Génesis 32:11 - DIOSPA QHELQACHISQ

¹¹ 11 (12) Chayrayku, Tata Diosníy, wawqey Esaú mana allinta ruwanawanmanta waqaychaway. Manchachikuni pay jamuspa, noqata, warmiykunata, chantá wawaykunatapis wañurachinanta.

Qheshwa Biblia DC

¹¹ Chayrayku Señorníy, libraway ari wauqey Esaupa makinmanta. Manchachikuni jamuspa wañuchinawanta; warmisniyta, chanta wawasniytapis wañurachinanta.

DIOSPA QHELQACHISQAN DEUTEROCANONICAL

¹¹ 11 (12) Chayrayku, Tata Diosníy, wawqey Esaú mana allinta ruwanawanmanta waqaychaway. Manchachikuni pay jamuspa, noqata, warmiykunata, chantá wawaykunatapis wañurachinanta.

Génesis 32:11 ပူးပေါင်းရင်းမြစ်များ

Génesis 24:27

Patronniy Abrahampata Tata Diosnin, yupaychasqa kay, imajtinchus qanqa patronniywan k'acha karqanki, jinataj nisqaykita junt'anki. Qanllamin ayllunpa wasinman pusamuwarqanki, nispa.

Génesis 27:41

Chaymantapacha Esauqa Jacobta manchayta chejnikorqa, tatan payta saminchasqanmanta, nerqataj: Tatayqa ñapis wañuponqaña. Chaymanta qhepaman sullk'ay Jacobta wañurpachisaj, nispa.

Génesis 27:42

Rebecarí wawan Esaú imatachus nishasqanta yachaytawan, Jacobta wajyachimuspa, nerqa: Kurajniyki Esaú qanta wañuchisuyta yuyashasqa.

Génesis 32:3

3 (4) Chaynejmanta Jacobqa Seirman, Edom chaynejman willajkunata kacharqa, pay kutimpushasqanta wawqen Esauman willanankupaj.

Génesis 32:7

7 (8) Chayta uyarispa, Jacob mayta mancharikorqa, phutikorqataj. Chantá paywan jamoj runakunata iskayman t'aqararqa. Jinallataj wakakunata, ovejakunata, camellokunatawan t'aqallarqataj.

Génesis 33:4

Esautajrí phawarispa, Jacobta taripaj rerqa. Chantá ojllaykuspa much'aykorqa. Jinapi iskayninku waqarikorqanku.

2 Samuel 7:18

Chaypacha kuraj kamachej Davidqa Tata Diospa ñawpaqenman yaykuspa, nerqa: Tukuyta Kamachej Tata Dios, pitaj noqa kasqani, pitaj aylluypis kasqa, kayta noqawan ruwanaykipaj?

Salmos 119:134

Kallpankuman atinikuspa ñak'arichejkunamanta kacharichiway, imajtinchus kamachisqaykita kasuyta munani.

Salmos 142:6

6 (7) Qhaparikamususqayta uyariway, imaraykuchus ancha pisi kallpa kashani. Chejnikuspa qhatiykachawajkunamanta kacharichiway, imaraykuchus paykuna noqamanta nisqaqa aswan kallpayoj kanku.

Salmos 16:1

(1b) Waqaychaway Diosníy, imaraykuchus qanpi atinikuni.

Salmos 25:20

Waqaychaway, qhespichiwaytaj. Ama p'enqachisqa rikhurinayta saqewaychu, imaraykuchus qanpi atinikuni.

Salmos 31:2

2 (3) Uyaririllaway, usqhayllata yanapawaj jamuy. Qan noqapaj jark'akuwaj chhanka jina kay ari. Pakakunay sinch'i pukara wasi jinataj kay.

Salmos 43:1

Justiciata ruwaway, Diosníy. Qanta mana manchachikojkunamanta jark'away. Millayta ruwaspa purejmanta, ch'awka runamantawan waqaychaway.

Proverbios 18:19

Phiñachisqa wawqeqa sumaj jark'achasqa llajta jina, mana yaykuy atina. Wawqepura phiñanakuytaj rejillayoj punku jina t'aqan.

Daniel (hebreo) 3:17

Noqayku yupaychayku, chay Diosniykumá nina lawrashaj hornoman wijch'uykuwasqaykumanta qhespichiyta atiwayku. Jinallataj qan mana allin kajta ruwanawaykuta yuyashanki, chaymantapis kacharichiwasqayku.

Oseas 10:14

Chayrayku qankuna ukhupi ch'ajwa sayarenqa. Jark'achasqa wasiykichejkunapis pampachasqa kanqanku, imaynatachus kamachej Salmanpa soldadonkuna maqanakupi Bet Arbelta chinkachisqanku, ajinata. Chaypacha mamakunata wawakunata ima ch'allparqanku.

San Mateo 6:13

Chantá juchallinaman tanqasqa kashajtiyku, ama kasojta saqewaykuchu, manachayqa jark'awayku Supayta kasunaykumanta. Kayta mañarikuyku, imaraykuchus qanmin Tukuyta Kamachej kanki, tukuy atiyniyojtaj, tukuypaj jatunchasqataj wiñay wiñaynintinpaj. Ajina kachun, nispa.

Deuteronomio 22:6

Sichus pipis purispa sach'api chayrí pampapi p'isqo thapata irpayojta chayrí runtuyojta, mamantataj ojllashajta tarikunman chayqa, ama mamanta irpantinta ima apakaponqachu,

1 Samuel 12:10

Chaypacha paykunaqa Tata Diosman qhaparikorqanku: Juchalliyku, imajtinchus qanta saqerparispa, Baal lantikunata, Astarot lantikunatawan yupaycharqayku. Awqaykukunaj makinkumanta kacharichiwayku, noqaykutaj qanllata yupaychasqayku, nispa.

1 Samuel 24:15

15 (16) Chayrayku Tata Dios iskayninchejmanta yachachun. Nichuntaj pichus juchayoj kasqanchejta. Payllataj qanmanta jark'akuwachun, nispa.