Génesis 34:3 - DIOSPA QHELQACHISQ

³ Chaywanpis Sichempa sonqonman Dina yaykusqanrayku, payta anchatataj munakorqa. Chayrayku Dinaj sonqonta suwayta munaspa, atisqanta ruwarqa.

Qheshwa Biblia DC

³ Chaywampis anchatapuni munapayarqa Leaj wawan Dinata casarakuytapuni munaspa, imaymanatataj ruwarqa munachikuyta munaspa.

DIOSPA QHELQACHISQAN DEUTEROCANONICAL

³ Chaywanpis Sichempa sonqonman Dina yaykusqanrayku, payta anchatataj munakorqa. Chayrayku Dinaj sonqonta suwayta munaspa, atisqanta ruwarqa.

Génesis 34:3 ပူးပေါင်းရင်းမြစ်များ

Génesis 34:2

Chantá Sichem Dinata rikuspa, mana munashajtin paywan puñuykorqa. Sichemqa heveo llajtayoj Jamorpa churin karqa. Paytaj chay llajtapi kamachej karqa.

Génesis 34:4

Jinapi Sichemqa tatan Jamorta nerqa: Mañaqampuway chay sipasta, imaraykuchus paywan casarayta munani, nispa.

Génesis 50:21

Chayrayku ama manchachikuychejchu. Noqaqa qankuna, jinataj wawaykichejkuna kawsanankupaj mikhunata qollasqaykichejpuni, nispa. Ajinata Joseqa wawqenkunata sonqocharqa, imaraykuchus manchay k'achata parlapayaykorqa.

2 Samuel 19:7

7 (8) Kunan llojsispa, kamachiykikunata sonqochamuy, manachayqa Tata Diospa sutinrayku tiluni: Kunan ch'isi kutimojkunamanta mana uj runallapis qanwan qhepanqachu. Chayqa aswan jatun llakiy kanman qanpaj, wayna kasqaykimantapacha tukuy llakiykuna qhatarisusqanmantaqa, nispa.

2 Crónicas 30:22

Ezequiastaj levitakunata tukuy sonqowan Tata Diosta kamachinpi ruwajta rikuspa, sumajta parlaykuspa, sonqonkuta pataman oqharerqa. Qanchis p'unchay junt'ata ñawpa tatankoj Tata Diosninkuta yupaycharqanku, chantá ñak'asqa uywakunata jaywasqankumanta, allinyakuna jaywanamantawan mikhorqanku.

Isaías 40:2

K'acha simiwan Jerusalenman parlaykuspa, wata runa kananku tukukapusqanta niychej. Willallaychejtaj juchanku pampachasqaña kasqanta. Tata Diosqa chay juchankumanta uj jinatawan paykunata jasut'inña, nispa.

Oseas 2:14

14 (16) Chaywanpis aswan qhepaman noqaqa sonqonta ujtawan suwasaj. Ch'insitunejman payta pusaspa, sonqonman may misk'ita parlaykusaj.

Oseas 2:16

16 (18) Chaypacha: Qosaymin kanki, nispa niwanqa, manañataj niwanqachu: Baal diosníy, nispa. Chayta noqa Tata Diosmin nini.

Jueces 19:3

Chaymantataj levitaqa kamachinta pusariykukuspa, iskay burrotawan qhatispa, warminta mask'amoj rerqa, paywan kutimpunanpaj parlapayamoj. Belenman chayajtintaj, warmenqa tatanpa wasinman pusaykorqa.

Rut 1:14

Chayta uyarispa, Orfawan Rutwan watej khuyayta waqarikullarqankutaj. Chantá Orfaqa suegranta much'aykuytawan, llajtanman kutiporqa. Ruttajrí paywan qhepakaporqa.

1 Samuel 18:1

David Saulwan parlayta tukusqantawan, Jonatanqa Davidta mayta q'ayachakuyta qallarerqa. Chayrayku Davidta pay kikinta jinapuni munakorqa.