Génesis 33:4 - DIOSPA QHELQACHISQ

⁴ Esautajrí phawarispa, Jacobta taripaj rerqa. Chantá ojllaykuspa much'aykorqa. Jinapi iskayninku waqarikorqanku.

Qheshwa Biblia DC

⁴ Esautaj corrispa Jacobta kunkanmanta ojllaykuspa much'aykorqa. Jinaytawantaj iskayninku waqarikorqanku.

DIOSPA QHELQACHISQAN DEUTEROCANONICAL

⁴ Esautajrí phawarispa, Jacobta taripaj rerqa. Chantá ojllaykuspa much'aykorqa. Jinapi iskayninku waqarikorqanku.

Génesis 33:4 ပူးပေါင်းရင်းမြစ်များ

Génesis 29:11

Chaymanta Jacobqa Raquelta uyanpi much'aykuspa napaykorqa, chantá mayta waqayta qallarerqa.

Génesis 29:13

Jinataj Labanqa pananpa churin jamusqanta yachaspa, usqhay usqhayta Jacobta taripaj rerqa. Chantá Labán Jacobta taripaytawan, ojllaykuspa much'aykorqa, chaymantataj wasinman pusarqa. Chaypitaj Jacob paywan imachus kasqanta Labanman willarqa.

Génesis 32:11

11 (12) Chayrayku, Tata Diosníy, wawqey Esaú mana allinta ruwanawanmanta waqaychaway. Manchachikuni pay jamuspa, noqata, warmiykunata, chantá wawaykunatapis wañurachinanta.

Génesis 32:28

28 (29) Chay runataj nerqa: Kunanmantaqa manaña Jacobchu sutiyki kanqa. Kaymanta qhepaman sutiyki “Israel” kanqa, imaraykuchus Dioswan, chantá runakunawan ima maqanakorqanki, atiparqankitaj, nispa.

Génesis 43:30

José sullk'anta rikukapuspa, yaqhapuni waqaywan atipachikorqa, imaraykuchus kusiymanta sonqon wawayarqa. Chayrayku usqhayllata puñunan cuartoman yaykuspa, waqarikorqa.

Génesis 43:34

Josetaj mikhunata jaywasqankumanta tukuyninkuman jaywacherqa. Benjaminmanrí uj phishqa jinatawan astawan yapasqata jaywarqa. Jinata José wawqenkunawan khuska manchay kusisqa mikhorqa, ujyarqa ima.

Génesis 45:2

Chantá José jatunmanta jik'un jik'unta waqarikorqa. Waqarikusqantaqa Egipto llajtayojkunapis uyarerqanku, jinallataj faraonpa wasinpi kajkunapis yachallarqankutaj.

Génesis 46:29

Joseqa Gosenman tatanta taripaj rinanpaj carretanta wakichipunankuta kamacherqa. Chantá José tatanwan tinkuspa, ojllaykorqa, tatan ojllarisqataj unayta waqarqa.

2 Samuel 14:33

Chantá Joabqa kuraj kamachej Davidman rispa, Absalonpa nisqanta willamorqa, kuraj kamachejtaj Absalonta wajyacherqa. Absalonqa kuraj kamachejpa ñawpaqenman yaykuspa, pampakama k'umuykukorqa. Kuraj kamachejtaj Absalonta much'aykorqa.

Nehemías 1:11

Chayrayku mañarikuyki ari, Tukuyta Kamachej Diosníy, mañakususqayta uyariway. Qhaparikamususqaykutapis uyariwayku, pikunachus sutiykita mayta jatunchayta munayku. Mañakullaykitaj tukuy imapi allin rinawanta, jinallataj kay Persia suyoj kuraj kamachejninpa khuyakuyninta tariyta atinaypaj, nispa. Ajinata Diosmanta mañakorqani. Chaypacha noqaqa kuraj kamachej Artajerjespa copa jaywajnin karqani.

Job 2:12

Job tiyakorqa, chaynejman chayaspataj, karullamantaraj ñak'ayllata Jobta rejserqanku. Chayrayku qhaparispa, waqarqanku, p'achankutapis llik'irakorqanku, jallp'atataj umankuman qhallirakorqanku.

Salmos 34:4

4 (5) Tata Diosta qhaparikorqani, paytaj uyariwarqa, jinataj tukuy manchachikusqaymanta pay librawarqa.

Proverbios 16:7

Maypachachus pipis imaynatachus kawsasqanwan Tata Diosta kusichin chaypacha, Tata Diosqa chay runaj awqankunatapis paywan allin kawsayman churanqa.

Proverbios 21:1

Kuraj kamachejpa imatachus yuyasqanqa Tata Diospa makinpi mayu jina, Tata Diostaj maynintachus munasqanman jina pusan.

San Lucas 15:20

Sayariytawantaj, waynaqa tatanpaman kutipusqa. Karullapiraj kashajtintaj, tatanqa wawanta rikuspa, mayta khuyarikusqa. Chantá usqhayta taripamuspa, wawanta ojllaykusqa, much'aykusqataj.

Hechos 20:37

Chantá tukuyninku waqarikorqanku, Pablota ojllaykuspataj, much'aykorqanku.

1 Samuel 20:41

Majt'illo ripojtinkama, Davidqa pakakusharqa, chaymanta llojsimuspa, Jonatanpa ñawpaqenpi kinsa kutita pampakama k'umuykukorqa. Chaymantataj ojllanaykukuspa, iskayninku waqanakorqanku, Davidpa sonqon tiyaykunankama.