Génesis 31:53 - DIOSPA QHELQACHISQ

⁵³ Jatun tatayki Abrahampata Diosnin, jatun tatayki Najorpatawan Diosnin justiciata ruwawasunchej, nispa. Chaymanta Jacobqa, tatan Isaac pi Diostachus yupaycharqa, chay Diospa sutinpi tilorqa.

Qheshwa Biblia DC

⁵³ Abueloyki Abrahampa Diosnin, abueloyki Nacorpatawan Diosnin cheqanchawasunchej. Chaymanta Jacobqa jurarqa, mayqen Diostachus tatan Isaac yupaycharqa chaypa sutimpi.

DIOSPA QHELQACHISQAN DEUTEROCANONICAL

⁵³ Jatun tatayki Abrahampata Diosnin, jatun tatayki Najorpatawan Diosnin justiciata ruwawasunchej, nispa. Chaymanta Jacobqa, tatan Isaac pi Diostachus yupaycharqa, chay Diospa sutinpi tilorqa.

Génesis 31:53 ပူးပေါင်းရင်းမြစ်များ

Génesis 11:31

Chantá Terajqa churin Abramta, allchhin Lotta, chantá ñojch'an Saraitawan ima pusariykukuspa, Caldea suyupi, Ur sutiyoj llajtamanta riporqa, Canaán sutiyoj cheqanejman rinanpaj. Chaywanpis Jarán llajtaman chayaspa, chaypi tiyakoj qhepakorqanku.

Génesis 14:22

Abramtajrí Sodomata kuraj kamachejman ajinata kuticherqa: Noqaqa chhika kaj Patapi Kaj Tata Diosman tiluspa niniña, pichus janajta, kay pachatawan ruwajman:

Génesis 16:5

Jinapi Saraiqa Abramta nerqa: Agar pisipaj qhawanawanpajqa qanmin juchayoj kanki. Noqaqa payta qanman jaywarqayki warmiyki kananpaj. Kunantajrí wawayoj kananta yachaspa, noqamanta aswan kasqanta yuyakushan. Chayrayku Tata Dios nichun, qanchus chayrí noqachus juchayoj kasqanchejta, nispa.

Génesis 17:7

Qanwan kay ruwasqay trato, jinataj qhepanejman qanmanta mirajkunawan trato ruwasqaypis wiñay wiñaypaj kanqa. Noqaqa qanpa Diosniyki wiñaypaj kasaj, jinallataj paykunajtapis.

Génesis 28:13

Jinallataj Jacob rikorqa paypa ñawpaqenpi Tata Dios sayaspa, nishajta: Noqa Tata Dios kani, jatun tatayki Abrahampata chantá tatayki Isaacpatawan Diosnin. Maypichus puñushanki, chay jallp'ata qanman qosqayki, jinallataj mirayniykimanpis.

Génesis 31:42

Jinaqa, sichus Abrahampata Diosnin, tatay Isaacpa yupaychasqan Diosnin mana noqawanchu kanman karqa chayqa, mana imayojta kachapuwankiman karqa. Chaywanpis Diosmin ñak'arisqayta, qanrayku tukuy ruwasqayta ima rikorqa. Chayraykumin ch'isi k'amerqasunki, nispa.

Génesis 31:52

tratota ruwasqanchejmanta yuyarichinawanchejpaj. Ni qan, nitaj noqa pasanakusunchejchu mana allinta ruwanakunanchejpaj.

Génesis 47:31

Chantá Israel ujtawan nerqa: Tiluy, nispa. Josetaj tilorqa. Chaymanta Israel puñunanpi sawnanan chaynejman k'umuykuspa, Dioswan parlarikorqa.

Éxodo 3:6

Chantá nillarqataj: Noqa ñawpa tataykikunaj Diosnin kani, Abrahampata, Isaacpata, Jacobpatawan ima, nispa. Moisestaj chayta uyarispa, uyanta qhataykukorqa, imaraykuchus Diosta qhawayta manchachikorqa.

Éxodo 5:21

Jinapi jilaqatakuna nerqanku: Tata Dios qankunaj ruwasqaykichejta allinta qhawachun. Qankuna juchayoj kankichej faraonwan, yanapajninkunawan ima astawan chejninawaykupaj. Kunantaj qankunaj nisqaykichejrayku paykuna espadawan wañuchiwasqayku, nispa.

Deuteronomio 6:13

Tata Diosniykichejta may jatun respetowan qhawankichej, payllatataj yupaychankichej. Tiluspapis, Tata Diospa sutillanpi tiluychej.

Josué 24:2

Josuetaj tukuynin israelitakunata nerqa: Diosniykichej Tata Diosqa ajinata nisunkichej: Unay ñawpa tataykichej Téraj, chantá churinkuna Abraham, Najor ima Éufrates mayu kantupi tiyakorqanku, chaypitaj waj dioskunata yupaycharqanku.

Jueces 11:27

Mana ni ima sajratapis ruwaykichu. Qanmá mana allintachu ruwashanki noqaykuwan maqanakoj jamuspa. Tata Diosmin juezqa. Paymin justiciata ruwaspa nenqa pichus cheqanta ruwashasqanta, qankunachus chayrí noqaykuchus, nispa. Ajinata Jefteqa willacherqa amonitakunaj kuraj kamachejninkuman.

1 Samuel 20:23

Kay tratota ruwasqanchejmantaqa wiñaypaj Tata Diospuni testigonchej kachun, nispa.

1 Samuel 24:12

12 (13) Qanwan noqawan pichus juchayoj kasqanchejta Tata Dioslla nichun. Imatachus ruwawasqaykimantaqa Tata Dioslla yachachun. Chaywanpis noqaqa mana jayk'ajpis kuraj kamachejniypa contranta makiyta oqharisajchu.