankuna ukhupi tukuy laya dioskunata orqhoychej, jinaspataj mayllakuychej, p'achasniykichejtapis cambiakuychej.

DIOSPA QHELQACHISQAN DEUTEROCANONICAL

² Chantá Jacob ayllunta, jinataj pikunachus paywan risharqanku, chaykunata nerqa: Jap'ishankichej, chay tukuy imaymana dioskunata wijch'uychej. Jinaspataj, mayllakuychej, llimphu p'achatataj churakuychej.

Génesis 35:2 ပူးပေါင်းရင်းမြစ်များ

Génesis 18:19

Noqa payta ajllakullarqanitaj wawankunata, miraynintapis kamachinanpaj, ajinamanta noqata kasuwaspa chantá cheqan kajta, allin kajtataj ruwaspa purinankupaj. Sichus Abraham nisqayta ruwanqa chayqa, noqa payman tukuy nisqayta junt'asaj, nispa. Ajinata Tata Dios Abrahamta nerqa.

Génesis 31:19

Chaywanpis Labán ovejankunaj millmanta ruthuchej rinankama, Raquelqa tatanpa lantinkunata suwarqa.

Génesis 31:30

Qanqa tataykej wasinman kutipuyta may jinatapuni munasqaykita yachani. Chaywanpis, imaraykutaj lantiykunata suwawankiri? nispa.

Génesis 31:34

Raqueltajrí lantikunata camello montura uraman sat'iykorqa, jinaspataj, patanman tiyaykorqa. Labán toldopi tukuynejta mask'arqa, manataj tarerqachu.

Génesis 34:2

Chantá Sichem Dinata rikuspa, mana munashajtin paywan puñuykorqa. Sichemqa heveo llajtayoj Jamorpa churin karqa. Paytaj chay llajtapi kamachej karqa.

Génesis 35:22

Uj kutirí chaynejpi Israel tiyakushajtin, kuraj kaj churin Rubén Bilawan puñuykorqa. Bilaqa tatanpa ujnin warmin karqa. Jacobtaj chayta yachaspa, maytapuni phiñakorqa. Jacobpata churinkuna chunka iskayniyoj karqanku.

2 Samuel 7:23

Kay pachapi Israel aylluyki jinaqa mana waj ayllu kanchu. Qan, Diosníy, aylluyki kananpaj preciota pagaspa Israelta kacharicherqanki, may uyarisqa kanantataj ruwarqanki, payrayku jatuchaj may t'ukuna k'acha imakunata ruwaspa. Egiptomanta orqhomorqanki, chay aylluykej ñawpaqenmantataj qan chay waj runakunata, diosninkutawan wijch'orqanki.

2 Reyes 17:29

Chaywanpis pikunachus waj suyukunamanta Samariaman tiyakoj jamusqanku, chaykunamanta sapa ujninku llajtankoj diosninkuta Samaria llajtayojkuna orqo patapi ruwasqanku altarkunaman churarqanku.

2 Reyes 5:10

Eliseotajrí uj runata kacharqa ajinata ninanpaj: Jordán mayuman rispa, qanchis kutita p'ultikamuy, ukhuykitaj llejti onqoymanta llimphu rikhurenqa, nispa.

1 Crónicas 16:26

Runakunaj diosninkoqa lantikunalla kanku. Tata Diostajrí janaj pachakunata ruwarqa.

Job 1:5

Sapa raymi tukukuytataj Jobqa wawankunata wajyaj karqa. Chantá tutamanta jatarispa, sapa uj wawanrayku uywa ñak'asqata q'olachispa Tata Diosman jaywaj karqa. Ajinata Job ruwaj, imaraykuchus sonqonpi nej: Ichapis wawaykuna raymita ruwaspa, sonqonkupi Diospa contranta juchallinkuman karqa, nispa. Job ajinata sapa kuti ruwaj.

Salmos 51:2

2 (4) Tukuy millay ruwasqaymanta mayllaway, juchaymantataj llimphuchaway.

Salmos 51:7

7 (9) Hisopo qhorawan llimphuchaway, llimphutaj kasaj. Mayllaway Tata Dios, noqataj rit'imanta aswan yuraj kasaj.

Éxodo 19:10

Chantá Tata Dios Moisesta nillarqataj: Rispa, israelitakunata niy kunan q'ayatawan ima llimphuchakunankuta. Jinallataj niy p'achankuta t'ajsakunankuta.

Éxodo 19:14

Chantá Moisés orqomanta urayk'amuspa, runakunata Diosta yupaychanankupaj wakicherqa. Paykunataj p'achankuta t'ajsakorqanku.

Éxodo 23:13

Tukuy kamachisqayta kasuychej. Ama jayk'ajpis waj dioskunaman k'umuykuychejchu, nitaj sutillankutapis oqharinkichejchu.

Eclesiastés 5:1

1 (4.17) Diospa Templonman rispaqa, imatachus ruwasqaykita allinta qhawarikuy, imatachus yachachisqankutataj sumajta uyariy. Aswan walej Tata Diosta kasuna, mana allinta yachaspalla imatapis Diosman jaywanamanta nisqaqa.

Isaías 1:16

Mayllakuychej, llimphuchasqataj kaychej. Ñawpaqeymanta mana allin ruwasqaykichejta wijch'uychej. Amaña mana allin kajta ruwaychejchu.

Isaías 52:11

Ayllúy, Babiloniamanta llojsimuychej. Llojsimushaspataj, ama ch'ichipaj qhawasqa kajta llankhaychejchu. Babiloniaj chawpinmanta llojsimuspa llimphuchakuychej, Tata Diosta yupaychanapaj imakunata apajkuna.

Jeremías 13:27

Khuchichakuypi purisqaykita rikuni, q'oñiriyniyki jap'isojtin, mana p'enqakuspa, phisu warmi jina purisqaykita. Orqokunapi, jinallataj pampapipis wasanchasqaykita rikullanitaj. Ay, Jerusalén, qanmanta imachus kanqa. Mayk'ajkamataj chay jina ch'ichipaj qhawasqa kallankipuniri? nispa.

Jeremías 16:20

Runaqa atinmanchu dioskunata ruwakuyta? Arí, atinman. Jina chayqa, chaykunaqa manapuni dioskunachu kanku, nispa.

Jeremías 5:7

Tata Dios nillantaj: Israel, imaynatataj kay jina juchallisqaykita pampachasajri? Wawaykikunaqa saqerpariwanku, qhasi manakaj diosninkukunaj sutinraykutaj tilunku. Noqaqa sajsakunankukama paykunata mikhucherqani. Chaywanpis paykuna wasanchawarqanku, tukuyninkutaj, maypichus phisu warmikuna sayanku, chay wasiman rerqanku.

Ezequiel 18:31

Contraypi tukuy millay ruwasqaykichejmanta t'aqakuychej, mosoj sonqowan p'achallikuychej, mosoj kallpawantaj. Israel ayllu, imaraykutaj wañuyta munankichejri?

Ezequiel 20:7

Chaypachallataj paykunata kamacherqani: Sapa ujniykichej yupaychasqaykichej millay lantiykichejkunata wijch'uychej, amataj Egiptoj lantinkunata yupaychaspa ch'ichichakuychejchu, imaraykuchus noqa Tata Diosniykichej kani, nispa.

Ezequiel 36:25

Llimphu yakuwan mayllasqaykichej, tukuy ch'ichi kawsayniykichejmantataj llimphuchasqa kankichej. Tukuy lantikunamantapis t'aqasqaykichej.

Daniel (hebreo) 5:4

Ajinata vinota ujyashaspataj, paykuna machasqamanta lantinkukunata jatunchasharqanku, mayqenkunachus qorimanta, qolqe metalmanta, broncemanta, fierromanta, k'ullumanta, rumimanta ima ruwasqa karqanku, chaykunata.

Levítico 15:5

Sichus pillapis q'eya onqoyniyoj qharej puñunanta llankhanman chayqa, p'achanta t'ajsakunan tiyan. Jinallataj yakuwan mayllakonqa, chantá ch'isiyaykuykama mana llimphupaj qhawasqa kanqa.

Levítico 17:16

Sichus mana p'achanta t'ajsakonqachu chay, nitaj ukhuntapis mayllakonqachu chayqa, mana uyarikusqanmanta juchachasqa kanqa, nispa.

Números 31:24

Qanchis kaj p'unchaypitaj p'achaykichejta t'ajsakunkichej. Ajinamanta llimphupaj qhawasqa kankichej. Chaymantaraj jaramanqa yaykuyta atinkichej, nispa.

Hechos 19:26

Chaywanpis qankuna rikushankichej, uyarishankichejtaj, imaynatachus Pablo tukuyman yuyayta qosqanta: Runaj makinwan ruwasqaqa mana dioskunachu kanku, nispa. Paytaj ashkha runaj sonqonta tijrachishan, mana Éfeso llajtallapichu, manachayqa tukuy Asiantinpi.

1 Corintios 10:7

Chayrayku qankunaqa lantikunata ama yupaychaychejchu, imaynatachus paykunamanta wakin yupaycharqanku, jinataqa. Diospa Qhelqachisqanpi nin: Chay runakunaqa mikhunankupaj, chantá ujyanankupaj ima tiyarikorqanku. Chaymantataj tukuy imaymanata ruwaspa kusiririkorqanku, nispa.

2 Corintios 7:1

Ajinaqa, munasqa wawqe panakuna, Dios chay imakunata qonawanchejta nin. Chayrayku tukuy mana allin kajmanta karunchakuna, jinataj sonqonchejtapis tukuy ch'ichi kajmanta llimphuchana. Chantá Diosta may jatun respetowan qhawaspa, atisqanchejta ruwana pay jina llimphupuni kananchejpaj.

Gálatas 4:8

Ñawpajta qankuna manaraj Diosta rejserqankichejchu. Chaypachataj mana dioschu kanku, chaykunaj wata runan karqankichej.

Deuteronomio 11:28

Manataj allinchu risonqachej, sichus qankuna waj dioskunata yupaychaspa, Tata Diosniykichejpa kamachisqanta mana kasunkichejchu, nitaj nisqanman jina purinkichejchu, chaypacha.

Deuteronomio 32:16

Waj dioskunata yupaychaspa, Diosta celosacherqanku. Millay ch'ichita ruwaspataj, phiñakuyninta k'ajaricherqanku.

Deuteronomio 5:7

Noqamanta jawaqa ama waj dioskuna kapusuchunchu.

Deuteronomio 6:14

Muyuyniykichejpi llajtayojkunaj diosninkukunata amapuni yupaychankichejchu,

Deuteronomio 7:25

Lantinkuta ninaman wijch'uykuspa, ruphachinkichej. Chay lantinkoj qorinta, qolqentapis munapayaspa, ama jap'ikapunkichejchu. Chaykunatachus jap'ikapuwajchej chayqa, juchallinaykichejpaj tojlla jina kasunkichejman. Tata Diosqa chaykunata millachikuspa, rikuyta mana atinchu.

Hebreos 10:22

Chayrayku ch'uwa sonqowan Tata Diosman qayllaykunachej, tukuy sonqo Cristopi atinikuspa, imaraykuchus pay wañusqanwan sonqonchejta tukuy juchamanta llimphuwarqanchej, llimphu yakuwanpis ukhunchejta mayllanman jina.

Santiago 4:8

Diosman qayllaykuychej, paypis qankunaman qayllamusonqachej. Juchasapakuna, makiykichejta mayllakuychej. Qankuna iskay sonqoyojkuna, sut'ita ninaykichej tiyan, Diostachus qhatikunaykichejta, chayrí juchallispachus purinaykichejta.

Josué 23:7

Ama qankuna ukhupi tiyakoj waj llajtayojkunawan chhapukunkichejchu, nitaj qonqorikuspa diosninkuta yupaychankichejchu. Amallataj diosninkuta kasunkichejchu, ni paykunamanta parlallankichejpischu, nillataj sutinkupi tilunkichejchu.

Josué 24:14

Chantá Josué nillarqataj: Chayrayku Tata Diosta may jatun respetowan jatunpaj qhawaychej, paytataj tukuy sonqo yupaychaychej. Ñawpa tataykichejkuna imatachus Éufrates mayu chimpapi, chantá Egiptopi ima yupaycharqanku, chay dioskunata wijch'uspa, qankunaqa Tata Diosllatapuni kasuychej.

Josué 24:15

Sichus Tata Diosta mana kasuyta munankichejchu chayqa, kunanpacha pitachus kasunaykichejta ajllakuychej: Mayqen dioskunatachus ñawpa tataykichejkuna mayu chimpapi yupaycharqanku, chaykunata, chayrí, maypichus kunan tiyakushankichej, chay amorreokunaj diosninkukunatachus. Noqarí tukuy aylluywan Tata Diostapuni yupaychanaykuta niyku, nispa.

Josué 24:2

Josuetaj tukuynin israelitakunata nerqa: Diosniykichej Tata Diosqa ajinata nisunkichej: Unay ñawpa tataykichej Téraj, chantá churinkuna Abraham, Najor ima Éufrates mayu kantupi tiyakorqanku, chaypitaj waj dioskunata yupaycharqanku.

Josué 24:20

Sichus qankuna waj dioskunata yupaychaspa Tata Diosmanta qonqapunkichej chayqa, payqa qankunata llakiykunawan ñak'arichisonqachej. Diosqa qankunapaj allin imakunata ruwapusorqachej chaypis, tukuchisonqachej, nispa.

Josué 24:23

Josuetaj kuticherqa: Jina chayqa, jap'ishankichejraj, chay dioskunata wijch'uychej, tukuy sonqotaj Israelpa Tata Diosninman kutirikuychej, nispa.

Judas 1:23

Wakinkunatarí, qhespichiychej ninapi ruphaykunanmantapis orqhoshawajchej jinata. Wajkunamanta khuyakushaspapis, allinta qhawarikuychej, ama millay ch'ichi kajta ruwasqankuwan chimpachikunaykichejpaj.

Jueces 10:16

Chantá israelitakunaqa chay waj dioskunata saqespa, Tata Diosta yupaycharqanku. Tata Diospis manaña munarqachu israelitakuna astawan ñak'arinallankutapuni, imaraykuchus sinch'ita llakikorqa ñak'arishasqankumanta.

Rut 1:15

Chantá Noemí Rutta nerqa: Ñojch'a masiykeqa llajtanman, diosninkunamantaj kutipun. Qanpis ripullaytaj, wawáy, nispa.

1 Samuel 16:5

Samueltaj kuticherqa: Arí. Tata Diosman uywa ñak'asqata q'olachispa jaywaj jamushani. Wakichikuychej Diospa ñawpaqenpi llimphupaj qhawasqa kanaykichejpaj. Chantá noqawan khuska jamuychej Tata Diosman q'olachinata jaywaj, nispa. Chaymanta Samuelqa Yeseta, churinkunatawan llimphupaj qhawasqa kanankupaj ruwaytawan, Tata Diospaj q'olachinaman paykunatapis wajyallarqataj.

1 Samuel 7:3

Chayrayku Samuelqa tukuynin israelitakunata nerqa: Sichus qankuna tukuy sonqowan Tata Diosman kutirikunkichej chayqa, waj dioskunata, chantá Astarotpa lantintapis yupaychanata saqeychej. Chantá tukuy sonqomanta Tata Diosllataña yupaychaychej. Chaymantaraj payqa filisteokunaj makinkumanta kacharichisonqachej, nispa.