Génesis 34:7 - DIOSPA QHELQACHISQ

⁷ Chantá Jacobpa churinkuna uywata michimusqankumanta chayamuspa, Dinawan imachus pasasqanta yacharqanku. Chaymantataj manchayta phiñakorqanku, imaraykuchus Sichem Jacobpa ususinta alqochasqanqa Israel ayllupaj manchay p'enqay karqa. Sichem chayta mana ruwananchu karqa.

Qheshwa Biblia DC

⁷ Chaymantaraj Jacobpa wawasnin chayamorqanku campomanta. Imachus kasqanta yachaspataj mayta phiñakorqanku; imaraykuchus Israel ayllupaj manchay p'enqay karqa, Jacobpa ususinwan mana munashajtin Siquem puñuykusqan. Chaytaqa mana ruwana kajtapuni ruwarqa.

DIOSPA QHELQACHISQAN DEUTEROCANONICAL

⁷ Chantá Jacobpa churinkuna uywata michimusqankumanta chayamuspa, Dinawan imachus pasasqanta yacharqanku. Chaymantataj manchayta phiñakorqanku, imaraykuchus Sichem Jacobpa ususinta alqochasqanqa Israel ayllupaj manchay p'enqay karqa. Sichem chayta mana ruwananchu karqa.

Génesis 34:7 ပူးပေါင်းရင်းမြစ်များ

Génesis 20:9

Chaymanta Abimelecqa Abrahamtañataj wajyachispa, nerqa: Imajtintaj kayta ruwawaykuri? Imata ruwaspataj sonqoykita nanacherqayki, noqata, jinataj runaykunata millayta juchallichinawaykupajri? Qanqa mana ruwanata noqawan ruwanki.

Génesis 34:6

Chaykamataj Sichempa tatan Jamorqa Jacobwan parlananpaj rerqa.

Génesis 34:8

Chaywanpis Jamor paykunata nerqa: Churiy Sichem may jinatapuni panaykichejta munakun. Chayrayku ari, churiy paywan casarananta ama jark'akuychejchu.

Génesis 46:7

Jinallataj tukuy churinkukuna, ususinkukuna, tukuy allchhinkukuna ima paywan Egiptoman riporqanku.

2 Samuel 13:21

Kuraj kamachej Davidtaj chay tukuymanta yachaspa, mayta phiñakorqa. Chaywanpis mana Amnonta k'amerqachu kuraj kaj churin kasqanrayku, munakusqanraykutaj.

Salmos 93:5

Tata Dios, tukuy kamachisqaykeqa mana waj jinaman tukuchisqa kayta atinchu. Kamachiyniykeqa wiñay wiñaypaj llimphu.

Proverbios 7:7

Chantá manaraj yuyayniyoj waynakunata purishajta rikorqani. Chaykunamanta ujnintaj aswan wampu kasqanta repararqani.

Jeremías 29:23

Paykunaqa millay mana ruwanata Israelpi ruwarqanku. Runa masinkoj warminwan khuchichakorqanku, sutiypitaj llullakuspa parlarqanku, mana noqa kamachisqallayta. Chayta noqa yachani, rikunitaj. Noqa Tata Diosmin chayta nini.

Levítico 4:13

Sichus tukuy israelitakuna mana yuyasqallamanta juchallikunkuman, nitaj pipis reparanmanchu Tata Diospa kamachisqanmanta ujninta p'akisqankuta chayqa, ajina kajtinpis juchayojpuni kanqanku.

Levítico 4:2

Israelitakunata niy: Sichus pipis mana reparakuspa, Tata Diospa mayqen kamachisqanta p'akispa juchallinman chayqa, kay jinata ruwanqa.

Levítico 4:27

Sichus mayqen runallapis mana reparakuspa, Tata Diospa kamachisqanta p'akispa juchallinman chayqa, juchayojmin kanqa.

1 Corintios 10:8

Ama noqanchejqa paykunamanta wakinkuna jina khuchiriyoman qokunachejchu. Chaypacha khuchiriyoman qokojkunaqa uj p'unchaylla 23.000 wañuchisqa karqanku.

1 Corintios 6:18

Chayrayku qankuna khuchichakuspa purinamanta ayqeychej. Millay khuchiriyopi purina waj juchamanta nisqaqa runaj ukhunpaj astawan llakiyta apamun.

Efesios 5:3

Qankuna ukhupirí khuchiriyopi purina ama kachunchu, nillataj millay kawsay, chayrí qolqemanta wañusqa kana ima. Chay jinata juchallispa purinaqa Diospa ayllun ukhupi mana kananchu.

Deuteronomio 22:20

Chaywanpis sichus chay sipas qharita rejsejña kanman karqa chayqa,

Deuteronomio 22:21

tatanpa wasinmanta jawaman orqhospa, llajtanmanta qharikuna rumiwan ch'anqaykuspa chay warmita wañuchenqanku, chay jina millayta Israel ukhupi ruwasqanrayku, chantá ayllunta p'enqaypi rikhurichisqanraykutaj. Ajinata ruwaspa, qankuna ukhumanta chay jina millay ruwanata chinkachinkichej.

Deuteronomio 23:17

17 (18) Israel ukhupi ni uj warmi, nitaj ni uj qharipis khuchichakoj kanqachu, imaynatachus manakaj dioskunata yupaychajkuna ruwanku, jinaqa.

Colosenses 3:5

Chayrayku ari, ñawpa kawsaypi ima millaytachus ruwaj kankichej, chay munanata wañuchiychej: Amaña khuchichakuspa puriychejchu, nitaj millay kajta ruwaychejchu, nillataj sonqoykichejpa sajra munayninwan, nitaj mana allin kajta munanawan atipachikuychejchu. Jinallataj ama qolqemanta wañusqa kaychejchu, imajtinchus chayqa lantita yupaychaywan ninakun.

1 Timoteo 5:13

Chay jawa wasimanta wasi purispa, qhella kayman yachaykukunku. Chantá mana qhellallachu kanku, astawanqa cuentota apanku. Jinallataj wajkunaj kawsayninkuman sat'ikuspa, imamantachus mana parlanankuta parlanku.

Hebreos 13:4

Casarakunata tukuylla manchay sumaj kasqanta qhawaychej. Jinallataj qhari warmi kajkunapis mana wasanchanakuspa kawsakuychej, imaraykuchus Diosqa khuchichakojkunata, chantá millayta purejkunata ima juzgaspa juchachanqa.

Santiago 3:10

Chay simillanchejwantaj Diosta yupaychanchej, runakunatapis maldicinchej. Wawqe panaykuna, chayqa mana allinchu.

Josué 7:15

Pejpa makinpichá imakunachus phirisqa kanan karqa chay rikhurenqa chayqa, chay runa tukuy ayllunwan, chantá imanchá tiyapun, chaykunawan ima ruphachisqa kanqa. Payqa wañuchisqa kanqa, imajtinchus Tata Diospa trato ruwasqanta p'akispa, Israelpi mana ruwanata ruwarqa, nispa.

1 Pedro 2:9

Qankunarí Diospa ajllakusqan ayllu kankichej, Kuraj Kamachejpa sacerdotenkuna, juchamanta t'aqasqa runakuna, Diospatapuni kanaykichejpaj t'aqasqa ima. Chayrayku qankuna Diospa t'ukuna may sumaj ruwasqanmanta willayta atinkichej, pichus laqhamanta sumaj k'anchayninman wajyasorqachej, chaypa ruwasqanmanta.

Jueces 20:6

Chantá noqaqa warmiypa ayanta khuchuspa, tukuy Israel aylluman aparacherqani, jinamanta tukuyniykichej yachanaykichejpaj kay p'enqayta ruwasqankumanta.