Génesis 32:29 - DIOSPA QHELQACHISQ

²⁹ 29 (30) Chaymanta Jacob taporqa: Qanpa sutiykirí, imataj? nispa. Chay runataj nerqa: Imapajtaj sutiyta tapuwankiri? nispa. Jinata nispataj, Jacobta samincharqa.

Qheshwa Biblia DC

²⁹ Chaymanta Jacobqa taporqa: Qampa sutiykiri imataj?, nispa. Chay qharitaj nerqa: Imapajtaj qan sutiyta watuwankiri?, nispa. Jinata nispataj chay kikimpi Jacobta bendicerqa.

DIOSPA QHELQACHISQAN DEUTEROCANONICAL

²⁹ 29 (30) Chaymanta Jacob taporqa: Qanpa sutiykirí, imataj? nispa. Chay runataj nerqa: Imapajtaj sutiyta tapuwankiri? nispa. Jinata nispataj, Jacobta samincharqa.

Génesis 32:29 ပူးပေါင်းရင်းမြစ်များ

Génesis 17:5

Jinataj sutiykeqa manaña Abramchu kanqa. Manachayqa kunanmanta qan Abraham sutiyoj kanki, imaraykuchus ashkha runaj tatanku kanaykipaj churasqayki.

Génesis 35:10

Nerqataj: Sutiykeqa Jacob. Kunanmantarí manaña jinachu sutiyki kanqa. Aswanpis sutiyki “Israel” kanqa, nispa. Ajinata Dios Jacobta waj sutiwan suticharqa.

Génesis 35:9

Chaymanta qhepaman Jacob Padán Arammanta kutimushajtin, ujtawan Dios payman rikhurerqa, chantá payta samincharqa.

1 Reyes 18:31

Chantá Eliasqa chunka iskayniyoj rumikunata oqharerqa, Jacobpa churinkuna mashkhachus karqanku, chayman jina. Chay Jacobtaqa Tata Dios nisqa: Sutiykeqa Israel kanqa, nispa.

2 Reyes 17:34

Paykunaqa unay ruwaj kanku, jinata kunankamapis ruwashallankupuni. Tata Diosta mana yupaychankuchu, nitaj nisqanta, kamachisqanta, yachachisqanta ima kasunkuchu. Israel sutiwan sutichasqa Jacobpa mirayninman Tata Dios kamachisqakunata qosqanta, jinataj yachachisqanta mana kasunkuchu.

1 Crónicas 1:34

Abrahamqa Isaacpa tatan karqa. Isaacpa churinkunataj karqanku: Esaú, Israel ima.

Job 11:7

Diospa pakasqa imankunata tariyta atiwajchu? Tukuy Atiyniyoj Dios jina mana pantayniyoj kawajchu?

Proverbios 30:4

Pitaj janaj pachaman wicharerqa, urayk'amorqatajri? Pitaj wayrata makinpi q'apiyta atinmanri? Pitaj mama qochata llijllapi q'epichaykorqari? Pitaj kay pachaj mojonninkunata churarqari? Chaytachus yachanki chayqa, willaway: Imataj paypa sutinri? Imataj churinpa sutinpisri?

Isaías 9:6

6 (5) Uj qhari wawa paqaripuwanchejña, Diostaj uj qhari wawata qowanchej. Kamachinanpaj jatun ateyqa paywan kanqa. Paytataj sutichanqanku: May K'acha Yuyaychaj, Tukuy Atiyniyoj Dios, Wiñay Kawsayniyoj Tata, Allin Kawsayta Apamoj Kamachej ima.

Oseas 6:1

Jamuychej, Tata Diosman kutirikunachej. Paymin mitharpariwarqanchej, jinapis payllataj jampikapuwasunchej. Pay k'iriwarqanchej chaypis, payllataj qhaliyachiwasun.

Números 20:14

Cadesmantapacha Moisesqa Edom suyuta kuraj kamachejman kachakunata kacharqa, ajinata nichispa: Yawar masiyki israelitakuna nisunku: Qan allinta yachanki ñanta jamushajtiyku, imachus qhatiriwasqaykuta.

San Lucas 1:19

Angeltaj kuticherqa: Noqaqa Gabriel kani, jinataj Diospa ñawpaqenpipuni kashani. Paymin kay sumaj willayta willasunaypaj kachamuwan.

Deuteronomio 29:29

Pakasqa imakunaqa Tata Diosninchejpata kashan. Diosninchej sut'inchawasqanchejrí noqanchejpata, wawanchejkunajtawan ima wiñaypaj kanku, tukuy chay kamachisqakunata junt'ananchejpaj.