Génesis 34:30 - DIOSPA QHELQACHISQ

³⁰ Jacobtajrí Simeonta, chantá Levitawan nerqa: Qankuna kayta ruwaspa, jatun uma nanayta qowankichej. Kaynejpi tukuy tiyakojkuna, cananeokuna, chantá ferezeokuna ima chejnikuwanqanku. Tantaykukuspataj, noqaj contrayta jamuykonqanku, pisi runayojta rikuwaspataj, noqata, aylluytawan wañuchiwanqanku, nispa.

Qheshwa Biblia DC

³⁰ Jacobtaj Simeonman Levimanwan nerqa: Kunanqa qankuna mana allinman churaykuwankichej. Kaynejpi tukuy tiyakojkuna, cananeos, fereseos ima chejnikuwanqanku. Tantaykukuspataj noqaj contrayta muyuykamuwanqanku, pisi runasniyojta rikuwaspataj wañuchiwanqanku, jinallataj familiaytapis.

DIOSPA QHELQACHISQAN DEUTEROCANONICAL

³⁰ Jacobtajrí Simeonta, chantá Levitawan nerqa: Qankuna kayta ruwaspa, jatun uma nanayta qowankichej. Kaynejpi tukuy tiyakojkuna, cananeokuna, chantá ferezeokuna ima chejnikuwanqanku. Tantaykukuspataj, noqaj contrayta jamuykonqanku, pisi runayojta rikuwaspataj, noqata, aylluytawan wañuchiwanqanku, nispa.

Génesis 34:30 ပူးပေါင်းရင်းမြစ်များ

Génesis 12:12

Egipto llajtayojkunataj qanta rikususpa, nenqanku: Kay warmeqa jaqay qharejpa warmin, nispa. Ajinaqa noqata wañuchiwanqanku, qantarí mana.

Génesis 12:2

Noqataj mirayniykimanta ashkha runayoj jatun suyuta ruwasaj. Saminchasqayki, manchay uyarisqatataj ruwasqayki, qannejtataj wajkunapis saminchasqallataj kanqanku.

Génesis 12:6

Abramqa tukuy chay cheqanejta pasaspa, Sichem nisqa cheqanejman chayarqa, Morepi encina sach'a karqa, chayman. Chaypacha chay cheqanejpi cananeokuna tiyakusharqanku.

Génesis 13:7

Chayrayku Abrampa uywanta michejkuna, chantá Lotpa uywanta michejkunawan ima mayta churanakuspa, maqanakorqanku. Chaypacha chay cheqanejpi cananeokuna, ferezeokuna ima tiyakushallarqankutaj.

Génesis 34:2

Chantá Sichem Dinata rikuspa, mana munashajtin paywan puñuykorqa. Sichemqa heveo llajtayoj Jamorpa churin karqa. Paytaj chay llajtapi kamachej karqa.

Génesis 34:29

Wasikunaman yaykuspataj, tukuy imankuta suwarqanku. Jinallataj warmikunata, wawakunatapis jap'ispa, wata runanku kanankupaj aparqanku.

Génesis 34:31

Paykunatajrí kuticherqanku: Chantá panaykuta sajra purikoj warmita jina imatapis ruwallananchu karqa? nispa.

Génesis 46:26

Jacobwan Egipto suyuman rejkuna sojta chunka sojtayoj karqanku, chay karqa churinkunaj warminkuta mana yupaspa.

Génesis 46:27

Josejpa churinkuna Egiptopi paqarejkunataj iskay karqanku. Ajinamanta Jacobpa ayllun Egiptoman yaykojkuna tukuyninpi qanchis chunka karqanku.

2 Samuel 10:6

Amonitakunaqa yachakorqanku Davidqa paykunapaj phiñasqa kashasqanta. Chayrayku qolqeta pagaspa mink'akorqanku 20.000 soldadokunata Siriamanta, Bet Rejobpi kajkunamanta, chantá Sobapi kajkunamantawan. Mink'akullarqankutaj kuraj kamachej Macamanta 1.000 soldadonkunata, Istobmantataj 12.000 soldadokunatawan.

2 Samuel 16:21

Ajitofeltaj Absalonman kuticherqa: Tatayki kamachinan wasita qhawanankupaj saqerqa, chay ujnin warminkunawan puñuykamuy. Ajinamanta tukuy israelitakuna tataykiwan phiñanakusqaykita yachanqanku. Jinamanta astawan kallpachakonqanku qanman kutisqa kashanku, chaykunaqa, nispa.

1 Reyes 11:25

Salomón kawsanankama Rezonqa Israelpa contranpi karqa. Siriata kuraj kamachej Hadadwan khuska Salomonta mana allintachu ruwarqa.

1 Reyes 18:18

Eliastajrí kuticherqa: Mana noqachu Israel suyuta sinch'i llakiyman churani. Aswanpis qanwan, tataykej ayllunwan Tata Diospa kamachisqanta saqerpayankichej, Baal nisqa lantita yupaychaspataj, Israel suyuta sinch'i llakiyman churankichej.

1 Crónicas 16:12

Jatuchaj t'ukuna ruwasqanmanta yuyarikuychej, kamachisqankunata qowasqanchejmantapis.

1 Crónicas 16:19

Chaypacha paykuna pisilla karqanku, waj llajtayoj jina kay pachapi.

1 Crónicas 19:6

Amonitakunaqa David paykunapaj manchay phiñasqa kashasqanta yachakorqanku. Chayrayku Janunwan, amonitakunawan ima 660 quintal qolqe metalta tantarqanku, chaywantaj Mesopotamiamanta, Siriamanta, Macamanta, Sobamanta ima carretakunata, caballopi purej soldadokunatawan mink'amorqanku.

1 Crónicas 2:7

Carmij churenqa Achán sutiyoj karqa. Paymin israelitakunata llakiyman churarqa, imatachus Tata Dios kamacherqa kantumanta chinkachinankuta, chaymanta wakinta pakaykuspa.

Salmos 105:12

Paykuna pisilla karqanku, Canaanpi waj llajtayoj jina purispa.

Éxodo 5:21

Jinapi jilaqatakuna nerqanku: Tata Dios qankunaj ruwasqaykichejta allinta qhawachun. Qankuna juchayoj kankichej faraonwan, yanapajninkunawan ima astawan chejninawaykupaj. Kunantaj qankunaj nisqaykichejrayku paykuna espadawan wañuchiwasqayku, nispa.

Proverbios 11:17

Khuyakuyniyoj runaqa pay kikinpaj allinta ruwakun. Phiña mana sonqoyoj runarí pay kikillanpajtaj mana allinta mask'akun.

Proverbios 11:29

Ayllunta mana allinta qhawajqa mana imayojman tukonqa, wampu runataj yachayniyojpa wata runallanpuni kanqa.

Proverbios 15:27

Pichus mana allinta ruwaspa qhapajyayta munajqa ayllunta mana allintachu ruwan. Pichus lluk'ichikuyta qhesachajrí unayta kawsanqa.

Deuteronomio 4:17

Nillataj kay pachapi kaj animalkunaman rijch'akojta, nitaj phawajkunaman rijch'akoj lantita ruwankichejchu.

Deuteronomio 4:27

Tata Diosqa waj suyukunaman ch'eqerachisonqachej, chay jallp'apitaj pisillaña qhepakunkichej.

Deuteronomio 7:7

Tata Diosqa qankunata munakususqanrayku ajllakusorqachej, mana waj llajtayojkunamanta nisqa aswan ashkha kasqaykichejraykuchu. Qankunaqa paykunamanta nisqa mana kasu ruwana karqankichej.

Josué 7:25

Chantá Josué Achanta nerqa: Imarayku qan kay jina llakiyman churawarqaykuri? Kunanqa Tata Dios qanpa pataykiman chay llakiyllatataj urmachimuchun, nispa. Chayta nisqantawan, tukuy israelitakuna Achanta, aylluntawan ima rumiwan ch'anqaykuspa, wañucherqanku, jinaytawantaj ruphaykucherqanku.

1 Samuel 13:4

Tukuy israelitakuna yacharqanku Saulqa filisteokunaj qhawaj soldadonkunawan maqanakuspa wañuchisqanta, chayraykutaj filisteokunaqa israelitakunata manchayta chejnikusqankuta. Chayrayku israelitakunaqa Gilgalpi Saulwan tantakorqanku.

1 Samuel 16:2

Samueltajrí taporqa: Imaynatataj riymanri? Saúl risqayta yachaspaqa, wañuchiwanqa, nispa. Chantá Tata Dios kuticherqa: Uj malta wakata aysariykukuspa, niy: Tata Diosman uywata ñak'aspa q'olachinata jaywaj jamuni, nispa.

1 Samuel 27:1

Chaywanpis David sonqonpi nerqa: Saulqa mayk'ajllapis wañuchiwanman. Chayrayku, amaña tukuy Israel jap'iypi mask'anawanpaj, aswan allin kanman Filistea suyuman ayqekunay. Ajinata Saulmanta ayqekusaj, nispa.

1 Samuel 27:12

Aquistaj Davidpi atinikuspa, sonqonpi nej: Davidqa israelitakunawan astawan chejnichikushan. Jina chayqa, tukuy tiempo kamachillaypuni kanqa, nispa.