Génesis 32:10 - DIOSPA QHELQACHISQ

¹⁰ 10 (11) Tata Dios, noqaqa mana yanapanawaykipaj jinachu kani, nillataj k'acha kayniykiwan qhawanawaykipaj jinachu. Noqaqa Jordán mayuta ni imayoj, varay oqharisqalla chimpamorqani, kunanrí iskay jarayojña kapuni.

Qheshwa Biblia DC

¹⁰ Mana cheqa kayniykiwan khuyanawaykipaj jinachu kani. Noqa Jordán mayuta chimpamorqani ni imawan, tojnuy oqharisqalla; kunanqa tiyapuwan iskay jaras.

DIOSPA QHELQACHISQAN DEUTEROCANONICAL

¹⁰ 10 (11) Tata Dios, noqaqa mana yanapanawaykipaj jinachu kani, nillataj k'acha kayniykiwan qhawanawaykipaj jinachu. Noqaqa Jordán mayuta ni imayoj, varay oqharisqalla chimpamorqani, kunanrí iskay jarayojña kapuni.

Génesis 32:10 ပူးပေါင်းရင်းမြစ်များ

Génesis 18:27

Chantá Abraham Tata Diosta ujtawan nillarqataj: Qanqa Diosmin kanki, noqataj mana ni imachu kani. Chaywanpis ama jina kaspa, mañakusqayta uyariway ari.

Génesis 24:12

Chantá kamacheqa Diosmanta mañarikorqa: Tata Dios, patronniy Abrahampata Diosnin, mañarikuyki allin rinawanpaj yanapanawaykita. Patronniyta khuyaspa, k'acha kasqaykita rejsichikuy ari.

Génesis 24:27

Patronniy Abrahampata Tata Diosnin, yupaychasqa kay, imajtinchus qanqa patronniywan k'acha karqanki, jinataj nisqaykita junt'anki. Qanllamin ayllunpa wasinman pusamuwarqanki, nispa.

Génesis 28:13

Jinallataj Jacob rikorqa paypa ñawpaqenpi Tata Dios sayaspa, nishajta: Noqa Tata Dios kani, jatun tatayki Abrahampata chantá tatayki Isaacpatawan Diosnin. Maypichus puñushanki, chay jallp'ata qanman qosqayki, jinallataj mirayniykimanpis.

Génesis 28:15

Noqa qanwan kashani. Maymanpis rejtiyki, noqa waqaychasqayki, kutichimusqaykitaj kay jallp'aman. Mana saqerparisqaykichu, qanman imatachus nisqayta junt'anaykama, nispa.

Génesis 30:43

Ajinata Jacob maytapuni qhapajyaykorqa. Tiyaporqa may chhika ovejakuna, wata runakuna, camellokuna chantá burrokuna ima.

Génesis 31:3

Jinallataj Tata Dios Jacobta nerqa: Kutipuy tataykej llajtanman, maypichus aylluyki kashan, chayman. Noqataj qanwan kasaj, nispa.

Génesis 32:5

5 (5) Tiyapuwan wakakuna, burrokuna, ovejakuna, warmi kamachikuna, qhari kamachikuna ima. Chayta willachimuyki, wiraqochíy, chayman chayamojtiy, allin sonqollawan jap'inawaykipaj, nispa.

Génesis 32:7

7 (8) Chayta uyarispa, Jacob mayta mancharikorqa, phutikorqataj. Chantá paywan jamoj runakunata iskayman t'aqararqa. Jinallataj wakakunata, ovejakunata, camellokunatawan t'aqallarqataj.

2 Samuel 17:24

Davidqa Majanayin llajtaman chayarqa, chaykamataj Absalonqa Jordán mayuta tukuynin israelita soldadonkunawan chimparqa.

2 Samuel 7:18

Chaypacha kuraj kamachej Davidqa Tata Diospa ñawpaqenman yaykuspa, nerqa: Tukuyta Kamachej Tata Dios, pitaj noqa kasqani, pitaj aylluypis kasqa, kayta noqawan ruwanaykipaj?

Job 17:9

Allin runakunaqa nisqankumanta mana kuyurinkuchu, mana suwakojkunataj sumajta kallpachakunku.

Job 8:7

Ñawpajta imaykichus tiyapusorqa, chaykunaqa mana imachu kanqa, qhepaman tiyapusonqa chaykunamanta nisqaqa.

Salmos 16:2

Nerqayki: Qanmin Tata Dios, Kuraj Kamachejniy kanki. Tukuy allin kajta jap'isqayqa qanmantamin jamun, nispa.

Salmos 18:35

35 (36) Tata Dios, qanmin noqaman sayakuspa qhespichiwanki. Paña makiykiwan ama urmanaypaj jap'iykuwanki, k'acha kayniykiwantaj jatunchawanki.

Salmos 61:7

7 (8) Kuraj kamachejqa Diospa saminchasqanwan kamachillachunpuni. Munakuywan, cheqan kaywan imataj payta waqaychay.

Salmos 8:5

5 (6) Qanqa angelkunamanta tumpa pisillata ruwarqanki, payta jatunchaspataj, respetowan qhawanapaj jina pilluwan jina pilluykucherqanki.

Salmos 84:7

7 (8) Paykunaj kallpankoqa astawan, astawan yapakonqa, Sionpitaj atiyniyoj Diosta rikonqanku.

Salmos 85:10

10 (11) Munakuywan, cheqa kajwan tinkonqanku, cheqan kaywan, sonqo tiyaykusqa kaywantaj much'anakonqanku.

Proverbios 4:18

Cheqan runakunaj kawsayninkoqa inti llojsimushaj jina k'ancharin, p'unchayamusqanman jinarí astawan k'ancharirin.

Isaías 6:5

Chantá nerqani: Ay, imanasajtaj? Kunanqa wañusajchari, imaraykuchus mana allin parlaj runa kaspapis, jinataj mana allin parlayniyoj runakunaj chawpinkupi tiyakushaspa, ñawiywan Tukuy Atiyniyoj Tata Diosta rikuni, nispa.

Isaías 63:7

Noqaqa Tata Diospa khuyakuyninmanta yuyarikusajpuni, tukuy imata ruwasqanmantapis payta yupaychasaj. Mayta kusikullasajtaj jatuchaj k'acha imakunata Israelpaj ruwasqanmanta jatun khuyakuyninman jina, munakuyninman jinataj.

Miqueas 7:20

Tata Dios, Jacobman imatachus nisqaykita ama qonqaychu, nitaj Abrahamta khuyakusqaykitapis, imaynatachus ñawpa tataykuman tiluspa nerqanki, ajinata.

San Lucas 17:10

Ajinallatataj qankunapis Diospa tukuy kamachisqanta ruwayta tukuytawankama, ninaykichej: Mana walej kamachichu kanchej, imaraykuchus ruwanallanchejta junt'anchej, nispa.

San Lucas 5:8

Chayta rikuytawan, Simón Pedroqa qonqoriykukuspa, Jesusta nerqa: Tukuyta Kamachej, noqamanta ithirikuy, imaraykuchus juchasapa kani, nispa.

2 Corintios 12:11

Noqa kikiymanta parlaspaqa, mana yuyayniypichu kashaymanpis jina parlarqani. Chaytarí qankunallataj parlachiwarqankichej. Mana imachu kani chaypis, noqaqa mana imapipis aswan pisichu kani, pikunachus yuyakunku Jesucristoj may sumaj kuraj kachankuna kasqankuta, chaykunamanta nisqaqa. Chayrayku qankunamin noqata jatunchanawaykichej karqa.

Deuteronomio 8:18

Aswanpis Tata Diosniykichejmanta yuyarikuychejpuni, imaraykuchus paymin tukuy imata tarispa, qhapajyanaykichejpaj kallpata qosunkichej. Ajinatamin payqa ñawpa tataykichejwan trato ruwasqanta, qankunawan junt'anqa, imaynachus kunan kashan, ajinata.

1 Pedro 5:5

Jinallataj waynakuna, qankunapis iglesiapi kurajkunawan k'umuykukoj sonqo kaychej. Chantá tukuy wawqe panakuna purajmanta kasunakuspa, llamp'u sonqo kaychej, imaraykuchus Diospa Qhelqachisqanpi nin: Diosqa runaykachajkunaman sayaykun, llamp'u sonqoyojkunatataj k'acha kayninwan yanapan, nispa.