Génesis 31:5 - DIOSPA QHELQACHISQ

⁵ Chayajtinkutaj, nerqa: Reparani tataykichejqa manaña ñawpajta jinachu qhawawasqanta. Chaywanpis tataypa Diosnenqa noqata yanapashawan.

Qheshwa Biblia DC

⁵ Chayajtinkutaj nerqa: Noqa reparakuni, tataykichejqa manaña ñaupajta jinachu qhawawasqanta; chaywampis tataypa Diosnenqa noqawampuni kashan.

DIOSPA QHELQACHISQAN DEUTEROCANONICAL

⁵ Chayajtinkutaj, nerqa: Reparani tataykichejqa manaña ñawpajta jinachu qhawawasqanta. Chaywanpis tataypa Diosnenqa noqata yanapashawan.

Génesis 31:5 ပူးပေါင်းရင်းမြစ်များ

Génesis 21:22

Chaypachallataj Abimelec, soldadonkunata kamachej Ficol ima Abrahamwan parlaj rerqanku: Yachayku Diosqa qanta tukuy ima ruwanaykipi yanapasusqanta.

Génesis 26:24

Chay tutataj Tata Dios payman rikhurispa, nerqa: Noqaqa tatayki Abrahampata Diosnin kani. Ama manchachikuychu, imaraykuchus noqa qanwan kashani. Kamachiy Abrahamman nisqayrayku noqa saminchasqayki, mirayniykitapis ashkhayachisaj, nispa.

Génesis 28:13

Jinallataj Jacob rikorqa paypa ñawpaqenpi Tata Dios sayaspa, nishajta: Noqa Tata Dios kani, jatun tatayki Abrahampata chantá tatayki Isaacpatawan Diosnin. Maypichus puñushanki, chay jallp'ata qanman qosqayki, jinallataj mirayniykimanpis.

Génesis 28:15

Noqa qanwan kashani. Maymanpis rejtiyki, noqa waqaychasqayki, kutichimusqaykitaj kay jallp'aman. Mana saqerparisqaykichu, qanman imatachus nisqayta junt'anaykama, nispa.

Génesis 31:13

Noqa kani, pichus Betelpi rikhurisorqa, chay Diosmin. Chaypi qanqa rumiman aceite jich'aspa chaynejta noqapaj t'aqarqanki, chantá noqapaj imatachus ruwanaykita niwarqanki. Kunanqa puririy, kay llajtamanta llojsispa, maypichus paqarerqanki, chay llajtaman kutipuy, nispa.

Génesis 31:29

Noqaqa qankunata imatapis ruwayta atiyman. Chayqa makillaypi kashan. Chaywanpis tataykejpa Diosnin ch'isi niwan: Sumajta qhawakuy, Jacobta ama imatapis ninkichu, nispa.

Génesis 31:4

Chantá Jacobqa Raquelta, Leatawan ima wajyacherqa, maypichus ovejakunata michisharqa, chayman rinankuta.

Génesis 31:42

Jinaqa, sichus Abrahampata Diosnin, tatay Isaacpa yupaychasqan Diosnin mana noqawanchu kanman karqa chayqa, mana imayojta kachapuwankiman karqa. Chaywanpis Diosmin ñak'arisqayta, qanrayku tukuy ruwasqayta ima rikorqa. Chayraykumin ch'isi k'amerqasunki, nispa.

Génesis 31:53

Jatun tatayki Abrahampata Diosnin, jatun tatayki Najorpatawan Diosnin justiciata ruwawasunchej, nispa. Chaymanta Jacobqa, tatan Isaac pi Diostachus yupaycharqa, chay Diospa sutinpi tilorqa.

Génesis 32:9

9 (10) Chantá Jacobqa Diosmanta mañakorqa: Jatun tatay Abrahampata, chantá tatay Isaacpatawan Tata Diosnin, qan niwarqanki llajtaypi aylluyman kutipunayta. Nillawarqankitaj allin rinawanpaj yanapanawaykita.

Génesis 48:15

Chantá Jacob ajinata nispa, Joseta samincharqa: Jatun tatay Abrahampata, chantá tatay Isaacpatawan Diosnin, pitachus paykuna yupaycharqanku, chay Dios kasqaymantapacha kunankama uywakuwarqa.

Génesis 50:17

Wawáy, ama jina kaspa, wawqeykikuna millayta ruwaspa, qanpa contraykita juchallisqankuta qhespichiy ari, imaraykuchus paykuna mana allintachu ruwasorqanku, nispa. Chayrayku nirikusuyta munayku, qanpa contraykita ruwasqaykumanta qhespichinawaykuta. Ajinata ruway, imaraykuchus noqaykoqa tataykej Diosninpa kamachinkuna kayku, nispa. Kachakuna ajinata willashajtinku, José waqayta qallarerqa.

Isaías 41:10

Chayrayku ama manchachikuychu, imaraykuchus noqa qanwanpuni kashani. Ama q'enaqakuychu, imaraykuchus noqa Diosniyki kani. Noqa kallpachasqayki, yanapasqaykitaj. Jinallataj justiciata ruwaj paña makiywan sayachillasqaykipuni.

Hebreos 13:5

Ama ashkha qolqeyoj kanamanta phutikuspa kawsaychejchu. Manachayqa imachus kunan tiyapusunkichej, chaywan sonqo junt'asqa kakuychej, imaraykuchus Dios nin: Mana qonqarparisqaykichu, nitaj saqerparisqaykichu, nispa.