Génesis 33:10 - DIOSPA QHELQACHISQ

¹⁰ Jacobtajrí nillarqapuni: Sichus cheqapuni sonqoyki noqapaj allin chayqa, ama jina kaspa, imatachus qosusqayta jap'ikullaway. Qanta rikuspaqa, kikin Diostapis rikushayman jina kani, imaraykuchus ima munayta jap'iwanki.

Qheshwa Biblia DC

¹⁰ Jacobqa nillarqapuni: Sichus noqapaj k'acha kanki chayqa, jap'ikullaway kay qosusqasniyta, qanta rikuspaqa kikin Diostapis rikushayman jina kani, qan may k'acha sonqowan suyawasqaykirayku.

DIOSPA QHELQACHISQAN DEUTEROCANONICAL

¹⁰ Jacobtajrí nillarqapuni: Sichus cheqapuni sonqoyki noqapaj allin chayqa, ama jina kaspa, imatachus qosusqayta jap'ikullaway. Qanta rikuspaqa, kikin Diostapis rikushayman jina kani, imaraykuchus ima munayta jap'iwanki.

Génesis 33:10 ပူးပေါင်းရင်းမြစ်များ

Génesis 19:19

Qankuna kunankama anchatapuni khuyarikuwankichej. Noqawan may k'acha kasqaykichejraykutaj, wañunaymanta kacharichiwankichej. Noqarí mana orqoman ayqeyta atiymanchu. Mana allin kajqa ñanllapiraj taripawanman, wañuymantaj.

Génesis 32:30

30 (31) Chantá Jacob chay cheqata “Peniel”, nispa suticharqa, nerqataj: Diospa uyanta rikuni, chaywanpis kawsashaniraj, nispa.

Génesis 33:11

Waqeta aparimususqayta jap'ikullaway. Tata Dios yanapawasqanrayku tukuy imayoj kani, manataj imapis pisiwanchu, nispa. Chay jinatapuni Jacob nisqanrayku, Esaú jap'ikorqa.

Génesis 33:9

Chantá Esaú nerqa: Mana wawqéy, noqajtaqa tiyapullawan. Qanpata kajqa qanpallata kachun, nispa.

Génesis 43:3

Judatajrí nerqa: Ña niykuña, chay wiraqocheqa sut'ita niwasqaykuta. Pay niwarqayku: Sichus sullk'aykichejta mana pusamuwankichejchu chayqa, ama kutimuwankichejchu, nispa.

Génesis 47:29

Ujpacha Israelqa wañupunan qayllallaña kasqanta reparaspa, Joseta wajyachispa, nerqa: Sichus cheqatapuni munakuwanki chayqa, makiykita khapay chayman churaspa, tiluy imatachus nisusqayta ruwanaykita: Wañupojteyqa, ama ari Egiptopi p'ampawankichu.

Génesis 50:4

Wañojmanta yuyarikuspa, llakikuna p'unchay junt'akojtintaj, Joseqa faraonpa kamachinan wasipi kaj kamachikunawan parlarqa: Ama jina kaspa, tatay imatachus niwasqanta faraonman parlaripuwaychej.

2 Samuel 14:24

Kuraj kamachejtajrí kamacherqa Absalonqa wasinman cheqanta ripunanta. Chayrayku Absalonqa wasinman riporqa, manataj kuraj kamachejpa wasinman yaykorqachu.

2 Samuel 14:28

Iskay watata Absalonqa Jerusalenpi tiyakorqa, manataj kuraj kamachejta watukoj riyta atejchu.

2 Samuel 14:32

Absalontaj kuticherqa: Wajyachimorqayki kayman jamunaykita kuraj kamachejman kachasunaypaj, niripunawaykipaj: Imapajtaj Gesur llajtamanta kutichimuwarqanki? Noqamantaqa aswan walej kanman karqa chayllapi qhepakunay, nispa. Kuraj kamachejwan tinkuytapuni munani. Sichus imapi juchayoj kayman chayqa, wañuchiwachun, nispa.

2 Samuel 3:13

Davidtaj kuticherqa: Walej kanman qanwan tratota ruwananchej, kay nisusqayta ruwanayki kajtenqa: Jamuwaspaqa, pusamunawaykipuni tiyan Saulpa ususin Micalta, nispa.

Job 33:26

Diosmanta mañakonqa, Diostaj uyarenqa. Kusisqa Diospa uyanta qhawarenqa, Diostaj watej mana juchayojpaj qhawanqa.

Salmos 41:11

11 (12) Sichus awqaykuna mana atipawankuchu chayqa, ajinamanta yachasaj qanqa noqawan kusisqa kasqaykita.

Jeremías 31:2

Tata Dios nillantaj: Pikunachus maqanakupi wañunamanta llusp'ejkunata ch'innejpi khuyakorqani, Israel ayllukuna samarikuyta mask'ashajtinku, nispa.

San Mateo 18:10

Qankunaqa kay juch'uykunamanta ama mayqentapis pisipaj qhawankichejchu, imaraykuchus noqa niykichej: Paykunaj angelninkoqa janaj pachapi Tata Diosniypa uyanta qhawashankupuni.

Apocalipsis 22:4

Paykuna Diospa uyanta rikonqanku, sutintaj mat'inkupi qhelqasqa kanqa.

Rut 2:10

Ruttaj pampakama k'umuykuspa, Boozta taporqa: Noqa mana Israel llajtayoj kashajtiypis, imaraykutaj mayta khuyakuwankiri, may k'achataj kankiri? nispa.

1 Samuel 20:3

Davidtajrí nillarqapuni: Tataykeqa yachan qanwan noqawan sumajta kawsakusqanchejta. Chayrayku mana willasunkichu ama qan llakikunaykipaj. Tata Diospa sutinrayku, qanpa sutiykiraykupis tiluni wañuy patapi kashasqayta, nispa.